الفرق بين الإعتلال المزاجي والإكتئاب

[راجيه الرضا]

الاعتلال المزاجي ? يختلف عن الاكتئاب ? ،النهارده هنشرحلكم يعني إيه إعتلال مزاجي "Dysphoria"
وده اضطراب نفسي وكتيير مننا ما يعرفوش عنه وبيفتكروه ان عندهم
"إكتئاب"Depression"

المُعتل مزاجياً يعيش حالة من الشعور بالتعاسة الشديدة أو عدم الارتياح أو عدم الرضا وهو اللي بيخلق لنفسه هذه الحالة المزاجيه السيئة، هو إنسان بيروح ينام بالليل وهو بيفتكر كل حاجه وحشه حصلت فى يومه، بداية من الكهرباء اللي اتقطعت والتكييف اللي فصل? ومرورا بحقد زملائه ومشاكله معاهم ويقعد يفكر حتى فانوس عربيته اللي إتكسر عند دخوله الجراج نتيجة لإهمال السايس أو يفتكر ما حدث فى حياته، وأبشع المواقف والأزمات التى تعرض لها، وسوء
‎المعامله إللي مر بها طوال اليوم سواء في الشغل أو في البيت مع شريك حياته بعد كل ده يدخل ينام ? لعده ساعات
يصحي الصبح وهو مهموم يائس فاليوم
لن يختلف كثيرًا عن الأمس بل أنه قد يكون أسوأ

طب إيه اللي يفرق بين الاكتئاب والاعتلال المزاجي؟

الإعتلال المزاجى يختلف عن الاكتئاب
فالشخص المُصاب بالاكتئاب في أسوأ حالاته ويشعر بأسوأ المشاعر السلبية المؤلمة حتى وإن كانت حياته رائعة كاملة مُكملة من كل أنواع الرفاهية يعني الاكتئاب حصل من غير سبب ومعاه أعراض كتيره تانيه ولمده طويله مستمره، أما المُعتل مزاجيًا هو شخص يعانى صعوبات فى حياته تخلق له هذه الحالة من المزاج السىء وبمجرد إصلاح المشكلات التى يعانى منها تنتهى هذه الحالة ويعود للمزاج المعتدل الطبيعى.

لا يمكن أن يزول إضطراب المزاج من نفسه،ولكنه قد يزداد سوءًا بمرور الوقت.

فيلزم طلب المساعدة من طبيب نفسي أو صديق مقرب تثق فيه وعنده الخبره إللي ممكن تساعدك قبل أن تصبح حالة الاضطراب المزاجي شديدة

طب إيه الحل؟?
الحل الجذرى لمشكلة الاعتلال المزاجى هو تغيير أفكارك وعاداتك وجدولة حياتك لتغيير نظام حياتك وبرمجتها مرة أخرى.. جدول حياتك بطريقة صح، الأكل الصحى وممارسة الرياضة ووضع هدف وإصلاح علاقتك مع صحابك وأهلك وحاول كل يوم تحدد حاجه بسيطه تعملها وشوف اخر اليوم عملتها ولا لأ حتلاقى دنيا تانيه جديدة غير الدنيا اللى كنت عايش فيها.. ابدأ الآن حط الكلام فى دائره الفعل والتنفيذ
‎لازم تبدأ من الأن بخطوات مكتوبه وبجدول زمني وحد يساعدك ويتابعك خصوصا الفتره الأولي
فهذا الكلام ليس له قيمه ولا أى معنى إذا قمت حضرتك بقراءته فقط وضغط لايك بس

وبكره إن شاء الله ? هنتكلم عن
الاكتئاب وأعراضه وأنواعه المختلفه?
ا.د.هشام حتاته أستاذ المخ والأعصاب والطب النفسي