الطلاق الحين او بعدين بس ابي تساعدوني متى اقرر

رحيل الوقت

New member
إنضم
2009/07/05
المشاركات
481
http://www.niswh.com/vb/showthread.php?t=217075

هذا موضوعي السابق

الان لي مده كافيه كافيه اني اقرر وهو يقرر

قراره كان تنفيذ خطب من ناس

اهم شي انه ما يردني والسبب مكتوب في الموضوع السابق

طبعا انا مارح ارجع نهائيا نهائيا لانه بياع لسبب اللي فات وده يتزوج علي يعني وضعي لا احسد عليه

تزوجت انسان قمه في الانانيه وحب الذات اهم شي ما يجي ويقول يا فلانه ارجعي او يرسل او يدق علي او يقول لي وش مزعلك

نهايته يا بنات اصبر ولا ارسل له رساله ابيه يطلقني

ولا تقولوا لي الطلاق لسبب بالشكل هذا مو حل اقلكم انه ما يبيني وش اكثر من كذا اثبات لي انه ما يبيني

يعجبني فيكم تقولون الصح وادري بتقولوا معه الصح عارفه ومتاكده

لكن هذا قراري ابيكم تدلوني اصبر الين اطلب الطلاق بعدين ولا الان ارسل له رساله انه يتركني بحالي ويطلقني
 
استغفري وصلي الاستخارة

ماتدرين
يمكنه يحبك ويتغلى خايف يفقدك لا عرفتي مقدارك عنده فيه رجال كذا
قبل كل شي الاستخارة
وحاولي تلجئين لربك وتستغفرين
حاليا انسي موضوعه وخليه على جنب

خلاص انسي جوالك تخيلي ان احنا رجعنا لثلاثين سنة ورا وماعندنا جوالات


انسي كل شي

لو تين تتعلقين بربك صح انسي حتى زوجك ...
 
يسلمو حبيبتي على ردك

خلاص يا قلبي فيه شي اسمه عيافه عفته دوم اقول اجل لو اني مطوله لساني عليه ولا على امه ولا على احد من اهله وش سوا

وصادقه فعلا يوم تقولي انسى كل شي بس الجد زوجي ما دق عشان انسى جوالي فهمتي علي ولا رح يدق اعرفه
 
حبيتي استخيري ربك واذا ماعندك منه عيال اطلبي الطلاق لانه الحياه معاه تنعاف

وارجعي لربك وصلي فرضك وادعي انه ربي يعوضك بالي احسن منه
 
اااااه يا الناس ما يرحموا

فعلا الحياه معه تنعاف بس قراري اتخذته

الله لا يحدني على احد غير ربي يارب
 
الله يساعد الجميع

بس ما ادري تشجعوني على اني ارسل له الرساله ولا اصبر الين يمل
 
اذا خلاص ما عد تقدرين تتحملين شوفي اللي يريحك بس لازم تستخيرين اول الله يريحك انشاالله ويعوض صبرك خير
 
مدام ناوية ومعزمة وما يردك أي كلام ينقال طرشي له من الحين أنه ودك الطلاق ليش التأخير
 
سحابة صيف الله يجيب اللي فيه الخير

انا والهم فعلا كلامك اثر فيني انا مو بحاجة انتضار مشكوره حبيبتي
 
استخيري رب العالمين هوادرى بحالك بس نصيحه لا تستعجلين وتتصلين انسيه مؤقتا واقوي صلتك بالله قومي اليل واطلبي من ربك الهدايه والرضاء وثقي ان الله راح يكون بعونك اخلصي النيه والله ماراح ينساك
 
حبيبتي الطلاق موشي سهل لاتخربي بيتك بسهوله كل بيت فيه مشاكل لاكن بالحكمه تنحل هوه مادق عليكي عشان انت الي خرجتي وطبيعي تفكير الرجال كده يقول هيه الي خرجت هيه الي ترجع اتصلي عليه وكلميه بحب وتفاهم وحاولي تعمري بيتك ترى كل الرجال انانيين لكن يبغالهم اسلووووووووب وبعدين انت تقولي انه خطب يعني ماملك يعني تقدري ترجعيه وانظري حبيبتي للحياه بتفائل وبهجه حسيت من كامك انك قمه في الكئابه وهدا سبب رئيسي يبعد الزوج عن زوجته ولاتلوميه وتقولي مايبغاني لانه وجد امراءه ماتحب نفسها وتشتغل على تدبير وتثقيف نفسها وخذي بنصائح دلع قلبه كلامها درر والله قلبي معاك تمسكي بحبل الله وافتحي صفحه جديده مع الله ثم مع زوجك وطمنيني عليكي
 
اللي فهمته انك قاعده صارلك كم شهر عند اهلك وما سألك فيك؟
اذا كذا اطلبي الطلاق حبيبتي ابركلك
 
يسلمووو حبيباتي وربي معي باذن الله

اللي تقول دقي عليه ما اقدر انا كنت زعلانه ولا فكر فيني تبوني افكر فيه عادي خله يتزوج وربي ما بخسر قد ما بخسر اني بكون مطلقه بس لا اقل ولا اكثر

الله يعوضني خير منه وياجرني بمصابي يارب

يسلمو حبيباتي كلمت ابوي قبل شوي اني برسل له قال اصبري اسبوع بحل لك موضوعك وانتي راضيه

يا حبي لكم :)
 
عودة
أعلى أسفل