القادم أجمل
New member
- إنضم
- 2010/01/13
- المشاركات
- 16
السلام عليكم
بفتح لكم قلبي وكل الي بقلبي بقوله لكم
انا تربية ببيت جداً محافظ وتزوجت من عدة شهور زواج تقليدي مافي اي وسيلة اتصال بيننا بعد الملكه وهو شخص من برا العائله.,,,
المهم
زوجي انسان صريح وكل شيء قاله لي وهذا الي مخلي كل حياتي شششك
غلطة زوجي للأسف أعترف لي في بداية زواجنا على علاقه مع بنت لمده سنه هي الي جابت رقمه وكانت معجبه فيه واتصلت عليه وارسلت له صورها بالمسن ولكن بعدها تابت وتركته وعلى كلامه مايعتبرها الامجرد اخت ونزوة شيطان,,, انا وقته ماكانت املك له اي مشاعر فما أثر علي الموضوع..
ولما كنا بشهر العسل كان يتكلم عن سالفة سفره مع اخوياه واتضح لي ان اخوياه يشربون
انا وقته زعلت لكن بهدوء لانها كبيره بنسبه لي لكن حلف لي انه بعمره ماشرب وهذي قناعه مقتنع فيها ومسحيل يأثرون علي وكل واحد حر بنفسه ..
ايضاً اعترف لي انه قبل الزواج كان اول يسوي العاده السريه بس على خفيف وكل شاب يسوي هالشيء الا ماندر
نتايج هالشيء صررررررت اشك فييييه بكل شيء يسويه
اذا تأخر بالحمام قلت اكيييد يسوي شيء .. مرتين نتخانق على هالسبب يقولي انتي مجنونه ليش اسوي العاده وانا متزوج
السفره قلت له اذا بتفكر تسافر لحالك انسااااااااني خلاص واعتبر كل شيء بيننا انتهى
طبعاً بشهر العسل قلت له هالكلام قال تطمني ماسافر الابرضاك
ومره قلت له بكل صراحه وحلفت له لو اني داريه ان اصحابك كذا بجد انا ماوافقت عليك , كلامي اتوقع جرحه وكان قوووووووووي بنسبه له لانه تخربط بالكلام ومايدري وش يقول وبالاخير سكت
سئلته عن اصحابه الي سافروا معه عيا يعلمني وبعده انا عرفت واحد من صور جواله مصور معه لانه مصور بعد معه يوم الزواج قالي هذا فلان المهم هالشخص كرهته حاقده عليه حتى ماحب ان زوجي يروح معه ,,المهم انا ماسكه معي اليوم الا يعلمني من ال 3 الي معهم اي اخوياه عياا يعلمني وانا مقهوره ماهمني بس ليش مايقولي زعلت ورضاني وعيا يعلمني ..
امس لقيت بجواله بالمسودات رموز وكذا ايميل قلت له وش هالرموز قال هذا يوزر الشغل
وبعدين ماصدقته رحت فتحت النت وجلست احاول افتح بالايميلات وجاني وعرف اني احاول بهن وراح ونام وخلاني وسئلته وش هذا الايميل وطنش ونام وخلاني انا عجزت انام من القهر وقمت زعلانه ولااكلمه وبعده يسئلني وش فيك المفروض انا الي ازعل انتي شكاكه ومانتي واثقه فيني افرضي انا افتح جوالك واسئلك عن اي شيء فعلاً حسيت كلامه صحيح
احسسس اني نكدييية وشكاكه لبعد درجه بس غصب علي من اعترافه لي خلاني اشك فيه ..اسلوبي يمكن غبي معه وجآف نادر مايسمع مني عمري حياتي قلبي حتى اعترف لي بداية زواجننا بشهر العسل لانو هو كان كل كلامه معي كذا بس بالبدايه كنت استحي بعدين اتجرئت وصرت اقول والحين ماصار يسمع من مثل هالكلام وللأسف حتى انا فقدته منه ,
انا انسانه اذا زعلت عليه احس اني اكرررررهه ومن داخلي احتررق انقهر ويمكن هو عادي عنده ودي اسوي له اي شيء عشان اقهره وينرفزه زعلي مرات يطووول حتى لو كان على شيء تافهه بس غصب علي لتذكرت سلبياته واعترفاته لي انفره منه بزياده
كثير يجيني نفوووووووووووووور منه اذا تذكرت سلبياته انسان مو مهتم بالصلاة بوقته ومع جماعه ..صح انه يصلي لكن اذا نام مايصليها الا اذا قام
مدخن رغم اني كنت راااااااااااااااافضه اي شخص مدخن لكن اقنعوني اهلي وافقت ..
عشان ماظلمه بقولكم ايجابيته
طيب حنون فيه قليل من الرومنسيه مو مقصر معي ماشيل بقلبه علي
بعمره مادخن عندي او شقتي ولاحتى عند اهله
