الشرقي الجنوبي .. تعالو نتعرف على هالنمط المظلوم

[نولدز]

السلام عليكم ورحمة الله وبركاته
كيفكم عساكم بالف خير
بناااات يا جميلات انا لاحظت ان الرجل (الشرقي الجنوبي ) مظلوم محد حكى عنه ..
سويت بحث بس فعلا الكلام عنه جدا قليل قليل قليل
نبي نخترق عالم هالشرقي الجنوبي يكفي انه غامض وصامت ..
دائما كنت اقرى عن الجنوبي الشرقي لين قالو لي الشرقي الجنوبي غير عن الجنوب الشرقي ..
بس ما لقيت مواضيع تعلمني في ايش يختلفون وفي ايش يهتم هالرجل به اكثر من غيره وايش يحب وايش يكره
خلونا نعطي هالرجل حقه لنرفع الكيبوردات ونكتب عنه
اللي عندها اي معلومه عن الشششرقي الجنوبي تدلي بدلوها .. واللي شرقيه جنوبيه تسعدنا بالتحدث عن نمطها ..
انا مخطوبه لشرقي جنوبي واحيانا احس اني فهمت ثم انصدم واكون مافهمته ..
عرفت انه شرقي لنظامه ودقته وحبه للاشياء التراثيه وحبه لليابان لانهم نظاميين و انتقادي صريح جدا ..
.. وجنوبيته لكسله وقلة اصحابه بيتوتي حبه للالوان الفاتحه اصفر ازرق وزعله اللي يسكت ويمتد لايام مايعبرك انا مابعد عشت معه بس حسيت من كلامه انه يحب الحضن يمكن يكون لاننا بفترة خطبه كاتبين كتابنا

غامض بالنسبه لي ولانه بمنطقه ثانيه ف مابينا زيارات الا مره بالعيد .. احس بالخوف اولا من اني بترك اهلي ??
ثانيا اني بعيش مع شخص بعيد عن اهلي و ما عرفت عنه الا القليل .. لمكالماته القليله .. وان حكى يحكي عن اللي ما يحبه مو عن اللي يحبه ..
انا زواجي باذن الله الشهر الجاي وودي اعرفه قبل انتقل معه مو بس لبيت ثاني انا راح اروح معه لمنطقه ثانيه فحابه اعيش بسلام و ابيه يتعلق فيني مابي احس بالوحده والوحشه ..
تعالو نساعد بعض وكل وحده عندها معلومه لا تبخل فيها .. او دعوه من قلبها صادقه محتاجه لدعوه ان ربي يسخره لي و يحببه فيني ويحببني فيه و يحنن قلبه علي ويسمح لي ازور اهلي كل شهر ? لانه يحس كل شهر كثير ?

الله يسعدكم جميعا ويصلح احوالنا ويسخر لنا كل من وليته آمرنا .. ??

 

[أنثى بعطر الورد]

حبيبتي ..ههه كلامك كله برائه ...يارب سخره لك يارب وانصحك انك ماتتركي صلاة الاستخاره ابداًً وإذا انشالله تزوجتي لا تدعي سورة البقره والدعاء لك ولزوجك ربي يرضى عنك يارب ويحبب زوجك فيك وتكون حياتك اسعد حياة يااااارب

 

[نولدز]

أنثى بعطر الورد الله يسعدك وينولك اللي ببالك ..
اسعدني ردك والله وان شاءالله بسوي كلامك ??

 

[شهلة العيون]

يلا نحتاج تفاعل صحيح الشرقي جنوبي مهضوم حقه يمكن لانه هاضم حقنا بالمشاعر والأهتمام ههه

 

[ريم الفلا2015]

يلا نحتاج تفاعل صحيح الشرقي جنوبي مهضوم حقه يمكن لانه هاضم حقنا بالمشاعر والأهتمام ههه

متابعة هههه

 

[نولدز]

يلا نحتاج تفاعل صحيح الشرقي جنوبي مهضوم حقه يمكن لانه هاضم حقنا بالمشاعر والأهتمام ههه

هههههههههههههههههههههههههه ايه والله الكلام منه بالقطاره انا لي 3 شهور متملكه الحمدلله و الله يتمم على خير وبالحسره الكلام الحلو احس اني صديقه و ما انوم اسبوع اذا قال كلمه حلوه افكر من جده ولا يمزح اصلا حتى المكالمات بالحسره
لاااااااااااا يكون بعد الزواج كذا بعد يالطيف
وش الحل مع هالصحححراوي قبل لا يجينا تصصصحر ونصير صحاري قاحله ??
اللي عندها ملاحظه على الشرقي الجنوبي تقول نناقشها ونتمكن منه هالجاف
واللي تعرف وش يحب ب اللبس و من هالاشياء تقول لاني اجهز ومحتاجه اعرف فزعتكم يا بنات

الله يسعد كل من رد

 

[ام في الحربي]

الله يسخر لك وحده زوجها ويبعد عنا وعنكم بنات وعيال الحرام

 

[مهرة 2015]

مرحبا اختي
نشكرك ع فتح الموضوع من واقع خبرتي البسيطه مع الشرقي الجنوبي
هو طيب طيب طيب وحنون ولطيف ويحب النظافه والعطورات بشكل كبير و انيق ف لبسه وحتى سيارته من انظف السيارات وريحتها جنان
انا كنت اعاني ف فتره الملكه ماشي زود اهتمام بس صح يحبني لكن ما من ضمن اولوياته بس بعد الوراج تغير وحسيت باهتمام ورعايته لما تكوني معه انتي الكل بالكل وبس تروحي مكان عنه انتي خبرر كان ما يسأل عنك كثيرر ورسايله نارده
دقيق فالملاحظه ويحب زوجته متمزه ف كل شئ وانيقه ما همه يدفع ع الماركات بس اهم شئ الجوده والتميز
كريم ويحب الحريه ويحب السفر وما يحب النكد واللف ودوران اذا ف خاطرك شئ جوليه وبكل صراحه وبشكل واضح وما يحب الصوت العالي حتى عن طريج المزح ودايما حافظي ع الصوت المنخفض وما يحب الكلمات السوقيه او العاميه او حتى التحتيه يحب الرقى ف كل شئ كل شئ
ويحب الجنس ما يصبر عنه مده طويله و رومانسي بس يكون ملاتاح معك فالجنس تكوني ملكتي مفتاحه السري وخليك جرئيه معه بس مو من اول الايام اصبري شويه تعودي عليه بالاول ههههه
يحب غرفه نومه نظيفه ومرتبه وبارده وهاديه وريحتها حلوه وجت النوم
خليها مبخره دايما وجددي فالمفارش
ما يحب زوجته تطلع من شوره ابدا اذا عندك طلب بييني له اسبابك واهميته لك وهو فورا راح يسويه لك بس اقنعيه واذا رفض لا تصرين عليه ابدا اسكت وسكري ع الموضوع بس يكون رايق ومرتاح منك وهادي وذهنه صافي وغالبا بعد الجماع افتحي الموضوع مره ثانيه ويكون يوافج عشان خاطرك
ولما يسوي لك اشكريه واشكريه وامدحيه وامدحيه وعشان يفرح ويتشجع ويسوي لك اكثر واكثر
ويحب يكون مهم ف حياه زوجته وانه رقم واحد
اذا غلط عليك وتكلم عليك وسبك اسكتي و لا تردي عليه بس يهدأ تعالي وتناقشي معه وهو اكيد راح يتعدل وما يكرر الاخطاء اذا وعدك لانه هو ما يخلف الوعد
وانتي خليك ع طبيعتك واحبي نفسك ودلعيها لا تظليمها ابدا وامدحي نفسك امامه وسوي ترويج لنفسك ههه وخليك متجدده دايما ومفرفشه ودايما فرحانه واذا يوم زعلتي عليه وجاك وسألك ليش زعلانه ع طول جولي له السبب واذا جاك واعتذر منك ع طول اقبلي الاعتذار واطلبي اي شئ ترتدينه منه ف هذا الوجت تعلمي من برأه الاطفال

اتمنى اني افضت لك شئ ينفعك

يحب اولاده بشكل ويدلعهم ويحضنهم ويمشيهم

 

[شهلة العيون]

الحمد لله شكل الموضوع إشتغل ..نور الموضوع بوجودكن يا بنات .

مهرة 2015 شكراً على المعلومات و- صراحة تشجع على الزواج من الشرقي ههه :20: لان معظم البنات فقدوا الأمل فيه...

بنات لو في نصايح لوقت الخطبة والملكة وتجارب وخبرات مع الشرقين الجنوبيين يا ريت نفيد بعض بها

 

[نولدز]

مهره 2015
الله يسعدك والله افدتينا كثير المشكله انا انفعاليه انفعل بصرحه .. واكره شي دمعتي القريبببه
والله يسعد كل من رد ??

للامانه ولله الحمد انا عاجبتني صفات الشرقي بس زعله يالطييييف ..
والمكالمات والواتس يكرررهه يحسه سبب المشاكل ..
ويحب ينرفزك وبعدها يقول حساسه مايتعامل بالمشاعر الا ماندر

انا اللي عرفته انه يحب اكتسوارات الاحجار مره حكى عنها يعني الاكتسوارات القديمه وانا اكتسواراتي ناعمه عكسسه مره

امممم يكره السوق وطاريه
يحب بالمختصر انك تحسسينه بهيبته يبي يحسك انك انثى يحب الدلع للبنت والواثقه

ماوده اني اتوظف ..

يحب الطبيعه اشجار انهار لو بيده يقلب البيت ومكتبه نيوزيلاندا قلبه ههههههههههههه

ابي اعرف كيف وشلون وماهي الطريقه اوصل لقلبه من خلال المكالمات ابيه يشتاق لي ابيهه ينطق ملييييت هههههههههههههههه
وش اللبس اللي يحبه لا تقولون جلابيات ما حبها
هل اكون جريئه معه .. انا والله استحي ولا ودي ياخذ هالفكره لانه قد قال انتي اجرى مني يوم الشوفه.. وخزياه ههههههههههههههههههههه

 

[نولدز]

بقول نقطه اكتشفتها يحب المدح ويسوي نفسه متواضع ?

شرقيي يا بنات يكره الجمعات وانا عكسسه احبها مره واحب انبسط وش الحل كيف اخليه يحب الجمعات وخاصه زيارات اهلي !!

يشيل هم مرررره حتى زواجنا شايل همه .. يبيه مختصر مره

 

[شووواقه .]

مرحبا بنات ليش الموضوع ناااايم

الشرقي بكل عـــام يحب المــدح
بالنسبه للبس عادي عنده اي شئ وجميل يحب التغير مره طويل ومره قصير ومره بنطلون بس يكون جميل ورراقي وذو جوده ويعجبه الشعر الطويل
ويحب المكياج الخفيف والانيق والكحل الاســـود يعني ما يعجبه ابدا الازرق او الاخضر ابدا
اذا حبك دلعه اهتم فيك واذا ما حبك الله يكون ف عونك يعطيك اكبر طــــااااف والتطنيش فـنـه

 

[شهلة العيون]

اتخذي من أسلوب الشرقي في الحب لعبة و إلا يجيكي الضغط والسكر والانيميا هه :10::10:


العبيها صح بذكاء بفن وباسلوبه وشوفي النتيجة :2:


ملاحظة : أسلوب الشرقي لما يحس بحبك واهتمامك يسحب عليكي ويطنشك "على شان يجننك لما يحس حاله أبتدا يموت فيكي يقلب الطاولة عليكي ويشغل المكيف قصدي اسلوبه البارد وهدفه لخبطة الأوراق علشان الحب بالنسبة له ضعف وهو يحب شكله في عينيك سوبرمان

 

[نولدز]

وكيييف اعرف انه يحبني ..
اللي عندي سايلنت لي 3 شهور متملكه مانطق بالحب ولا من هذا القبيل ! ودايم يناديني يا بنتي
واذا ناديته يقول نعم قلت لا تقول نعم قل عيون فلان روح فلان سلك لي قال تبين دلع قلت استاهل الدلع انا وناديته وماقالها قال نعم مره ثانيه قعدت امزح عليه احاول نام وخلاني ????
صحراااااااء

 

[نولدز]

بنات احس الشرقي الجنوبي يحب دلع سعاد حسني .. صح ولا غلط .!!!

 

[نولدز]

الشرقي قال بكلمك باليل والحين له 3 ايام ماكلمني . .
ليه كذا !

 

[شهلة العيون]

نساني في عيد ميلادي ومتاكدة إنه متعمد يعملها ...اش أعمل

 

[نولدز]

يالله عليهم هالشرقيين .. وش هالحركات المشكله انهم مو ناسين متعمدين .. ليه كذا .. ايش راح يستفيدون ؟
المشكله يدخل الواتس ومايدخل محادثتي
مع اننا ما تخاصمنا ولا اي شي بالعكس
وافكر اني ما اكلمه ولا اي شي
بس بابا راح يكلمه عشان الزواح فاكيد هو راح يكلمني ..
اشيل هم اني بترك اهلي وبروح معه لمدينه ثانيه وهو جااااف ?
4 ايام او 5 ماكلمني ولا ارسل ولا اي شي هففف منه مدري ايش اسوي؟!


شهله لازم تبينين انك زعلتي انه نساك عشان مايتعمدها مره ثانيه .. قولي اخر من توقعته ينسى عيد ميلادي انت ياغالي بس بهدوء وروقان .. خليه يحس بتانيب الضمير وكل سنه وانتي طيبه وبخير وصحه وسلامه???..
الله يصلح الامور ويوفقك

 

[شهلة العيون]

بعثت مسج ملغم وأهدد وأتوعد كنت معصبة واغلقت هواتفي

 

[om lammar]

الشرقی الجنوبی انسان غامض دقیق مرتب فی کل شی یقدر الصداقه رغم قله اصدقائه کثیر الإنتقاد یهتم بالجوده بطی فی قراراته لکن یخرج بقرار صح لأنه متأنی ویدرس الموضوع من کل الجوانب غالبا مایکون شاعر