الشك بيذبحني راح اخرب بيتي بيدي ماقدر اثق من كثرة الخيانات تعبت

[جرحـ الزمآنـ]

السلام عليكم

ببدا في الموضوع على طول اخواتي احس بضيق ومالي الا الله ثم انتم افضفض همومي لهم
يمكن كلمة او دعوة صداقة تفرج علي

اخواتي انا متزوجة من شهر وشوي ولي ولد الله يحفظة لي بس
طبعا مافي بيت مايخلو من المشاكل والهموم هذي حال الدنيا

بس اشياء كثير صادفتني وصدمتني بحياتي وغيرتني 180 درجة وانا نفسي مستغربة من تصرفاتي
صرت شككاكة كثير وما اثق بحد ودايم تفكيري بالناس غلط
انا راح اقولكم ليش واحكمو والي عندها لي حل تقولي الله يجزاها بالخير

لما تزوجت كنا كأي اثنين سمن على عسل والحمد لله امورنا تمام التمام بس الي صدمني وهدني لما اكتشفت علاقات زوجي ببنات الحرام في النت وضايفهم عالمسن والي كشفة لي طبعا سجل محادثاتة نسي يمسحة

وطبعا من صدمتي صارحتة باني اعرف عن علاقاتة والي ضايفهم طبعا بكيت وتعبت ذاك اليوم وهو ندم واعتذر مني وانة مايعيدها ومسحهم كلهم طبعا ماصار على الحادثة يوم ردينا وتراضينا وانا صدقت لاني احبة وثقت فية من جديد

ومرت شهرين على الحادثة وبعدها كتب لي الله واحمل وفاليوم الي كشفت اني حامل ومبسوطين اكتشفت الي زاد علية جروحي وهمي سجل فية محادثات

وانة بعدة على نفس الطريق وان لة ايميل ثاني ويكلمهم فية لية لهدرجة مايقدر يستغني عنهم وغير هاذا كلة دخولة للشات وفي اوقات اكون فيها عند اهلي وحتى انا موجودة وجالسة معها

للاسف حبيبي الي حبيتة ووثقت فية ماقدر الحب الي بيننا
يا بنات والله اكتب وانا قلبي يتقطع هم والم بعدها صارحتة المشكلة انا ماعندي خبرة في التعامل على طول اصارح واصيح وافكر فالانفصال

ومثل المرة الي قبل تاسف واعتذر وبكى وسامحتة شسوي قلبي ابيض وماحب اذل احد او اعذبة

وهاذي المرة طلبت الرقم السري لايميلة واعطاني اياة بعد طلوع الروح حتى اشوف النوعية الي يكلمهم وكان فية ثنتين علاقتة قوية معاهم على اساس معزة لا اكثر اي معزة بين ولد وبنت حلوة ذي

المهم

مرت الايام ومرة قمت اصحية ولفت نظري جوالة وحبيت اشيك علية واشوف كان قبلها مصور منظر حلو وحبيت اشوفه وارسلة لي وشفت رسالة لة راسلها لبنت وزعلت ومن قام حس فيني اصلا شافني لمى فتحت جوالة ويحلف يقول هاذي لقبل وهو كذاب انا قبلها كنت عادي افتح جوالة واخذ رسائل كيف لقبل وانا ماشفتها طبعا مرت على حادثة مكالمتة بالايميل خمس شهور وبعدها كشفت انة يكلمهم جوال لمى يكون برى او مو بالبيت والله اعلم اذا يكلمهم بالبيت وانا نايمة او لا

المهم مازعلت لان وقتها كنت حامل وتعبانة ومالي خلق لاي شيء

بس جات الطامة الكبرى يابنات وهي قبل ما اولد باربع ايام انة معه جوال وفي اثناء مارحت افحص عند الدكتورة حتى نتطن هو راح للسيارة ويكلم انا صعقت لاني خلصت بدري ورحت للمواقف السيارات وكنت اتصل علية وجوالة مقفل ولكن شفتة بالسيارة ومعه جوال ثاني جلست ابكي وابكي تمنيت الموت حبيبي بدال مايوقف معي كذا يسوي فيني وين الحب الي يقولي علية وغير لمى اكتشف مشاهدتة لافلام اباحية وخروجة انصحوني

انا صرت شكاكة كثير و ما اقدر اثق فية تعبت ساعات افكر انفصل بس هو كريم معي وحبوب من الجميع بس ليش يخونني ليش يسوي كذا انا ماقصرت بشي ومو مبرر لخيانتة اجل لو انا الي اخون ايش بيسوي

؟؟؟؟؟؟

انا تعبت كيف ااراقبة واثق فية مع اني ماقدر لان كذا مرة انصدم وتنكسر صورتة قدامي ولمى ترجع تبقى شروخ الانكسار لان الي ينكسر عمرة مايتصلح انصحوني

شسوي صعب اثق واتطمن ماقدر الشك بيذبحني وشكلي بهدم بيتي بنفسي ؟؟؟؟؟؟؟؟؟؟؟؟؟؟؟

 

[جرحـ الزمآنـ]

عفوا متزوجة من سنة وكم شهر

 

[تعبت من الألم]

ماكملتي السنتين وسلسلة الخيانة تطاردك من كل ناحية وقبل هذا هل فكرتي عن السبب في سلوكه هذا المسلك
كأي شاب في مقتبل عمره يريد ان يشاهد ويسمع كلام لم يسمعه من قبل فهل انتي هكذا هل تدللينه لمبلابسك وطريقة تصفيف لشعرك وريحتك هل تدللينه بجسمك ...؟
يالغاليه لاتستطيعين ان تعاقبيه بخيانته إلا عندما تتأكدين تماما بأنك لم تقصرين في شيء ولا تستطيعين أن تحاكميه على افعاله إلا عندما تتاكدين بأنك أعطيتيه كل شيء وبعدها لن يلومك احد في قرار تتاخذينه ..
مشكلتنا حنا النساء لما نشاهد ازواجنا يخونون نروح ونزعل ونسوي مصايب الدنيا عليهم لكننا لانبحث عن سبب خيانتهم لنا ...
أختي انا وانا حرمه لما اشوف القنوات الغنائية غنوة وغيرها بجد ماالوم الرجال لما يشوفون هالقنوات لأن شي بصراحه يجذب بيس لو حنا كنا لهم [حبيبة وزوجة وصديقة وأم وأخت ] صدقيني مراح يجي يوم يتجرأون يخونون فيها وإذ خانوا وكشفناهم مالهم وجه يقابلوننا بعد خيانتهم ...

تحياتي لك والله يستر عليك.

 

[المنقبة]

شوفي حبيبتي انصحج نصيحة لوجه الله هالشئ الي يسويه ريلج يسووه كل الرياييل الا من رحم ربي انتي ما عليج تقعدي تفتشين وراه والله ما راح تيبي لنفسج الا الامراض انا مثلج شنو استفدت ولا شئ طالما راح يشوفج مرى و2 كشفتيه بتصير عنده عادي وما راح يصير يهتم انه كشفتيه او لا خليج بعيدة انتي اهتمي بنفسج وبابنج وسوي الي الي عليج و خليج التوب ما عليج منه صحيح صعب بس صدقني انا جربت ما عمري شكيت في ريلي ابدا لين دخلت المنتدى وصرت اتعقبه طلعت بلاوي ما جبت لنفسي الا الظغط واقري مواضيع تفيدج في حياتج معاه والله يهديه

 

[الفجر الصادق]

فعلا كثر التفتيش من وراه راح يخلي الموضوع للمجاهرة بالمعصيه امامك امر سهل عنده
لازم تتركي شغلات التفتيش من وراه لانك ماراح تاخذي شيء منها غير الهم والنكد وصدقيني راح يجي اليوم الي يتعدل
موضوع خياناته وارده مايحتاج تفتشي شنو تدوري لانه الموضوع ثابت وهو يعترف بذلك
لازم تبحثي عن طريقه جديده تتعاملي فيها معاه وتغيري اسلوبك وتتركي البكاء لاقل الامور وتبيني امامه انك قويه
بصراحه هالايام الشباب نفس الشيء نسخ لصق لازم تجارب الشات والمسنجر والجوالات الا مارحم ربي ومن تسلح بسلاح الايمان القوي وهذا شي نادر في شبابنا هالأيام ,,
الله يعينك عزيزتي على مابلاك لكن ثقي انه سوف يستعيد نفسه عندما يشبع ويمل من التجارب ,,
ذكريه دائما بالله وقولي له هل يرضى الله لما تفعله انت؟ اليس هذا بحرام ؟؟


أتمنى لكِ التوفيق والسَداد

 

[فالودة]

هلا أختي الغالية ..

اللهم أعنها وارزقها الصبر الجميل ..

أختي العزيزة انا مريت في نفس ظروفج وما زلت أمر فيها .. بس مالي حول ولا قوة ..

وتعلمت دروس كثيرة .. أهمها ..

# لا فائدة أبدا من التجسس والتفتيش من وراء الزوج .. لانها لا تحل المشاكل بل تزيدها تعقيد .. وتزيدج أنتي ضغط وتتلف أعصابج ..

# لا فائدة أبدا من المواجهة .. لانها ما تنفع مع زوجي وزوجج ومع الي في شاكلتهم .. لأنهم إما سينكرون ويحلفون بالقرآن أنهم بريئين .. أو إذا مسكتي عليهم دليل سيحلفون أنهم لن يعودوا لهذا الطريق .. وترد ريما لعادتها القديمة ..

# تعاملي مع زوجج بفن التغافل ..وحاولي قد ما تقدرين تتجاهلين الموضوع .. ولا كأنج تدرين بشيء .. خلاص صدقتيه ووثقتي فيه .. ولا تنبشين من وراه علشان ما تتعبين .. مثلي الدور وعيشيه .. ووكلي أمرج للواحد الأحد .. وادعيله بالهدايه وانه الله يسخر قلبه وروحه وعقله لج .. ويغنيه بالحلال عن الحرام .. وترى مرده لج في النهايه ...

# أشغلي نفسج .. ولا تخلين الوساوس تلعبج .. ترى نفسج إن لم تشغليها بالحق شغلتكي بالباطل .. اهتمي بولدج وبنفسج وطوري من ذاتج .. قومي بواجباتج الاجتماعية والعائلية .. ولا تحكرين تفكيرج في زوجج وبس .. وحطي في بالج ان الزوج مش كل شي في العالم ..


حبيبتي .. أدري أنه الخيانة صعبة ومرة .. الموت أهون على الوحدة منا على أنها تتجرع خيانه أقرب الناس منها ..

الله ما بيضيع صبرج ..

 

[المخينيه]

فعلا يأختي مثل ما قالن الاخوات لا تجيبي لنفسج الضغط ولا شي

والمشكله إذا صارحتيه راح يعترف بغلطته ويقول ماراح أعيدها ويرجع يعيدها دبل

بس الله يهديهم كثري من الدعااااااااااااااااااااااااااء له

 

[تعبانة القلب]

ارجووو الافاده والنصح من الاستاذه ناااعمه لاني اناا الشك بدمرني