هلا.. خواتي...
مافي اسباب ولا شي... أبووو زوجي مايحبني ولا يشتهيني بسبب خلافات بينه وبين أبوي من زمان...منها.. عقب ما رجع ابوي من الكويت مع امي وكانوا توهم متزوجين .. إلا جه ابووو زوجي لأنه متزوج خالتي اللي هي اخت امي..وانا ذيج الحزة للحين ماانولدت ولا انولد زوجي خخخخخخ... جه يقول حق ابوي وين المدام نبي نشوفها؟؟؟؟
خخخخخخخخخخ صج قوي عين.. مايستحي على وجهه يبي يشوف امي ..شنو عباله؟ عرض وإلا مسرحية؟؟
زين مااذبحهه ابوي..احنه ماعنده هالكلام ...هذا موقف مغبر بس الحقود الحسود مثل الجمل ماينسى حتى لو عقب أكثر من 30 سنة...
موقف ثاني.... اهلي راحوا سكنوا في شقتي عقب ماانا رحت سكنت بيت جديد..وراح النذل ابووو زوجي سكر عليهم الكهرباء عند وزارة الكهرباء لأنه كان كفيل ولده بالنسبة لدفع الأجار...متخرعين ماخبروا بيتنه علشان يحولون أسم المستأجر..
هو مايحبني وكان رافض فكرة ولده بالزواج بي من قبل لا تصير الخطوبة... وانا مابيدي شي..واحد مايحبني شنو اقدر اسوي...
وانا الحمدالله بنت ناس..معروفين..وأخلاق..وجمال..ومن أخلاقي وتربيتي السنعه ..إني طول هال10 سنين من أيام الخطوبة لي هذي اللحظة وانا اروح بيتهم عادي..علشان زوجي وإحترامي له.. وعلشان صلة الرحم...
إلا هم مايستاهلون احد يجابلهم..من مواقفهم اللي مو اوك الكثيرة معي ...
وابووو زوجي بالعربي يسعى لخراب بيتي لأنه يسهل حق ولده الزواج ويقوله روح المغرب تزوج لك وحده ثانية..وانا باخليك تبني لك شقة في بيتي... تصوروا............
