الطفل واستقلالية الشخصية

احصائياتى
الردود
0
المشاهدات
194

راجيه الرضا

مراقبة و متميزة أقسام نسوة
معلومات راجيه الرضا
إنضم
18 فبراير 2017
المشاركات
14,538
مستوى التفاعل
9,650
النقاط
113
الطفل واستقلالية الشخصية
سألت الطفل : كيف تعرف أن أمك تحبك ؟

قال : ماما بتعملى السندوتشات و بتعملى الاكل الى بحبه و بتغسل لى هدومى و بتساعدنى فى عمل الواجب

الأطفال فى بداية حياتهم محتاجين خدمة و رعاية مستمرة و خاصة فى مرحلة السنتين الاوائل فالطفل لسة مش بيعرف يعمل حاجة لنفسه

و بتكون الخدمة فعلا وسيلة من الوسائل الى بيحس بيها بحب مامته و سبب من اسباب تعلقه بها و احساسه بالخوف لما تبعد عنه

الاطفال لما بيكملوا السنتين بتظهر عندهم رغبة فى الانفصال عن الام و انهم يعملوا كل حاجة بنفسهم

و الام المربية الواعية لازم تستغل الرغبة دى و تشبع احتياجه للاستقلال
وتدربه بالتدريج على انه يعمل كل حاجة بنفسه
هيعملها غلط فى الاول بس مع التدريب و التعويد هيتعلم

للاسف الامهات المشغولة الى مش فاضية تدرب و تعلم
او معندهاش طولة بال بتستسهل و تعمل بنفسها و تقول له انت لسة صغير مش هتعرف
او الى عايزة كل حاجة تتعمل بمنتهى الدقة الام مش فاهمة ان الاستقلالية دى بتنضج شخصيته و بتحسسه بالثقة فى نفسه وانه قادر على انجاز الاشياء بنفسه

و لما بتحبط الرغبة دى عنده بيحس خلاص انه مش نافع و هيفضل معتمد على والدته لانه هو صغير و مش هيعرف و ماما شايفاه كدة
و لما يلاقى الاطفال الى فى سنه بيعرفوا يعملوا يبقى انا فاشل و ضعيف لانى مش بعمل زيهم

و تلاقيه شحط محط عنده 7 سنين
و لسة ماما بتأكله بالمعلقة فى بقه
و تلبسه الهدوم بنفسها
و تحميه و تسرح شعره
وتدخل معاه تعمله بيبى و تغسل له
و ساعة المذاكرة ممكن تعمل الواجب بايديها

و اشوف انا المنظر دا يجيلى مغص و غثيان

طبعا طفل حاسس بالفشل انه يخدم نفسه
و دى أسهل حاجة ممكن يعملها فى دنيته
هيبقى مصيره الفشل فى كل حياته بعد كدة
و هيفضل طول عمره متعلق بماما الى بتعمل له كل حاجة
و عنده احساس انه لو بعد عنها مش هيعرف يعيش

بيبدأ فى المراهقة حالة تانية من التمرد و الرغبة فى الاستقلالية و يدور عليها برة البيت
امه بتخدمه جوة البيت و هو يدور على حاجة بأة يفلح فيها برة البيت

الام نفسها بتكون حاسة ان دا دورها فى الحياة انها تخدمه
و لو هو استقل بنفسه هتحس بعدم الجدوى و ان مالهاش لازمة فى الدنيا
ودا لان مفيش فى حياتها حاجة تشغلها غيره

الموضوع دا بيحصل فى عالمنا العربى مع الاولاد اكتر من البنات لان عندنا تقاليع زبالة ان البنت تخدم الولد

و ساعات الام بيبقى مفيش فى حياتها غيره و خاصة لو علاقتها بزوجها وحشة او مطلقة او هو الوحيد او الصغير

و ساعات بتكون كدة مع كل اولادها و بتيجى لما يكبروا تشتكى لان حملهم مش بيخف

و لما تجوزه عايزة واحدة وريث لنفس الدور دا تشيله على دماغها مش واحدة هو مسئول عنها

الحب عزيزتى مش انى اخلى ابنى مايقدرش يستغنى عنى ...
الحب الحقيقى مش حب تملك
الحب انى اشجعه على النضج و الاستقلالية و انه يبقى معتمد على نفسه فى كل حياته وغير معتمد على حد ..دا بيكسبه الثقة فى نفسه مع الوقت

الحب الحقيقي انى اوجهه يحل مشكلاته ازاى مش انى احلهاله و ياخد قراراته ازاى مش انى اخد له القرار

الحب انى اساعده و اقف معاه لما يواجه مشكلة صعبة عليه ....
المهم يكون هو حاول فعلا و فشل

الحب انى اخليه واثق فى نفسه و امكاناته و قدراته و اساعده على مواجهة الحياة بنفسه و اكون بس سنده و ظهره و معاه لما يحس بس بالضعف او الفشل فى لحظات معينة مش فى كل حياته

انا من خلال تجربتى الشخصية مع الامهات دى
اشجع جدا سفر الشباب للتعلم و الشغل بعيدا عن امهاتهم

كنا زمان بنشوف مشكلة الحموات و كانت غالبا أم البنت الى مسيطرة عليها
دلوقت بقت مشكلة أم الشاب هى الى مسيطرة عليه

و ادى اخرة الحب الهدام
البنات استرجلت و الرجالة اتستت

و دى سببها برده غياب دور الاب عن البيت
الولد مالقاش قدوة راجل
ودى نقطة مهمة محتاجة كلام كتير


#وصفة_الحب_الصحية

#دعاء_راجح
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه