السلام عليكم يا غاليات ساعدوني

[ايماان]

السلام عليكم و رحمة الله و بركاته

اول مرة اكتب استشارة و اتمنى انكم ما تطنشوني
اخواتي عندي صديقة في بلاد الغربة و زوجها يبي يتزوج عليها بس الحرمة الي يبي يتزوجها بديرة ثانية و يبي يسكنها معاها بنفس البيت يعني كل شي مشترك و صديقتي عندها 3 عيال
الحرمة اخت صديقه قاعد يلزقها فيه الله يستر
بنات شوروا علي لان صديقتي مو ضد التعدد لانه حق من حقوقه بس ماتبي الحين و مو مستعدة ابد لانها لسا قامت من النفاس ونفسيتها تعبانة مو ناقصها مشاكل الضرة بصراحة
ايش تقول لريلها و وش تسوي
ساعدوني الله يجازيكم خير

 

[تشكرات]

حبيبتي تفهمه وتنبهه انه مو من حقه يسكنها معاها في نفس
البيت ..طالما هي موافقه وماعندها مانع من التعدد ..هو كمان
لازم يقدر مشاعرها والمثل يقول ( اذا كان حبيبك عسل لا تلحسه
كله ) ....يعني يبغى يعدد وفي نفس الوقت يبغى يقتصد
ايش هذا ( اثنين × واحد ) ...الله يهديه للحق ..

 

[ايماان]

مشكورة وايد اختي تشكرات جزاك الله خير

 

[دلع قلبه]

لا تتنازل عن حقها الشرعي في السكن لوحدها وتكون قويه مهما هددها او حتى
لوى ذراعها بطلاق اوغيره
لما يشوفها قويه يمكن حتى يغير رايه
تتغدى فيه قبل يتعشى فيها
لما يقولها بتزوج وبجيها هنا في نفس البيت تقوله
اجل خلي اولادك عندك واحجزي اروح لاهلي واجدد شبابي
طبعا لازم تتكلم بثقه مو بضعف
وبإذن الله ربي ماراح يخذلها..

 

[مطرية]

أكبر غلط لو تقبل يشاركها بيها

لو كلنا طابقين كل واحده لحالها ممكن اوكى

بس فى نفس البيت ويشاركون كل شىء

خليها ترفض حتى لو هددها بالطلاق

 

[الزوجه الاولى]

انصحيه لا تضعف وخليها تكون قويه ولا تتنازل عن حقوقها

 

[monmonmon]

الله يعينها ويفرج همها ترفض انها تسكن معاها .