مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

العيال مالهم ذنب

عبير210

New member
إنضم
28 سبتمبر 2011
المشاركات
27
الى بلقيسات اذا الي يصيرلي عادى ولا لأ لأنى خلاص ضايعه بين انسان انا اشوفه مقصر وهو يشوف نفسه كامل ولكمال لله

عيالى محبسين فى البيت مايطلعهم واذا بنطلع فى السياره ونمشى فى الشوارع ونرد البيت
نادر يطلوعون ويسيرون للملاهى يعنى مثل ما يقولون فى السنه أحسنه
لاتقوللى تناقشى معاه تعبت
ببحكم انه يتوجد معانا فى نهاية الأسبوع لأنه يشتغل فى أماره ثانيه يرجع بليل وتعبان له كل الحق ما يقدر يطلعهم
ثاني يوم سعات يوديهم معاه سوق السمك ويصلون ويرجعون والعصر يقضى اشغاله وثاني يوم يخلص بعد شغل ويرجع مقر عمله
كلمته بلحسنى ماشى فايده كله عنده انا ما اقدره كاسرين خاطري الأولاد اصغار مالهم ذنب عندى ألي عمره سنتين و ثلاث وسبع والكبار تراحم تعودوا بس والله مالهم ذنب
مايرضي نخلى زحليقه للأولاد ولا المريحانه فى البيت هاي الأشياء ماشافوها ألا فى بيت الجيران او بالمرات النادره ألى نطلع فيها
احزن عليهم طفولتهم وطاقتهم كلها محبوسه حسبى الله ونعم الوكيل
حتى هو الأولاد ماشبعانين منه كل شيئ عنده انه مامقصر
شو اسوى:6:
 

رندا كووول

~◦ღ( حكيمة الإستشارات الزوجية )ღ◦
إنضم
31 مارس 2011
المشاركات
3,260
ياعبير زوجك مشغول طول الاسبوع .وماقصر معاهم يطلعهم ف السياره او سوق السمك .
وتواجده قليل بسبب عمله التمسي له العذر ..
اطلعي واستمتعي معهم ومشيهم او مع اهلك..
والاطفال اي شيئ يرضيهم ويفرغوا طاقتهم فيه لو يلعبوا كوره او دراجه ف الحوش .
الله يخليهم لك .

 
إنضم
1 مارس 2011
المشاركات
1,131
مادام مايقدر يطلعهم اطلعي مع اهلك او اخوانك ولعبيهم او جميع فلو لزحليقه او مرجيحه وخليه يشتريها او خلي اخوك وكانهاهديه منه اذا زوجك ماعنده وقت ويقول مشغول واذا اولادك كبار يقدرون يكتب رساله لابوهم يكتبون وباسلوب بسيط وحلو وطفولي ويبينون حبهم له وان شاء الله يتقبل
 

عبير210

New member
إنضم
28 سبتمبر 2011
المشاركات
27
حبيبتى رندا الطلعه مع الأهل ممنوعه ترجيييته مرارا وتكرارا ولكن ماشى فيده معاه وبس
والله لو تشوفين منظرهم وهم ملانين بتحسين بالحزن عليهم خاص ولادي الكبير عمره 13 سنه
من حقه يطلع ويرفح عن حاله حتى ولو بالقليل
 

قصة خيال

New member
إنضم
19 أغسطس 2011
المشاركات
104
لاماعليش
اسمحي لي والله مااخلي عيالي محبوسين انا احن عليه لين ماايطلعنا غصب
عنه واذا موراضي اقوله ترى اهلي بيمروني علشان نطلع ونتمشى معهم
والله حاسه فيكي واذا على كذا اقنعيه بالحسنى
والله يابنت الحلال مابغا ه يصير تحريض بس
اخت زوجي بغا يجي لعيالها حالات نفسيه بالاخص ان الصغير معاق
ويستانس على النااس والطلعه
ولاروحه لاهلها ولاتمشيه اخر شي تطلقت
وتشوفينها كل يوم لبس ووناسه وعيالها نفسياتهم مره كويسه
بس اخت زوجي كانت منهانه من امور كثيره من زوجها يعني
انتي بس تعانين من هالشي والله يكون بعونك
طيب كلمي اخوك ولاخواتك واهلك
وخليهم يدقو عليه وهو بدوامه اليوم بنطلع
ولا اليوم بينمر اختنا علشان نستانس ويا اليهال
يعني يحسسونه انه برغبتك وافقت مو غصب عنك
وبدعيلك بضهر الغيب ياقلبي
 
إنضم
2 يوليو 2011
المشاركات
51
ياناس انتوا شايفين مسألة اطلعي مع اهلك او اخوانك سهله اذا احتجت لأمر مهم بغيابه ممكن لكن حتى تتمشين صعبه شوي كذا يكثر الكلام عليك وعلى زوجك وانتي تحاولين تتدارين وتغطين وماترضين يترك مسؤليته وغيره يتحملها لوجات منهم مافي مشكله
 

عبير210

New member
إنضم
28 سبتمبر 2011
المشاركات
27
الغاليات نحن مالنا وايد زيارات بس بيت اهلي واهله فين لفين لبيت اخوانى علشان جذه قليل الناس تدخل بيتى
الله يعافينى ويعافيكم
بس اخوانى واخواتى يمرون على وامه بين فتره وفتره اخته فترات طويله لأنه نحن وايد انقصر فى حقهم وزيراتهم واحس ان نحن قاطعين الأرحام والله يشهد مو منى نصحتى وايد ولكن ماغير فايده
 
إنضم
23 يوليو 2011
المشاركات
455
اطلعي مع اهلك وليه يانسيم الجنوب صعبه عادي اكثر الحريم لاراحو عند اهلهم تمشو معهم وسيرو معهم عادي واذا اهلها جنبها تروح م امها وعيالها مع اخوانها ويتمشون
انا بالنسبه لي عااادي مع اهلي واختي لا ممنوع من قبل زوجها عشان مانقول عطني شي نتمشى
 

عبير210

New member
إنضم
28 سبتمبر 2011
المشاركات
27
هو يفكر ان العيال ما بتأثرون ولكن صدقونى من الضيق احس انهم كسالي وما فيهم نشاط
ويقولون ليش مانتطلع و انا احترق شو الحل
ويقولوله بابا خليك معنا اجل شغلك قصدهم في الويك اند ىرد انه مايقدر تخيلوا شكل العيال
 

حيرتونا

New member
إنضم
23 نوفمبر 2011
المشاركات
207
طيب انتي ليه موجعه راسك كل اب يحب اولاده ويموت فيهم اذا الاولاد حبوا يطلعوا يتنزهوا خليهم هما يروحوا لابوهم ويقولوا له انهم ودهم يطلعوا

واكيد راح يكسروا خاطره وياخذهم يمشيهم
 

أم جهاد*

New member
إنضم
11 يوليو 2009
المشاركات
48
الله يعين
انا عشت حياتي بهذا الشكل ولليوم ماعندنا ترفيه بالبيت نهائيا
 

تشكرات

~◦ღ( حكيمة الإستشارات الزوجية )ღ◦
إنضم
6 نوفمبر 2010
المشاركات
3,178
طيّب يا أخــتــي مادام زوجك مشغول لهذه الدرجه ....أنت خذي عيالك وأستأجري ليموزين وفسّحيهم ...وأنت تقولين أنّ

ابنك عمره 13 سنه ( ربي يحفظهم لك ) يعنــي ماشاء الله كبير ...خلاص أنت أخرجــي وفسّحيهم ...وأتّفقــي مع زوجك

على كذا ....يعني مرّه بالأسبوع .......

وانتظــري أجازة زوجك الرّسميّه ..حتى تسافروا سوااا .....أو تقضوهــا في بلدكم بين الملاهي والمطاعم وماشابهه ...

ربي يهديه ويسخره لكم ..
 

زوجة محب

New member
إنضم
2 نوفمبر 2011
المشاركات
80
لما يقولو لك انهم يريدون يتفسحو قولي لهم يقولو لابوهم ومع المدة راح يتغير
 

عبير210

New member
إنضم
28 سبتمبر 2011
المشاركات
27
ما يرضي اطلع من البيت وتقولون اطلعى وفسحيهم و اسافر انا ولا العيال شفنا الطياره اصلا عنده الخير بس مادري شو اقول
 
إنضم
28 يونيو 2009
المشاركات
948
والله فاهمه حالتكـ بقووووه


بس موضوع الوقت ترين فعلا الويكـ اند والله يروح الواحد مايقضي حاجته والوقت يمر بسرررعه
يعني هذي معاه حق مايمدي ..
واذا رافض خروجكـ خلي الاولاد يطلعو مع اعمامهم او جدتهم او اخوانكـ وانتي ابقي في البيت
الشكوى لله ..
الالعاب اجمعي مبلغ واطلبي لو من جارتكـ تجيبهم ولا يدري قولي هديه من اختي << عشان صعب يسألها .


اذا اتصل وقال انه بالطريق مثلا قولي له جهز نفسكـ عازمتكـ ع العشى اول ماتجي واخرجو حتى لو تعبان يتحامل على نفسه وبعدها يرتاح يوووم كامل .


تأكدي ان الكل فاهمكـ بس هو مغلق كل الطرق ..
 
أعلى