العصبيه

[السهرانه]

هلا بغا ليات مملكة بلقيس وكلي امل انكم تساعدوني مشكلتي ممكن يشوفها البعض تافهه لكني والله اعاني منها المشكله هي عصبية ريلي ريلي يتعصب لاتفه الاسباب موعارفه كيف اتعامل مع هذا الريال اذا طلبت شى اتعصب اذا العيال طلبوا شى اتعصب حتى لو اشياء خاصة للمدرسه وانابطبعي عصبيه كمان ما اقدر اسايس او اجامل ما اتحمل شو الحل مع هذا الريل وكيف اتعامل معه من الناحيه النفسيه وكيف اطبطب عليه واخليه يفتح لي قلبه واخليه يتكلم معاي واكسر حاجز الصمت اللي بينا دلوني كيف اكون رييلكس اذا تقدرون تعرضون مشكلتي على الدكتورة ناعمه أو الدكتورة موزة اكون ممنونه لكم ولا تنسوني من الافادة من معلوماتكم

 

[دنيا الأمل]

الله يكون بعونك ويفرج همك
مدري هل زوجك من يوم أخذتيه هذا طبعه ؟؟ ولا بس ألحين ؟؟
لو طبع الله يعينك صعب يتغير
لكن لو هالفترة بس,, جايز إنه يمر بظروف صعبة أو ما شابه
إنتِ تخيري الأوقات المناسبة وكلميه عالطلبات وغيره
حاولي لو تروحو مكان هادي أو تسافرو مثلاً بدون الأولاد
وتتناقشي معاه في عصبيته وغيره بس وهو مروق آخر روقان
وإن شاء الله تحصلي نتيجة