الشمال شرقي ..الله يعين على عشرة هادم اللذات

  • بادئ الموضوع بادئ الموضوع shed_no_tears
  • تاريخ البدء تاريخ البدء
S

shed_no_tears

New member
إنضم
2008/09/19
المشاركات
375
السلام عليكم

زوجي شمالي شرقي ..وفي حاجة مرررة تقهرني فيه ..وهي سبب كبير في مشاكلي معه..

ياااااااااااويلي لو قلت له أبغى أتابع الفيلم أو المسلسل الفلاني أو البرنامج العلاني..أو أتصفح النت ..

لأنه حيسوي المستحيل عشان يمنعني منه..تعالي نخرج...قفلي التلفزيون أبغى أتكلم معك..أي مصيبة من تحت الأرض المهم ما أتفرج على الشي..أو أسوي الشيء اللي أحبه...حتى وأنا عند أهلي ( أنا في هذه الفترة مستقرة عند أهلي عشان تخف المشاكل اللي بيننا ونأخذ دورات في التعامل مع بعض.....) يجي ويتصل وقت البرامج اللي احبها....

نفس الشيء لو عندي موعد مع صديقة أو أختي....أو أحد خصوصا من أهلي...
تخيلوا أمس على نيتي ...أقول له وعدت أختي أروح السوق معها ..على طول قالي لي أنا مررررة مشتاق لك ..و مشتاق للأولاد و أبغى أستأجر شقة أبغى أشبع من أولادي و منك....كنسلي السوق...
و بالعافية قدرت أقنعه و اوفي بوعدي لأختي...<<المشكلة محلفني ما أخرج و لا أروح مكان إلا بإذنه ولو أخذت إذنه عكسها في وجهي>>...

فترة ضغط العمل تصير فترة عصيبة..ويصير هو و العمل و الزمن و الأولاد علي...

أحسه يكره سعادتي ..يكره فرحي..يكره راحتي...كأنه عدو مو زوج..

الله يعين على عشرة هذا العدو...:schmoll:
 
معليش بكون صريحه المفروض تنبسطين ان زوجك يشتاق لك ويبيك وتنكسلين كل شي عشانه زوجك يحبك وانتي تحاولين تبعدين عنه .........وياما ناس يخلون زوجاتهم عند اهلهم ولا يسالون عنهم والله يوفقك وييسر امورك
 
الله يعينك بس انت غلطانه ليش مارحتي معه ياليت زوجي يقول لي كذا
 
أحس نفسي مخنوقة لأن هذه الحركات تأثر على علاقاتي بالأخرين..تخليني مقطوعة من الناس..مقطوعة من أهلي ..ما تتخيلوا شكلي مرة بايخ قدام أهلي...بسبب حركاته ...شايفيني كأني لعبة بيده...تأثر على عملي و جودته..تأثر على عنايتي بأولادي ..تأثر على نفسيتي ...يعني بعد يوم طويل في العمل أحتاج أرتاح ..أحتاج أتسلى بمشاهدة التلفزيون..أولادي يحتاجوني...و يحتاجون رعايتي...أحتاج وقت لنفسي ..أبغى أشوف نفسي...

بصراحة مني عارفة هل حركاته هذه حب و شوق أم تحكم و غيرة من إنشغالي عنه..

يعني لمن أكون فاضية و أموت نفسي أخرج ..يتعذر لي مية عذر..المهم ما يخرجني..ولمن أكون مضغوطة و عندي مية شغلة ...يبغى يخرجني...

يعني بإختصار حياتي معه كلها عكس ما أبغى ...دائما الشيء اللي ما أبغاه يصير يصير..وما أخذ إللي أبغاه إلا بطلوع الروح...
 
اول شي الله يعينك على مابتلاك لان حالتك مثل حالتي بالضبط والله اني طفشت تدري بس يشوفني اقوله اليوم معزومه عند ناس من اهلي يقول لابنطلع واذا قلت له ابي اروح بيت اهلي يقول لا مابي اطلع ابي نجلس بالبيت والمشكله انه مايكون هذا رايه وتصرفه الا لما اقوله ابي اطلع من جد قمة الحبس والتحكم انا بالعكس ماشوفه حب لان اللي يحب يحب يريح اللي يحبه مو يدورالشي اللي يضايقه والله احس اني تعبت من تصرفاته لان الشي اللي يشويه اسلوب منع من الطلعه وحبس بس بطريقه محترمه الله يعينش علي ودعي ربي يفرجها علينا يارب

 
طىب ماىنفع اذا صصرتى مشغوله سسوى العكس واذا صصرتى فاضىه وودك تطلعىن سسوى نفسك معزززومه جرربى
اوو واجهىه
ززوجى كذذا ىحب ىششوفنى طوول الىىوم اشتغل واذا شافنى ساعه قاعده على الكمبىوتر بما انى ماططلع ولاىطلعنا للازم ىررمى كم كلمه
 
نفس مشكلتي ...
من يناظرني على النت او التلفزيون او التليفون حتى لو انا الي مش داقة او اكون نايمة ...
يتفنن في اساليب المنع والتحكم ..( لاتجلسين على النت لاتكلمين الحين ..و و ) مع انه انا اتحاشى اجلس على النت او اكلم حد بالتلفون او انشغل بشي ثاني قدامه ..
هذا الشمالي والله يعينا عليه ...
 
ياليتك تفهمين يالغلا ان هاي شخصية الشمالي بس انتي عطيه شوية وجه وصدقيني راح يقدرك كثير صحيح ان الشمالي انسان متحكم بس حساس وصدقيني انك باسلوبك هذا راح تخليه يبتعد عنك لان طبيعته انه يتعود بسرعه عالشي يعني انتي الحين بيت اهلك اهو راح يتعود عغيابك ويعيش نفسه وممكن يدور غيرك انصحك ترجعين لزوجك وتهتمين فيه اكثر
 
السلام عليكم

اختي العزيزة اعطيك نصيحه لوجه اله تعالي وجربيها لانه في ليه صديقه كانت تعاني من نفس الوضع انها لو قالت شمال يقول زوجها يمين ليحد ماتعلمت الطبع وبداءت لو رادت شمال تقول يمين حتى هو يقول شمال ويصير الي تريد لانه كان يخيرها بين امرين لول اختارت واحد يقول هو لا ابي الثاني وهكذا الي ان تعلمت عليه وهسه هيه مرتاحه الحمد لله
جربي انتي لما تصير عندج طلعه للسوق مع اي احد قولي ابي اقعد اسولف معاك او تعاي جنبه تقربي اله او خلي نروح للسوق نتمشى اذا قال لا قولي انا بتفق مع اختي نروح للسوق يعني جربي قبل بيوم تقولين خلي بكرا نروح للسوق والله اني عاجبني اتمش واطيد راح يكون ردة لا فقولي اوكي بتصل على اختي او بسير عن صديقتي يعني جربي تمشي بالعكسس وشوفي ان شا الله تنفع معاكي
 
هههههههههههههههههههههههههههههههه
نفس الحاله النت صار محرم بالبيت مع اني مااشبك كثير بس انا انبسط بالمسن مع اخواتي
عشاان بعيده عنهم طبعا شاله من الغيره
التلفزيون انا وهو مطاقق عليه لحد مااشتريت لي جهاز ثاني خخخخخخخخخ
اذا احد كلمني ينشب بحلقي ويقول انتي تحبي اهلك اكثر مني
تدرين مره طقها بوجهي قال نفسي اقطعك من جذورك <<<شجره هههههههههههههههههه
ولو اتركه على كيفه يمكن يحبسني بالبيت وبس يجيب لي اكل ويقطع عني اي وسيله من وسائل الترفيه وربي حتى اهله يغار منهم
الله المستعان
 
اللي اعرفه ان الجنوبي يغاااار بشكل مو طبيعي من كل شي حتي من ظله اما الشمالي الغيره عنده صفر
الشمالي اذا كنتي معه قويه يتقرب منك اكثر واكثر ودايما انشغلي عنه صدقوني يشتاق اكثر واكثر
 
أهلا بكم

جربت ابين له عكس ما أبغ ..ونجحت الفكرة نوعا ما..بس أحس نفسي غير مرتاحة..
حتعب من إخفاء مشاعري و ما أحب ..
 
أنا أبغاه يهتم فيني..

بس أبغى نفس..يعني سبب من أسباب جلوسي عند أهلي أبغى أخفف من خنقته لي...

تخيلوا نفسكم ما تقدروا تتفرجوا برامجكم المفضلة..و لا تقدروا تتصفحوا النت..ولا تقدروا تهتموا بأنفسكم كويس..و لا تقدروا تسوا واجبات العمل اللي عليكم..

وما تقدروا تزوروا أهاليكم و لا قرايبكم...

حتى الأولاد طوووول الوقت مع الشغالة ...


يعني حياتكم كلها معطلة..كلها مسخرة لمصلحة الزوج...يعني بإختصار عبيد مسخرين لشهواته و حاجته..:tears:

أحسكم منتم فاهميني و لا حاسين بي..
 
معليش يا قلبي اسمحيلي اصير صريحه شوي معاك انا الحين اقول الله يعين زوجك عليك مو الله يعينك عليه انا ما ادري ليه انتوا ماخذين الشمالي الشرقي عدو انا زوجي شمالي شرقي والله انه حبيب وطيب الشمالي الشرقي يحبك تكونين له لحاله يعني هو ما يقصد ينكد عليك ويخرب لذتك هو فعلا يبغاك تجلسين معاه لو ما يبغاك ما راح يفكر فيك احسني الظن وبطلي تسمي زوجك عدو تعايشي معاه وفق شخصيته واحمدي ربك لا يجي وقت يصير ما يطالع فيك دخلتي والا خرجتي وبعدين تكتببين موضوع الشمالي الشرقي تعبت من الاهمال000 الله يصلحك وسامحيني بس حبيت لك الخير
 
ياااااه محد مرتاح بحياته
لا الي مطنشها زوجها مرتاحه..... ولا الي كاتم نفسها مرتاحه
الظاهر الرجال ما فيهم وسط !
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل