الصيف قرب..والسفر حان طاريه

[سمرلاند]

مسا الخير على جميع اميرات وملكات منتدى بلقيس..:bye1:
شلونكم؟؟؟
ادري بتقولون
زهق ...ملل....طفش...وصيف قااااااااارس..
اوكي...شالحل؟
طبعا" السفررررررر..:bleh:
فتحت الموضوع هذا لعدة اسباب...
اولا"..عشان اوسع صدري خخخخخخخخخخخخخخخخخخخخخ
ثانيا" عشان نتعرف على اجمل الاماكن والبلدان اللي الواحد ممكن يزورها في الصيف من خلال خبراتكم وتجاربكم؟؟
وثالثا" وشتفضلون الطبيعة والهدوء ولا سحر وصحب المدينه؟؟ وليش؟؟
رابعا" شتلبسون حق السفر؟؟وهل تضعين مساحيق التجميل؟؟ حلوة مساحيق خخخخخخخخخخ :shiny:
وخامسا" تفضلين الاماكن اللي فيها عرب كثر ولا اللي ما فيها ريحة عربي؟؟
وبسسسسسسس
ئي صحح..وسادسا" وين بتروحيت هالصيف؟؟وليش؟؟ :icon31:
ويا الله ابي اشوف ردودكم وتجاربكم الحلوة

 

[ام عنود]

واااااااو حبيت الموضوع ...

اي شي ايخص السفر ايعجبني...

بسم الله بتدي اجاوبج على اسالتج اوووووووووووووووكي...

اولا...الصراحه انا رحت البلدان الاسويه...ورحت افريقيا...ورحت اوروبا...حبيت اوروبا...اكثر من الاماكن الثانيه...
بقولج...انا رحت جنوب شرق اسيا...في ناس وايد ايحبون هالبلدان...طبيعتها حلوه ورايقه خاصه سنغافورا وماليا...بس عيبها الوحيد الجو...مناخهم استوائي...فما حبيتها وايد تبين الصدق...اما عن اسولقهم...فاسواقهم حلوه ...وخاصه المراكز التجاريه الي عندهمم وايد حلوه...طبعا انا اتكلم عن ماليزيا وسنغافورا...اما تايلاند...استغفرالله...ماحبها ولما رحت بغيت اموت...وصخه...

انا شخصيا احب اوروبا... وخاصه فرنسا...اموت عليها والله...

ثانيا...الحمدالله والشكر ما احب الطبيعه وايد لووول...احب الازعاج احب السوق احب اشوف الناس...

ثالثا...قبل ما كنت البس عبايه في السفر...بس شيله (اسكارف)...كنت البس بناطلين او تنانير على حسب...بس الحين البس عبايه في السفر...وخاصه لما اتحجبت اتمسكت بالعبايه اكثر...قبل تبين الصدق ماكنت متحجبه...اما عن المساحيق...احطي مكياج مب وايد...بس احطي..انا وايد احب المكياج ...حتى في البلاد احطي...

ثالثا...افضل الاماكن الي فيها عرب...بقولج ليش...انا رحت كم من دوله ماكان فيها عرب...ماحبيتها حسيت انها ممله...والله العرب لهم نكهه في السفر ...

رابعا...هالصيف ان شاءالله رايحه لندن بس...


ان شاءالله قدرت افيدج..ما اعتقد لوووووول


يسلموو حبيبتي على الموضوع...

 

[روعة روح]

انا ماطلعت برى السعوديه بس نفسي اسافر واشوف الدنيا

ههههههههههههههههههههههههههه

 

[لحن الأنوثة]

يسلمو على الموضوع الشيق حبوبتي

وأنا بالذات من عشاق السفر أحب أسافر كثير

ههههههههههههههه

رحت شرق آسيا بس ما أعجبتني مره طبعا بسبب جوها الرطب والحار

وأكثر بلد عجبتني سنغافورة أحسها هاديه ورايقه وشعبها راقي

اما ماليزيا ماحبيتها زحمه ومليانه سياح من جميع الجنسيات وما فيها أي رومانسيه

ههههههههههه>>>>>>>>> ياعيني على الرومانسيه

رحت أمريكا أحلى مكان فيها أورلاندو >>>>>>> لأن فيها ديزني لاند وهناك عالم وجو ثاني روووووووعة

وأنواع الهمبرجر والستيك الحلو،،

أما أوروبا رحت ألمانيا والنمسا وسويسرا وفرنسا واسبانيا والبرتغال

بعضها مع أهلي قبل زواجي وبعضها مع زوجي الله يرجعه بالسلامه آآآآآآآآآمين

أنا أحب الطبيعة كثير والمدن الريفيه وبعد أحب العواصم والصخب والأسواق

يعني لما أسافر نروح للعواصم والمدن الرئيسيه والمدن ريفيه..

وبالنسبه لأفريقيا بس رحت لتونس حلوه وفيها طبيعه بس ملينا بسرعه منها..

وطبعا أكون متحجبه ولابسه بنطلون مريح مع تي شيرت طويل وميك أب خفييييييييف جدا

أما هذي السنه للأسف الشديد ما فيه سفر

لأن زوجي خلاص أخذ اجازة وسافر ولما يرجع يبقى من اجازته 10ايام مايمدي نروح شي

بس يمكن نروح بلد قريبه،،

أتنمى ما أكون طولت

ههههههههههههههههههههههه

تسلمين حبيبتي سمرلاند عيشتيني أجواء حلوة

هههههههههههههههههه

أنتي ما كتبتي شي عن سفراتك؟؟

هههههههههههه

،،،،،،،،،،،،،،،،،،،

 

[قلب حر]

ماشاء الله حلوة تجاربكم ... انا ما سافرت برا بلدي ابداااااااااا...
ودي اسافر بلد فيها طبيعة خلابة ..هذا اللي احبه ... وافضل بلد محافظ ..عشان اتحجب براحتي..!!!
اتمنى اكتب تجربتي في السفر قريب ...

 

[ام شهد]

انا عن نفسي وااايد احب السفر...صح انه تعب وخاصة اذا عندج عيال...بس تغيير وخاصة اذا كنتي عايشة مع اهل ريلج

تبين اجااااااااااااااااااااااااازة

انا عن نفسي رحت دول شرق اسيا ...سنغافورة واااااااايد حلووووووووووة ونظيفة وحدايقها تجنن وحتى

اسواااااقها

ماليزيا حلوووووة واسوااااقها حلووووووووة

تايلند وسخة بس فيها مناطق واماكن سياحية تنفع خاصة للصغار مثل حديقة الحيوانات والتماسيح

واسوااااقها حلوووووووووووة بس هالدول للاسف مناخها حااااااااااااار

واوروبا هي اللي واااااايد احبها ....

رحت سويسرا تجنن الطبيعة فيها خبال .....
والنمسا وخاصة زلمسي وسالز بورج منطقة ريفية تجنن...انا وااااااايد احب الطبيعة والخضرة تهدي الاعصاااب
فرنسا ما حبيتها وااااايد ....ومب نظيفة بصراااحة..وعند برج ايفل بتلاحظون هالشي
مرينا ع ايطاليا ..ع الحدود
استراليا حبيتها حلوووووووووووة ...

عن نفسي ما البس عباة ...اسكارفات ولبس طويل مع البنطلووون...ومسكارا ..ما فيه وقت للميكب العدل

وما احب المناطق اللي فيها عرب لانهم بصراااحة يخربون المكان...

وخاطري اروح المانيا وايطاليا واسبانيا وايرلندا وكل اوروبا هههههههههههه

 

[سمرلاند]

ام عنود
كانج اياني ....ما ادااااني الطبيعة..شجر وبقر وبحيرة وملل ههههههههههه رحت سالزبورق وسيلامزي وضاقت بي الدنيا الوسيعة وما ارتحت الا لما رحت العاصمة حيث الصخب الشدييييد :smoke1:
وانا مثلج احب يوروب...ومن عقب ما رحت تايلند تبت توبة نصوح عن شرق اسيا :crazy:
مشكورة على المشاركة الحلوة خيتووو
ام دندونه..
الله يسلمج انا رحت لندن اكثر من مرة والنمسا والمانيا وفرنسا وتركيا وتايلند ومن الدول العربية رحت كل دول الخليج ولبنان وسوريا والاردن ...اما افريقيا ما رحت
وفي السفر البس عباية وشيلة وميك اب خفيف ونظارة شمسية
واكثر بلاد عجبتني فرنسا وباريس بالتحديد...صج لي قالو بلاد النور والجمال :icon26:
وافضل البلاد اللي ما فيها عرب وايد...كما افضل البلاد الصاخبة مب طبيعة وبحيرة وشير وبقر وملل خخخخخخخخخخخخخخخخ :shiny:
وهالسنة يا طويلة العمر رايحين سويسرا
قلب حر
ان شاء الله تسافرين كل البلدان اللي في خاطرج وترجعين تكتبين لنا عنها يا عسل
ام شهد
انا خاطري اروح استراليا بس طريقها مب طريق :no:
مشكورة عالمشاركة القيمة حبيبتي

 

[سمرلاند]

باقي البنات وييييييييينكم
ابي تفاعللللللل
معقولة ما سافرتو!!...حتى لو سفر على خفيف في ربوع الوطن نبي نسمع تجاربكم الحلوة :icon31: