الصمت لدرجة الملل!اريد حلاً!!

[laila88]

السلام عليكم ورحمة الله وبركاته...:shiny:
كــــــــــــــــل عــــــــــــــــــام وانـــــــــــــــتــــــــــــــــــو بـــــــــــــخـــــــــــــــيـــــر:in_love:
ادخل بالموضوع انا صامته وابغى اكون بنت متحدثه اجذب الانتباه حاولت كذا مره بس ما تجرات
احس الموضوع اللي ابغا اتكلم في مو وقتو او مالي داعي اقولو !!!!!:shutup:
واكتشفت حاليا ان الرجل يحب المرآه المتحدثه :tears:
بليزززز ساعدوني​

 

[Attractive_Girl]

هلا laila كل عام وانتي بخير حبيبتي

اولا اللي عندك دي مشكلة بسيطه وحلها فى ايديك يعني حاولي فى الاول تكوني متحدثه ما بين ا هلك و شاركهم فى كلامهم وارائهم توافقيت ترفضين حاولي انك تعملي دوري اساسي و فعال معاهم عشان يخسون بوجودك و بعجين حاولي مع اصحابك كمان افتحي مواضيع جديده انتي اللي مفروض تخلقي موضوع عشان اللي حواليكي يتفاعلون معاكي ..لو انتي مخلصه تعليم حاولي تشتغلي الاحتكاك بالناس بيعلم الكلام وبيكسبك خبرة وتجارب حاولي تطلعين من جوه الصمت لانه مدمر نفسي وصدقيني مفيش احلى من الكلام و الرغي

اانشاله كمان بنات المنتدى يساعدوكي اكثر مني

تقبلي مروري عزيزتي

 

[laila88]

يسلمووو اختي على الاستشاره
بالاضافه حاولت اشتغلت 3 اشهر ما حاولت ان ادخل في المجموعه لان ما احس في مواضيع تناسب؟؟
لدرجة بيقولو مغروره وهذا الصفه لاتنطبق عليه!!!!!!!!!!!
فا ياليت لاتحرموني من استشارتكم وتجاربكم

 

[@روح الورد@]

والله يقولو مغرورة ولا يقولو هذارة:bigsmile:
وبعدين من يقول ان الرجل يحب المرأة المتحدثة؟؟؟
يحب المرحة اللي دمها خفيف معاه في بيت الزوجية مو جدام الرياييل:1eye:
يعني آنة عكسج أحب السوالف بس بعد ما اقول موضوعي اتألم نفسياً لأني أحس إني طيحت الكلافة وخليتهم يتعودون علي وبعدين صعب أطق بريك عنهم لأني بسوي عداوات غير إنهم بيقولون عني مزاجية
شوفي حبيبتي ان كان الكلام من فضة فالسكوت من ذهب
ان تكلمتي قلتي اشياء المفروض ماتنقال
خلي كلامك "خير الكلام ماقل ودل" هاذي رايي
هاذي في مجال الحياة العملية

أما في البيت ويا الاهل والصديقات فلازم تكونين متحدثة "لبقة" تعرفين متى تفتحين موضوع ومتى تسكرينه!

غير إنك ماتقولين شيء تعرفين انه يسيء للآخرين يعين بمعنى آخر تحترمين مشاعر الآخرين وما يكون فيه تدخل لحرياتهم أو غيبة لأحد

مثل أن تسألينهم "ها شخباركم ويا رمضان"؟ هاذي سؤال تفتحين فيه مواضيع، وبعدين انتي تكملين وتعقبين على كلامهم
أو ان قال لج حد أنه مريض تذكري انه مريض ولازم تسألين عنه وعن أخباره ان شفتيه لأنه سؤالج بكلمات بسيطة يزيد رصيدج من محبة الاخرين واهتمامهم فيج
بس من غير مايكون مبالغ فيه وتتسولين صداقاتهم لأنه تسول الصداقات شيء مرفوض مرفوض مرفوض وغير محبب نهائياً.
علشان تكونين متحدثة لبقة لازم تكونين مطلعة على مواضيع الدنيا والاخبار ماتفتحين موضوع ماتعرفين فيه شي ولا اشلون تكملينه!!
يعني اقري الجريدة بالنت شوي وروحي تفلسفي خخخخخ وسوي روحج فاهمة!

غير إنه من أهم الاخطاء الي تقع عند البعض وهي وعندما تقولين شي لا تقولين فلانة قالت لي أو قريته من كتاب أو تعلمته في الجامعة او المدرسة او اي شي! خلج غامضة وكأنه الشي تعرفينه بروحج!! عرفتي اشلون؟!!
هاذي وان بغيتي اي شي حاضرين لج يالغالية