العشرة الحلوة على الراس والعين ..

[عجابة]

يحكى أ ن أحد الرجال (( بدوي ))
أراد الزواج على زوجته التي يحبها وتحبه ..
وتمم أمر الخطوبة دون إعتراض من زوجته الأولى
(( فهذا في عرف البدو ليس من شيم بنات الرجال )) احم
وعليها طاعة زوجها طاعة عمياء .. وتقبل تصرفاته دون استفسار ..
أمر بأمر عسير أو أمر يسير .. هجر أو ضرب أو امتدح أواعترض
أو أراد الزواج مثنى وثلاث ورباع ..
نعود لصاحبنا .. أتم جميع استعداداته
واشترى جميع مؤن العروس ..
(( زل وفرش .. سكر وشاهي ورز .. بن وزعفران وهيل .. وجميع ما تحتاجه العروس ومنزلها ..))
حملَ به سيارة جيمس حمراء !.. جديدة إلى أعلى عوارضها ..
أتى بالسيارة عند باب زوجته الأولى
(( صاحبة السمو الملكي .. زوجة أولى )) على قول البلقيسيات
وعز الله إنها ملكة .. على قول عجابة ..
وقال : يا أم فلان ..
قالت : لبيه يا ابو فلان ..
قال : اطلعي شوفي الجمس اللي عند الباب ..
قالت : عسى عمرك طويل وشفيه ..
قال : تامرين أجيب لك مثله بحمولته (( رضاوة )) أنا حاضر ..
ولا تبغين حقك دراهم ..
( أويلاه .. ياشق جيبي شقاه !! هذا عجابه تقوله ..)
قالت : (وبدون تلعثم ولا تردد ولا تلخبط ..)
لاوالله يا بو فلان أبيعك بالفلوس ووسخ دنيا ..
والله لوتعطيني ملايين ماابيها ولاأبيعك ..
قال : أنا أبو فلان .. تشتريني وأبيعك ..
تعال يا ولد .. خذ الجمس اللي عند الباب
وده لبيت فلانه بنت فلان ..
وسلم هالمظروف .. لهلها .. (( ورقة الطلاق ))..
**
وباع الثانية .. وشرى الأولية ..
يوم صدقت في المشترى والمحبة .. وربحت البيع !!
رأيكم يا أحلى بلقيسيات في الزوجة ....والزوج البلقيسي ..
طرا على هاللقب الآن وبعد اتمام الرتوش الأخيرة للقصة ..
القصة حقيقية 100/% وسردت لي من إحدى قريباتهم ..
أحلى تحية لأحلى وأغلى البلقيسيات..​

 

[جوهرة المملكة]

ههههههههههه......
بسراحه القصه مضحكه ومبكيه ومحزنه في نفس الوقت ,,,,,
اما ا اقوله كذا .... وان راح بذا السياره ومعد رجعلي,, ولا تورطت وما طلق الثانيه ,,, بسراحه قويه الحرمه هاذي.. والرجاجيل مو مثل بعض !

 

[تاج راسه]

:blow:

 

[سمر الحلوه]

مشكوره اختى على القصه المفيده

 

[الريانه2004]

يسلموووووووووووو

 

[أم البيان]

والله بنت رجال بس مو كل الرجال يسوه زي ماسوى زوجها زين لوفكر يعطي رضاوه
​

 

[دفء سنيني]

رأيكم يا أحلى بلقيسيات في الزوجة ....والزوج البلقيسي ؟

الزوجة لاتعليق على سلبيتها حين أراد الزواج

وفعلا بدأ بالإجراءات (أو أنك لم تذكري لها أي رد فعل)

بس تصرفها حكيم حين خيرها في *رضوتها* رغم أنه لايشئ يشفي جرح ذهاب زوجي لغيري ولو توجني ملكة على الدنيا ومافيها

تراجع الزوج أمر رائع وسيعيد للمرأة الجزء الذي سلبه من ثقتها بنفسها حين فكر الزواج بأخرى

أيضا يدل ذلك بأنه حين أراد الزواج بأخرى كانت رغبته التعدد لتعدد فقط

ليس لنقص بزوجته معه في أي ناحية بدليل تراجعه جراء مفعول موقف / كلمة

الحمدلله الله ستر

بس أنا شخصيا لو لاقدر يصير شي مشابه معي أعتقد أنه مجرد تفكيره

وبدأ تنفيذ فكرتــه حتى لو تراجع في اللحظات

جرح عميق في مشاعري تجاهها

وأجد فيها كسر للشئ الكثير الذي كان بيننا

وصعب ولن يجبر

حتى وإن عـــــــــــــــــــــاد

خطيــــــــــــــــرة *_*

 

[عجابة]

يا دفء سنيني شرفني مرورك ..
وأمديت موضوعي بدفء المشاعر وحنانها
وردك خطير .. يا خطيره..
والنساء يختلفن رغم الاتفاق بأن موضوع الزوجه الثانية لايسر أي إمرأة على وجه الأرض
إلا من بها خلل عقلي ..
أو لاتحب زوجها وتريد التخلص منه ولو ليوم بعد يوم .. هذا إذا عدل في المعاملة ..
.. أكرر شكري الحار لدفء سنيني .. وشرفني مرورك .

 

[نور الصفاء]

رأيكم يا أحلى بلقيسيات في الزوجة ....والزوج البلقيسي ..
الراي رأيك يا فندم ,,,
ليت ربي خلقني بدوية كان اقوله سم طال عمرك مو مهتم انا احترق اموت اهم شيء تكون مرتاح يا طويل العمر ,,
والاجابة الثانية بتكون بلسان نور الصفاء وجع يوجعك يا عديم الوفاء
تتزوج علي وجاي تبي تشتريني بفلوسك في نار جهنم انت وفلوسك
آل يتزوج آل مو ناثص الا ارقص في زواجه واغني

 

[همسة حنين]

عجابه واسلوب عجاب في الطرح والتميــز ..
بلقيسيه عرفت كيف تحل موضوعها بدهاء وذكاء ماشاء الله تبارك الله ..
اماهوا بلقيسي فلاااا وألف لا .. الا عديم مروة بس كويس ان في خير
الله لايقدر يارب ولايكتبها عليا لا أحرق قلب احد ولا احد يحرق قلبي يارب ..

تسلمى خالتو عجابه

بالتوفيق يارب

 

[مشتاقه لريلي]

ياحبيباتي هذي حظها من السما وقالت لكم عجابه تحبه ويحبها 000 لإن بالغالب البدوي ومن شيم الرجال اللي تفرض عليه إنه مايتراجع لما يعطي كلمه للرجال 000 لكن يبدو ان أثروا عليه جماعته والزوجه اللي يحبها أصلا فاهمته وعارفه شلون تجر رجليه بكلمتها 000 ياحلو حب البدو لي صار من قلب ولو اني راحمتهم فرق بينهم وبين شباب هالوقت هاللي موماليه عينه زوجته تكشخ وزين وحالتها حاله وشايف نفسه

 

[ام صوبي]

ذكرتيني بقصة عكسها تماما بس وجه الشبه هو البيع و المشترى وهي قصة احدى المعلمات التي كانت لها زميله غير متزوجه وكبيره وما تقدم لها احد وكانت تود الزواج باي طريقة قالت لزميلاتها اللي تجيب لي معرس باعطيها مية الف ريال هدية . اختنا المعلمة طار عقلها مع المية الف وراحت تفكر كيف تحصل عليهم فطرت لها فكره وهي انها تزوجها زوجها وعرضت الفكرة على الزوج اللي تفاجأ طبعا قالت يابو فلان نزوجها كم اسبوع وبعدين طلقها واكون انا خذيت المية الف الزوج رفض ولكن بعد الحاح منها وافق . الزواج تم والاخت خذت المبلغ ومر على الزواج اسبوع واسبوعين وثلاثة ووتم له شهر والزوج معشعش عند الجديدة . الزوجة راحت عنها السكرة وجتها الفكرة و صارت تحرى الرجال ينفذ باقي الخطة بس لاحس ولا خبر . دقت عليه ها يبو فلان وين الوعد وش توقعون الرد:

قال ان شاء باطلق والطلاق راح يكون نصيبك لان ماراح ابيع وحده شرتني واشتري وحده باعتني بمية الف.

 

[الوحشه والجميل]

خخخخخخخخخخخخخخخخخخخ والله ياعجابه منت بهينه تصلحي تمثلي مسلسل بدوي كعكعكععععععععععععككككععععععععع
بس على فكره لو صارت معايا كان قلتله هات مليون وطلق موهو اللي بدأ وباع كفايه انه فكر يبيع مثل الي بيشتري عماره وهون

 

[حلمي الكبير]

كلك حلا ياعجابه وموضوعك اكثر من روعه دخلتيناااااا جوووو

 

[مبحرة في ذكريات]

السالفة اكيد قديمة لان الحين كل شئ تغير ,,,والشئ الاكيدان الرجال مثل الحريم تغيرو الرجال صار عنيد والحرمة صارت اعند والدليل نسب الطلاق الى تسجل كل يوم والدنيا الى تغيرت بافعالنا والف شكر ,,,

 

[@*Baby Face*@]

رأيكم يا أحلى بلقيسيات في الزوجة ....والزوج البلقيسي ..
الراي رأيك يا فندم ,,,
ليت ربي خلقني بدوية كان اقوله سم طال عمرك مو مهتم انا احترق اموت اهم شيء تكون مرتاح يا طويل العمر ,,
والاجابة الثانية بتكون بلسان نور الصفاء وجع يوجعك يا عديم الوفاء
تتزوج علي وجاي تبي تشتريني بفلوسك في نار جهنم انت وفلوسك
آل يتزوج آل مو ناثص الا ارقص في زواجه واغني

والله ردك رووووووووووعه ....بجد ضحكتيني :shiny: الله يسعدك دنيا وآخره.......

وشكرا "عجابه" على الموضوع وانا لو سواها ابو الشباب :santa_1: رح اطين عيشتو وامسح بكرامتو الارض وأخذ حقي منو ثالث ومثلث :showoff: ههههههههههههههه

 

[عجابة]

والاجابة الثانية بتكون بلسان نور الصفاء وجع يوجعك يا عديم الوفاء
تتزوج علي وجاي تبي تشتريني بفلوسك في نار جهنم انت وفلوسك
آل يتزوج آل مو ناثص الا ارقص في زواجه واغني

هلا والله بنور الصفا ونور المملكة كلها ..
طيب أنتي ماانتي بدوية ..
وانتي نور الصفاء وتقولين (مادون أعلاه)..
جهنم يانور والله حرام فلوسه تروح جهنم بس هو لا ..
( لأني بشويه أنا قبل ههههههههههه)

آل يتزوج آل مو ناثص الا ارقص في زواجه واغني

والله يانور عندنا وعاداتنا (الزوجة الأولى ) يباركون ويجيبون هدية ويرقصون ويغنون ..

للزوج غالبا وأحيانا للزوج وللعروس .. ( هذولا بنات الرجال ياخية )

والله إني بنت رجال وسيد الرجال وشيخ.. ربي يحفظه ويخليه .. يارب ..

لكن على ذا الموضوع ماني بنت ....

 

[عجابة]

عجابه واسلوب عجاب في الطرح والتميــز ..
بلقيسيه عرفت كيف تحل موضوعها بدهاء وذكاء ماشاء الله تبارك الله ..
اماهوا بلقيسي فلاااا وألف لا .. الا عديم مروة بس كويس ان في خير
الله لايقدر يارب ولايكتبها عليا لا أحرق قلب احد ولا احد يحرق قلبي يارب ..

تسلمى خالتو عجابه

بالتوفيق يارب

هلا حبيبتي هموسة ..
متحاملة على التماسيح وانت باقي ما شفت شي !!!
والله كثر خيرة جاب أغراض العروس عند الباب وخيرها بين المماثل ولا الفلوس
ويوم عرفت ترد طلق الجديد وحفظ القديم وقديمك نديمك .. تحياتي الصادقة لك .

 

[عجابة]

ياحبيباتي هذي حظها من السما وقالت لكم عجابه تحبه ويحبها 000 لإن بالغالب البدوي ومن شيم الرجال اللي تفرض عليه إنه مايتراجع لما يعطي كلمه للرجال 000 لكن يبدو ان أثروا عليه جماعته والزوجه اللي يحبها أصلا فاهمته وعارفه شلون تجر رجليه بكلمتها 000 ياحلو حب البدو لي صار من قلب ولو اني راحمتهم فرق بينهم وبين شباب هالوقت هاللي موماليه عينه زوجته تكشخ وزين وحالتها حاله وشايف نفسه

انت اسمك مشتاقة .. بس والله احنا اللي مشتاقين ..
ما عاد تنصادين .... أحلى شي جرته برجليه ..
ولا طاح البدوي وش تسوي ..
أول شي جرت راسه وحطته .....
كلمة الرجال ما يترجع عنها ..
والحرمة مالها كلمة في زواج زوجها ..
ولكن البدوي هذا خالف القاعدة الله يبارك فيه ..

 

[عجابة]

ذكرتيني بقصة عكسها تماما بس وجه الشبه هو البيع و المشترى وهي قصة احدى المعلمات التي كانت لها زميله غير متزوجه وكبيره وما تقدم لها احد وكانت تود الزواج باي طريقة قالت لزميلاتها اللي تجيب لي معرس باعطيها مية الف ريال هدية . اختنا المعلمة طار عقلها مع المية الف وراحت تفكر كيف تحصل عليهم فطرت لها فكره وهي انها تزوجها زوجها وعرضت الفكرة على الزوج اللي تفاجأ طبعا قالت يابو فلان نزوجها كم اسبوع وبعدين طلقها واكون انا خذيت المية الف الزوج رفض ولكن بعد الحاح منها وافق . الزواج تم والاخت خذت المبلغ ومر على الزواج اسبوع واسبوعين وثلاثة ووتم له شهر والزوج معشعش عند الجديدة . الزوجة راحت عنها السكرة وجتها الفكرة و صارت تحرى الرجال ينفذ باقي الخطة بس لاحس ولا خبر . دقت عليه ها يبو فلان وين الوعد وش توقعون الرد:

قال ان شاء باطلق والطلاق راح يكون نصيبك لان ماراح ابيع وحده شرتني واشتري وحده باعتني بمية الف.

شرفني مرورك أم صوبي ..
وقصتك رائعة وتستاهل ما جاها وليتهم ثلاث !!!
الحين نداري ونماري في الرجال علشان ينثبر وما يتلفت وهذي تجيبها على طبق من ذهب ولا ورضوتها جاهزة 100ألف (( هي رضت نفسها وارنضت )) ..
كفوها الجائزة وعلى نفسها جنت براقش ... ومن حفر حفرة لأخيه وقع فيها ..
ويداك أوكتا وفوك نفخ ... أخاف أسرد كل الأمثال العربية والشعبية من قهري منها ..
أضفت على موضوعي روعة وتوازي موزون ( زوج وزواج وطلاق ورضوة ))
سلمت يداك يأم صوبي .. وخلك صوبي وصوب مواضيعي .. عجابة .