الفاهمه تفزعلي تلحق علي لاني خلاص اتدمرت 8سنوات كفايه كفايه

ابنة السماء

ابنة السماء

New member
إنضم
2010/02/09
المشاركات
46
السلام عليكم ورحمة الله وبركاته......

بلقيسيات يعطيكم العافيه انا قد حاولت افهم شخصية زوجي وماااااااااااره مافهمت مره اقول شمالي ومره اقول جنوبي ومره اقول غربي وبعد فتره الاحظ اني اخطأت في تقديري :4:

وقريت موضوع انماط الشخصيات وبرضه ماعرفت
فياليت حبيباتي تفزعلي وحده من الاخوات الفاهمات وتسألني عن شخصيته وانا اجاوبها


وتشوف وش شخصيته :5:


انا بصراحه تعبت تعبت تعبت من حياتي جدا :8:

لاني قادره افهمه ولا هو قادر يفهمني مشاكلنا على طول انا انسانه رومانسيه ومتعطشه لكلامات الحب وهو انسان ثقيل جدا
وكلام الحب تقريبا شبه معدوم بيننا

مااذكر انه قد قاللي احبك تقريبا الا لما الح عليه بالسؤال وفي العلاقه الخاصه في ذروتها


احس انه مايحبني ولايدري عني مع ان مملوحه كثير ومرحه ومو متصنعه واحبه لدرجة انه كانو يسألوني الحريم يقولو سمعنا انك تحبي زوجك بالمره والله العظيم من كثر حبي له احس ان صدري يوجعني

بس هذا كان اول الحين خف كثير من اهماله العاطفي لي

واللي يقتلني اني لما اطلع مكان وانا متكشخه يسألوني صديقاتي هااه زوجك شافك قبل لا تطلعي وايش قال اكيد غصب طلعك ومن هالكلام مادرو انه مادرى عني


والاحظ ان زوجي مايحب يشوفني واثقه من نفسي من ناحية الجمال في بداية حياتي كان يقول مو بس انتي الجميله فيه اللي اقل وفيه اللي اجمل
مع اني والله العظيم مو مغروره ولا احب اتكلم عن نفسي واقول انا وانا مره لانه بالاساس ماعندي ثقه بنفسي وهذي المشكله دايم بنت عمتي تهاوشني عليها تقوللي انتي ليه ماعندك ثقه بنفسك ؟؟؟


بختصرلكم شخصيتي وشخصية زوجي وانتو احكمو

انا فرفوشه اغلب حياتي مزح والجد فيها قليل عاطفيه ورومانسيه كثيرة كلام احب اكون صداقات اجتماعيه

زوجي مره فرفوش بس برا البيت مع اهله اخواته اخوانه بنات واولاد اخوانه واخواته مع اصدقائه في البيت بس ساكت كلامه قليل دوم يتفرج للاخبار يحب المرأه الهادئه وقد صرحها :8: يقول حلو المراه الهاديه
يحب عياله بدرجه كبيره ويدلع تدليع مبالغ لما اطبخ لازم يقعد على راسي حطي من ذا وخلي ذا هذا يخرب الطعم الموووهم يعنني ماعرف اطبخ وهو يعرف

اذا جيت اطلبه شي اقعد اتحايل عليه واترجاه وادلعه وهو يقول لا تلعبين علي مو بزر انا

اذا تعبانه مااطبخ وهو مايزعل اذا طبخت مثلا خمسه ايام ورا بعض يقوللي خلاص ارتاحي اليوم اجيب من برا اذا ماتكلمت وقلت اشتري مقاضي المطبخ مايهتم ويشتري ويكون يوميا اكلنا من المطعم عادي عنده


اذا شافني اشتغل كثير يقول بس خلاص ارتاحي ليه كذا تشتغلين شغلك مره وحده ارتاحي وبعدين ارجعي خلصي

احس بعض المرات انه يحبني مدري هو صدق والا انا اوهم نفسي

طولت عليكم ادري بس ياليت القى جواب شافي لان نفسيتي والله زفت


ومشكورات ياحبيباتي :3:
 
بنات انا مشكلتي هو عدم الاهتمام منه فيني ومقصر جدا في كلام الحب حرام راح شبابي ومااتهنيت فيه


الوحده تحافظ على نفسها من قبل الزواج عشان ربي ثم عشان تكون وفيه لزوج المستقبل اللي حتى ماتعرفه

وفي الاخير يجيها زوج مايدري عنها


اتمنى تعتبروني اخت وتفيدوني
 
غاليتي
الله ينعم عليكم بالحياااهـ السعيدهـ

انتي شخصيتك ... جنوبيهـ شرقيهـ
وهو شمالي .. << هل زوجك عملي ؟؟ يهتم بالتقاليد وكلام الناس ؟؟

هذا من وجهه نظري **
 
حبيبتي ابنه السماء اذا ماخاب ظني فأن زوجك شمالي غربي والله اعلم
وهو دايم كذا ثقيل ولايعلق ولا كأنه شايف حرمه قدامه وماهو من السهل انك تتعرفي على شخصيته لانه فيه غموض لكنه من اروع الشخصيات لو فهمتيه وراح تحبيه وتشوفيه بشكل ثاني وهو يحب الحرمه الثقيله الهاديه الواثقه من نفسها والمهتمه بنفسها هو مايبين حبه بالكلام اكثر شي بالافعال هو ماراح يقولك مثلا ياحبيبتي لاتتعبي نفسك بشغل البيت لا بيقول لك بعدين خلصي شغلك ريحي نفسك يعني بالصريح مايعرف للرومانسيه ويحب يتفلسف وخصوصا من ناحيه الطبخ ونصيحه لك لاتسألينه هو يحبك ولالا ولا تنتظري منه يقولك انا احبك لانه يعتبر هذا عدم ثقه بالنفس صح انتي تحتاجي هذا الكلام منه لكن هذي طبيعه شخصيته وبعدين لما يقولك انا اجيب اكل من برى فهذا تعبير عن حبه لك ولما يقول لاتتعبي نفسك هذا ايضا تعبير عن حبه لك ولما مايزعل لما ماتطبخي ايضا هذا تعبير عن حبه لك وعشان تفهميه اكثر ادخلي في هذا المنتدى على هذا الرابط
http://www.niswh.com/vb/showthread.php?t=287786

وانشاء الله اكون افدتك:16:
 
انا ماقدر احدد لك نمط زوجك لأنه المسأله يبي لها دقه لكن احب اقولك زوجك يحبك ماشاءالله الرجال يعبرون عن الحب بطريقه عمليه لما يقولك خلاص تعبتي من الطبخ او شغل البيت ارتاحي اهتمامه هذا تتوقعين نابع من ايش ؟ اكيد حب لو مايحبك مااهتم حتى لو اتكسرتي من الشغل هو فيه من صفات الشمالي لكن مااقدر اجزم لك انه شمالي انتي بس ركزي على تصرفاته تعرفين انه يعبر لك بالفعل عشان ماتتعب نفسيتك
 
الله يسعدك اختي خجل ايه زوجي عملي ويهتم بالتقاليد جدا جدا وكلام الناس

تسلمين قلبي
 
معقوله يكون من اروع الشخصيات اختي لورا انا عن نفسي مااشوفه من اروع الشخصيات

ثقيل وشديد ومافي رومانسيه ويدقق في كل شي

بس راح اقرا الرابط الي اعطيتيني وتسلمي حبيبة قلبي ماقصرتي يارب افهمه وارتاح من همي
 
نضوج انثى تسلمي بس دامه يحبني لييييييييييييييييييه يتنرفز يوم أسأله تحبني ؟؟

خلاص ماعاد فيني ثقه بنفسي ماااااااااره
 
حياتي بيد حبيبي تسلمي بس حيرتوني الحين هو شمالي شرقي والا شمالي غربي


اسعدني مرورك
 
مادام انه يهتم بالعادات والتقاليد كثير فممكن يكون شمالي شرقي وعشان ماتحتاري اكثر
من كذا اقري اولا عن الشمالي كثير عشان تتأكدي انه شمالي وبعدين اقري عن الشرقي والغربي وشوفي وش اكثر الصفات الموجوده فيه وبعدين سؤالك ليه يتنرفز لما تسأليه هو يحبك ولا لانه يشعر انك غير واثقه من نفسك ومن مكانتك عنده بهذا السؤال.. لكن ريحي بالك انا مااشوف ان هذي المشكله تستحق منك فقدك لثقتك بنفسك... لكن اهتمي بتغيير نفسك واسلوبك وخليك غامضه شوي عشان هو يصير متلهف يعرف مافي داخلك ولاحظي انك يوم تهتمي بنفسك يبداهو يهتم فيك واقري في هذا المنتدى عن المرأه التي يعشقها الشمالي وقللي من الفرفشه واهتمي بالثقافه العامه
وكونـــــــــــــــــي واثقه من نفسك لانها اهم صفه تجذبه لك ولا يهمك كلام الناس هو قال لك ولاهو سوالك وخلي في بالك ان التغيير هذا لنفسك مو عشانه :5:
وكلام الحب مو كل شي ياما ناس كلامهم ينقط عسل ورومانسيه لكن مايحبون من قلب وبصدق..
موفقه حبيبتي













 
والله ياختي لورا صاير هالفتره تقريبا من 3 شهور ينام لحاله ويقول مااقدر انام في غرفة النوم مايجيني النوم فيها وهالشي بيجلطني

وفعلا يااختي اذا لهيت عنه الاقيه يتصل كثير ويلتفتلي ويهتم حبتين بس اذا حسسته اني ميته عليه مايهتم فيني

بس انا احس اني مااقدر مااسمعه كلمة احبك يعني اقولها تقريبا في الاسبوع او الاسبوعين مره مو كثير وصارلي متزوجه 8 سنوات وعندي 3 بنتين وولد بس تفكيري كله له حتى عيالي حبي لهم مو مثله ابد

وانا اذا قلتولي مااهتم فيه او بمعنى اصح مااصير لزقه وابعد عنه شوي ماراح اقدر لاني احبه ورومانسيه جدا صعب والله صعب


وفيه نقطه يابنات اني اذا قلت احبه يقول بالله بلا هياط خخخخخخخخ ياربي ذا وش اسوي فيه
 
زوجك شمالي شرقي ..اقرأي جيدا عن نمطه وراح تستفيدين كثيرا ..نصيحه خففي من تعلقك به واثقلي عليه ..خلاص ثمان سنوات كفايه عطي الرجال فرصه يحبك ويدللك ويقولك كلام رومانسي ..صدقيني زوجك يتمنى يقولك هالكلام بس ماعطيتيه فرصه ..الشمالي الشرقي يعاند اذا زنيتي عليه او طالبتيه بشئ بشكل مباشر ..خليه على راحته وبتشوفين كيف يتفاعل معك ..وبعدين نصيحه ..انتبهي تعلقين نفسك بزوجك وتحبينه اكثر من نفسك واطفالك لان اي صدمه منه بعدين تدمرك لا قدر الله ..حطي في بالك ان زوجك بشر واي بشر رجل ماله امااان ..رددي هذا الدعاء ..اللهم سخر لي زوجي كما سخرت البحر لموسى ..اللهم ارضى عني وارضي زوجي عني واجعلني كحل عينه ..موفقه
 
حبيتي خليك واثقه من نفسك لا تقولي له احبك بس لما تناديه مثلا قولي حبي أو حبيبي وتعودي انك ماتناديه إلا بمثل هذه الألفاظ بدون ما توجيها له زي الخبر
خليك دائم انيقه هادئة بيلاحقك بعيونة وبتشوفي كيف بيتغير مو في شهر او شهرين استمري واصبري على هذا الاسلوب سنين لا تحاولي تخلقي مشاكل عشان هذا الموضوع
لما يتدخل في الطبخ امدحي مداخلاته استشيريه افعلي كل ما ترينه يحب حتى وان كان ثقيل عليك صدقيني اذا اشبعتي رغباته كما يحب يجيه يوم يرضيك بكل شي تتمنيه حتى في العلاقه الخاصة بدون ما تطلبي
المهم اصبري بدون تذمر وكوني راضيه في وجهه دائما أو قدر المستطاع وبتشوفي التغيير باذن الله
ترك شخصية زوجك رائعه بس دوري على مدخله وشوفي ...
 
طيب هاانتي بديتي تعرفين انه مايحب التلزق فيه لاتقولين مااقدر راح تقدري مرني نفسك وعوديها وبالنسبه لغرفه النوم غيري فيها من اضائتها مفارشها وريحتها يمكن بالفعل ينزعج من العيال
هذا اذا ماكان فيه شي ولامتعرف على واحده انتبهي لزوجك وغيري من نفسك قبل لاتندمين اهتمي فيه ولاتهمليه ترى الشمالي يحب الحريه والاستقلال ويحبك تكوني حره نفسك قولي لنفسك من الان انا اقدر اعيش بدون كلمه احبك ..ردديها لين مايجيك يوم تسمعيها بدون ماتطلبيها يـــــــــــارب
 
فعلا اختي الشتاء الدافئ هو قد قاللي لاتحسبين ان وضعنا عاجبني ويقول والله لما اطلع واشوف زوجين في السياره مقربين لبعض ويسولفون اتمنى نكون كذا

وانا اقعد فتره اقول خلاص ماراح اخليه اكبر همي ولكن مااحس بنفسي الا وقد رجعت نفس اول ماني عارفه كيف اواصل على التغيير



وصارت مشكله بيني وبينه كان هو الغلطان وقبلها كنا زعلانين من بعض على حكاية نومته لحاله بالمجلس وكان حاط الحق علي ومايشوف ان السبب يستاهل لكل زعلي المهم جات المشكله الثانيه اللي هو غلطان فيها وقعدت يوم كااامل بنجن وهو مكابر مايبغى يقول انا غلطت ولا يعتذر والمصيبه يجي وهو معصب ويقول الحين انتي ليش كذا معصبه قلتله قديمه هالحركه تغلط وتجي كأنك ماسويت شي لاعاد تلعبها علي وقلتله انا من زمان وانا فيه صوت بداخلي يقول يابنت الناس خلاص كفايه هنتي نفسك اكثر من اللازم يابنت ارجعي فلانه الاولانيه الانسانه الحبوبه اللي ماترضى الغلط لا لنفسها ولا لغيرها اللي كرامتها فوق فوق بس تدري انا والله مو زعلانه عليك انا زعلانه على عمري لاي مستوى وصلتله بالعكس حبيبي انا اشكرك لاني كنت محتاجه عالصفعه عشان افوق لعمري

بغى ينجن قال والله انا غلطان واسف ولا تزعلين علي قلتله قلتلك من اول والله انا موزعلانه عليك قلتلك بس خلاص انا شاء الله اني متغيره بس ابغى منك تساعدني ارجع زي قبل
قال والله خلينا نتفق انا وانتي ونحاول نصلح اللي بينا قلتله انا حاولت كثير معك وتعبت خلاص ماعاد فيه قال والله حتى وانا ساجد وانا ادعي ان الله يصلح مابيني وبينك بس انتي برضه حاولي قلتله ماعاد فيني كم مره تقول هالكلام ولا تخطي خطوه لقدام قال خلينا نحاول هالمره طبعن وقعد يحاول فيه الين ماحس اني نوعاما اقتنعت طبعن انا مره مااقتنعت وهو عارف بس قال اهم شي انها لانت شوي

واول مابدا يناقشني في المشكله مسك يدي قمت انا سحبتها بقوه ومشيت مسكني مره ثانيه وقال عيب عليك تسوين فيني كذا وكان يحاول يمسك يدي وانا مره مو راضيه وابغى امشي ماابغى اتكلم الين مسكني بالقوه وجلسني وقعد يتكلم هالحركه ارضت قليل ممافي داخلي وحسيت اني باقي عندي بعض من كرامتي لنفسي

المووهم كان يتودد كثير هذيك الايام الين ماراح الزعل مني ورجعت لزقه زي قبل و عادت حليمه لعادتها القديمه انا وياه

وعندي مشكله ياختي خاصه جدا ماادري اذا اقدر اقولها لك في الخاص اولا لاني جديده لانها هي المشكله الكبيره الاولى اللي وقفه في وجه زوجي دوم ولا يقدر يتحرك منها


ومشكوووووووووووووووووووووووووه غلاتي :5:
 
حبيتي لورا تسلميين على المتابعه معاي وحرصك على افادتي واتمنى تواصلي معاي الين مااتغير

زوجي الحمدلله ماهو راعي بنات مررره لانه يخاف الله اولا ثم يخاف على اهله وبناته بدرجه كبيره لانه هالمثل ان من دق باب الناس دقو بابه مؤمن به لدرجه كبيره

وان شاء الله اتغير على ايدكم انا لو تغيرت اكيد بتتغير حياتي شي متأكده منه بس ماعرفت اغير نفسي

يسلمووو مره ثانيه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل