السلام عليكم..انا اختكم **القمة**..محتاجه مشورتكم في سفر زوجي مع عروسته !!

[**القمة**]

السلام عليكم ورحمة الله وبركاته

اخواتي طاب اللقاء .. ها أنا قد عدت لكم من جديد والعود أحمد
الحمدلله الذي به تتم الصالحات الحمدلله حمدا طيبا مباركا يليق بجلال وجهه وعظيم سلطانه

اولا أحب ان اعتذر لكل اخت حبيبة ارسلت لي على الخاص تسأل وتستفسر عن حالي ووضعي وتبي تطمن عليه
اعتذر والله اشد الاعتذا عن عدم الرد عليها ( واستبيحها عذرا )..فلي مدة طويلة ما دخلت المنتدى لانشغالي..
لاكن احب اطمئن كل عضوة حبيبة تعرف قصتي اني بخيررر وبسعادة ورضا نفس ولله الحمد والمنة من قبل ومن بعد..
ومن الذي لايكون بخير وهو في كنف رب العالمين ورحمته تحيطه من كل جانب
الدعاااااااااااااااااااااااااااء يا اخواتي الدعااااااااااااااااااااااااااااء..وقباااااااااااااااااام الليل
اقسم بالله انه السلاح العظيم من حرم منه حرم من امرا عظيم..حرم من الخيررر الكثيرررر
والسنن والرواتب والاذكااااار اوصيكم واوصي نفسي بعدم تركها ابدا...فوالله انها بعد الله سبب سعادتي ورضاي
والله اني اشعر برحمة ربي ونصره ورعايته تحيطني ..فلك الشكر ياربي ياحبيبي لك الحمد والشكر وانا أمتك الضعيفه المكسورة الجناح المغلوبه على امرها..التجأت اليك ووكلت امري اليك فأسألك ان تجعل عواقب اموري كلها الى خير
وان تعلي حظي حظهم بحولك وقوتك يارب الارباب يا ملك الملوك يامغيث المستغيثين وياصارخ المستصرخين..

حبيباتي مازال زوجي يسعى في اكمال زواجه...في الوقت الذي ربط الله على قلبي ولم تعد تهمني ابدا اذا كان بينهم رسائل او اتصالات ( مع محاولة زوجي في اخفائها..لاكن تأبى هي إلا ان تظهرها)..بردت مشاعري اتجاههم وانا هنا اشكر زوجي والله من صميم قلبي ( بالرغم الذي اصابني بسببه من هم وحزن وألم وجرررح ) إلا انه والله كان نعم الزوج الحنون المشفق...واسال الله العلي الكريم رب العرش العظيم ان يهديه ويسخره لي ولاولادي ويرده لي ردا جميلا...قوووووووولوا آآآآآآآآآآآآآآآآآآآآمين


اخواتي حبيباتي.........بعد جولات وصولات وبكاااء ودموع...وتودد ودلع....وإقناع وحوار......
قدرت على ان اقنعه بضرورة اتمام موضوع سفرنا للخارج ...وان هذه السفرة كانت من ضمن وعوده لي ومن ضمن رضوتي التي وعدني بها
وبينت له مدى فشيلتي وانكسااار نفسي امام ذاتي ثم امام كل من عرف بهذه السفرة ( وأولهم خطيبته)
..وبينت له ان هذه اهانه ولايمكن اقبلها على نفسي لايمكن اخرج بعد زواجه وانا مكسورة الخاطر..ابي اقابل الناس وانا معززه مكرمه...حتى انت يازوجي الحبيب مو حلوه في حقك..يتكلمون فيك انك ماسافرت بام عيالك وحبيبتك من اجل ان تكمل زواجك..

المهم وبعد الحاح وافق وهذا من فضل ربي سبحانه مو مني ولا من زوجي...


المهم الان اني ابي استشيركم في موضوع مهم......
زوجي كلمها قبل فترة ( اول ايام ملكتهم )عن مكان قضاء فترة عسلهم !!وكانوا ( تخيلوا ) يخططون ويفكرون ويقررون لوحدهم
اوكي...طيب...
السالفه اني انا بعد ماسمعته ( هو ماقال لي ولا حتى كان ناوي يفتح الموضوع معي) فاتحته بالموضوع...قلت وين ناويين تروحون بعد زواجك..سكت بعدين قال...والله يمكن امشيها كم يوم الى (...) خارج المملكة
بنأخذ تقريبا 11 او 10 ايام ..أنا سكت...وسبحان الله انا ماجاء في بالي اي شيء...والحين انتوا تفهمون..

جلست بعدها افكر في الموضوع...البكر لها 7 ايام والثيب 3 ايام.........هم على اي اساس يأخذ من ايامي من غير مايستأذن مني او يشاورني او يستبيحها مني..يعني كنت على الهاااامش
رجعت فتحت معاه الموضوع...قال ماعليك يومين او ثلاثة ابعوضها لك ان شاءالله بس بشرط متى ماتوفرت الفرصة او حبيتي تزيدينها على ايام لك في البيت او في رحلة بكيفك بس لاصار لي شيء وانا ماوفيتها لك ماعليه شيء

سكت .. مدري ايش صابني...يعني كلمني بطريقة وكأن الموضوع خلاص مفروووغ منه وانتهى...
انا الحين بعد ماضمنت باذن الله رحلتي مع عيالي للخارج قررت اذا رجعت ان شاءالله على خير وبعد ما انبسط واتمشى
افاتحه بالموضوع وبكل اصرار وبكل ثقة...واقول له...يازوجي الحبيب عندي موضوع ابكلمك فيه..وهي كلمة ورد غطاها....بنت الناس الشرع اعطاها 7 ايام ...واقسم بالله غير السبعة ايام تحلم بها
والله ماحسامحك على ساعة واحده تأخذها من يومي...وكيف افرط في دقيقة اقضيها معاك

ربي اعطاها سبعة ايام بأي حق تزيدها...مو كفايه اخذت زوجي مني غصب كمان تأخذ من ايامي...ليه ..بنت ابوي
لازم تعرف قدرها وانها ثانية والشرع قيدها بالسبعة ايام..لاتمني نفسها بأكثر وكأنها ماخذه واحد عزابي تأخذ فرحتها بالطول والعرض..هي قبلت بالمتزوج تتقبل السبعة ايام...انت واياها..
وان غصبتني حقي يازوجي وظلمتني في أيامي فالله لايسامحك وحدعي عليك ولا ابي تعويض ولاشيء غير ان ربي ياخذ حقي منك..انت اكرمتها مقابل اهانتي.في الوقت اللي المفروض انك ترجع لي تحتويني وتطمني انك مازلت زوجي حبيبي وانا زوجتك حبيبتك وان حياتنا وحبنا كما هو ماحيتغير شيء إلا الى الاحسن..اشوفك تقص لها من ايامي وكأنك تعبر لي ولها عن مدى رغبتك في البعد عني والقرب منها..وهذا اللي والله ما حرضاه ابدا..
طبعا انا اتوقع انه حينصدم وحيتفاجأ لانه خلااااص كلمها ووعدها وحجز التذاكر والفنادق وهذا كله من غير علم مني ولا استأذني او حتى لمح لي
وطبعا هذا كله مو شغلي...مولازم حضرتها تسافر برى..يبي يسافر برى يسافر بالداخل مو شغلي
هي ما حتأخذ الا حقها...وانا ماطالبت إلا بحقي..
وهذا هو الموضوع اللي ابستشير فيه الاخوات الحكيمات
هل معي حق ولآ انا متشدده عليه..خاصة انه حيحرج امام عروسته
لاكن ابفهمه واقول له...انت قول لها وبكل فخر وثقة ان ام فلان رفضت تتنازل عن اي يوم من ايامها وانها ممكن تتنازل عن عيونها ولاتتنازل عن دقيقة تبي تقضيها معي....(الحمدلله والشكر)
انا اتوقع انه حيحقد عليه...بس ماهمني...لازم يعرفون ان الواحد ماياخذ غير حقه...ويجب ان تصل لهم رسالة من الآآآن ان ام فلان ماتتنازل عن حقوقها ابدا...


يعني من جد عورني كثير يخططون ويتفقون لوحدهم وما كأن لي اي شأن في الموضوع..يحسب زوجي ان المسألة بسيطة..وانه ممكن يعمل ويخطط وينفذ مثل اول ( قبل مايتزوج) ما درى مسكين ان المعدد سلم رقبته للحريم هذه تحلله وهذه ماتسامحه وهذه تدعي عليه وهذه تسحب حقها منه ...لانه صاااااااااااار مرهووووووووووون بالتحلل من ذنبهم والتقصير معاهم والخوف من الميل لواحده عن اخرى هذا اذا كان فيه خير.

الشيء الثاني ياقلبي انتم...كلمني امس عن المبلغ المالي المتبقي في ذمته من رضوتي وقال ( أجليها الى مابعد الزواج !!) قلت له ابدا..انا آسفه ياروحي كل شيء بيني وبينك فيه وعد يكون قبل زواجك موفى...قال بالله ايش الفرق قبل زواجي ولا بعده...قلت فيه فرق...ايش يدريني بعد ماتتطمن ان الحرمه صارت تحت باطك خلاااص ماعاد اشوف منك شيء..قال ..لاحول ولا قوة الابالله (كررها ثلاث مرات) انا سكت وماعاد فتحت معاه الموضوع..( ووالله اني اعتصر الما في داخلي وكنت ادافع نفسي مدافعه..كنت على وشك اقول له خلاااص حبيبي بعد الزواج..يوم شفته مكروووب ومهموووم...لاكني الحمدلله تغلبت عليها..مو شغلي عنده ماعنده يدبر حاله...ماشفتوا قد ايش هو مكرمها في كل شيء..والله انه سوى لها اشيااااااااااء كثيره ماسواها هو ولا امه يوم زواجي...لاني اجنبية عنهم ( من قبيلة ثانية) ابخسوني حقي وفشلوني قدام جماعتي واهلي وجاراتي وصديقاتي...حسبي الله فيهم ونعم الوكيل

بس تعرفون كل اللي اخشاه هو حقده عليه بعدين ( وبيني وبينكم ماعاد اخاف منه ..الحمدلله الذي صرف خوفه وقلقه وهمه عني حمد الشاكرين) بفضل الله ثم التزام الدعاااء صرف كل ماكنت اعاني منها...يا أخواتي كان مسبب لي رعب وخووووف وقلق حسيبه الله..اسال الله ان يذوقه ما اذاقني..واساله الواحد الاحد ان يجعل عواقب اموري كلها الى خير وان يعلي حظي على حظهم بحوله وقوته سبحانه مغيث المستغيثين وصارخ المستصرخين.
احبكم وجزاكم الله كل خير

 

[طراق نجران]

اقول حبيبتي الله يكون بعونك ويصبرك ويسخره لك يارب
فلوسك الضوه خذيها كامله ولاتتنازلين ولا بساعه من وقتك خليه يتعذب لا تسامحينه
بكيتيني

 

[**القمة**]

ياعمري سامحيني
لاكن ايش قصدك طز فيهم...يعني اتركهم يروحون على حساب ايامي؟
انا ماعليه يروحون يسافرون بكيفهم ان شاءالله يروحون الصومال...بس ماياخذ من ايامي شيء

 

[دلوعةزوجي]

كلامك عين الصواب بس انتبهي تتكلمين الحين لا ياقلبي خليها بعد ما ترجعين من السفر علشان لا ينكد عليك سفرتك
وبالتوفيق

 

[طراق نجران]

لا والف لالالالالالالالالالالالالالالالالالالالالالالالا اقصد لو يروحون الربع الخالي ماعليك فيهم لا تفكرين ما اقصد ايامك انا اقول لاتتنازلين ولا بساعه من وقتك ولا حتى دقيقه من يومك اكيد حبيبتي انا والله معاكي بس اهم شي الرضوه والفلوس خذيها من الحين لا يضحك عليك بكلمتين ولاتخضعين لكلامه انتبهي

 

[مدمنة صبر]

ما شاء الله عليك يالغلا ما يحتاج نشاورك هذا تعلقك في الله هو الوحيد القادر على كل شي

واعجبني تصرفك في السكوت في المره الاولى والله السكوت والصبر هذا بحد ذاته علاج لجميع مشاكلنا وحسن التوكل على الله وحسن الظن به والرضاء بالقضاء والقدر اللي نعيشه من حزن وفرح

بس عندي شوي عتب يالغلا بخصوص يخططون وما يقولون لك هذا من حقهم انتي يالغلا بس بيتك واللي يخصك ولاتزعلين يالغلا والله اعتبرك مثل اخوواتي ومقدره مشاعرك (ولو انتي مكانه اكيد ما ترضين يقول له عن اشياء تخصهم

بخصوص الايام والشرع 7 ايام هذا ما اقدر افيدك بس نصيحه لك خليه على راحته وعاتبيه صدقيني مصيره بيمل منها ويجي عندك لا تنسين انتي ام عياله ( ولا تعاتبينه ويمسك نطقطة ضعفك وانك ما تتقدرين تصبرين عنه خليك ساكته والله ليمووووووووت حيره ويقول ياربي وش تفكيرها وليه طنشييبس واجباته قوووووووووومي فيها بس الدلع خففي منه

وواصلي على طريقة قربك من الله عشان اعمالك وصدقيني اذا حفظتي ربي بيحفظك ويسخر لك الدنيا ومافيها بس سخري نفسك لربي وخليه همك الاول والاخير

 

[salimaa]

طيب وليه بعد الزواج يعطيك الباقي خليه يعرف ان التعدد مسؤولية وحسابات لا تتنازلي على حقوقك ستكون بداية التنازلات ...فيمابينك وبين زوجك طيبي خاطره اما ياخذ منك لاجل عروسته ويوفر لها لالا ...وبلنسبة لايامك لك الحق طبعا ..خليها بعد ما ترجعوا من السفر آآآه من الرجااااااااااال

 

[سبحانك ياربي]

ماشاء الله عليك الله يزيد صبر وثبات وقوه ويسخر لك زوجك ويجعل الزواجه هذي بدايه عشق زوجك لك بالنسه لموضوعك انا اشوف انك تصرفتي بحكمه وموقفك قوي لان الحق معاك بس سافري بالول واستانسي وبعدين كلميه هذا حقك وفي الشرع مالها غير السبع ايام هي مومتزوجه عزابي قبلت بالمتزوج تتحمل بعدين الرجال شايف الشرع محلله يتزوج خلااااااااص يطبق الشرع ويعطيك حقك بدون نقص .

 

[**القمة**]

اختي مدمنة صبر

حبيبتي انا مو زعلانه انهم جالسين يخططون في امور تخصهم,,,,,,ويش ابي منها
انا زعلت يوم انهم يخططون ويتفقون في أمر انا لي فيه أصل...كيف يوعدها ويقص لها من ايامي من غير مايستأذن مني ويطيب خاطري ( لان هذا يجرح قلبي ورسالة منه انه مايبي يرجع لي بعد السبع ايام)
حتى ماكان على باله يعطيني خبر...لو كلمني وطيب خاطري بيا ام فلان انا ابي منك كم هاليومين واستبيحك فيهم وان شاءالله اعوضك فيهم بالاحسن مو كان افضل لي وتعزيز لقدري وكرامتي عنده وعندي
غيرررر كذا من امورهم ممكن تقولين بالطقاق

 

[**القمة**]

الحمدلله حمد الشاكرين

 

[رازيا]

الله يبرد على قلبك قولي امين
واسئل الله ان يسخر لك زوجك امين امين امين
علقي قلبك فقط بالله

 

[سنكرس]

حبيبتي :
هنيئاً لك قربك من حبيبك وحبيبي وملاذك وملاذي ربّي ورّبك الكريم المنّان
وأرى أنك تسيرين في الطريق الصحيح ، كونك رضخت ورضيت بزواجه
عليك وتحمّلت مرارة الضرّة فلا يعني هذا سكوتك عن حقك وتركهم يستبسحونه ولا يعملون لك حساباً ...
كوني قوية وحذي حقك كاملاً والمبلغ المتبقي قولي له لن أسامحك إن سافرت وهو في ذمتك ولن أحللك في دقيقة واحدة من وقتي إن وهبتها لغيري وأنت وذمّتك وحسبي وخصمي هو الله القوي الجبّار .
ويقول المثل ( الرمح على أول ركزة) يعني لو تنازلت الآن فلن يعملوا لك حساباً مستقبلاً وستضيع حقوقك ولن تستطيعي ردّها لأنك فرطت فيها في البداية .

 

[حجازيه ذوق]

شوفي مسألة العشر الايام بسهوله يحجك فيها لو يقولك هي مشروع لها سبع ايام كعروس وابدا من عندها القسمه واعطيها قسمتها ثلاث ايام وارجع من السفر واعطيك قسمتك ثلاث ايام ولو تشاكلتم عليها بيسال شيخ ويقوله الشيخ اعطها سبع ايام ثم ابدا اعدل بينهم وبيقول له بايهم تشاء ابدا او بيقول له اقربهم منك مسافه وانا سمعت شيخ يقول العروس يعطيها سبع ايام ثم يزيد لها كبدايه للعدل كم يوم حسب مايرغب ثم يعطي الاخرى قسمتها وقالو بايهم يبدا العدل قال الشيخ هو مخير بما شاء منهم يبدا لكن كون العروس جديده فمن المستحسن يبدا منها
وانا هنا اوضح لك الصوره حتى لاتحسي انك انضلمتي لو زوجك نفذ كلامه ولا تتهاوشي معاه على شي في الاخير لو يصر عليه يكتشف فيه انك انتي الغلطانه عليه
واهم شي خلك مرنه ولا تشدي الا على حقوقك بس عشان ماتكوني بننظره انسانه شرسه وتخلينه يتقرب للعروس الجديده ويهرب منك بقسوتك عليه وتشددك في مسائل ليس لك الحق المطلق فيها كوني مرنه الا في حقوق الواضحه

 

[حيآه روحه]

لاحبيبتي لاتتنازلين عن ثانيه وحده

وخليه يعرف ان اليوم يبدا من الساعه 12 منتصف اليل

انتي كذا رهييييييييبه وصصححح

 

[ملهمة النججوى]

اللهم اني اعوذ بك من قهر الرجال & الله لا يبلانــا

 

[أم قيس]

كلامك عين العقل
ولا تتنازلين عن شيء من حقوقك

والله يربط على قلبك
ويرده لك ردا جميلا

 

[سـحـاب]

خليك مرنه وأنتي ممكن تحتاجي في يوم من الأيام ياخذ من ايامها لك

ونصيحه أختي لاتطفشي زوجك منك خليك حنونه وطيوبه وادفعي بالتي هي احسن ماينسالك الطيب ،،

الله يربط على قلبك ويسخر لك زوجك وعيالك ويرضى عنك ويرضيك يارب ..

 

[سـحـاب]

اقصد يا حياتي تكوني مرنه في التنازل عن الأيام الي طلبها

فلوسك الي عنده لاتتنازلي عنها ابداً .

 

[*..الحلوة..*]

افكاري مشوشة جدا بس اللي اريد اقولك اياه لا تناطحين رجال لانك بتندمين اشرحي وجهت نظرك بكل هدوء لا تحسسينه انك ميته عليه وعلى وجوده في حياتك لانه هالشي بيخليه ينفرد اشتغلي عنه باسعاد نفسك وعيالك لانها تستاهل هذا الاهتمام وليس هو علمية كيف يتعامل معاكي وانك انسانه متفهمة وراقية وذكية لانه في النهاية مصيرة يرجعلك لانه متعود على اسلوبك وحياتك ووجودها في حياته بيكون صعب انه يتعود عليها وبيبد يقارن بينك وبينها ولا ام العيال كانت تسوي وتسوي اتكلم والله عن تجربة خليه يرجع مشتاقلك وكوني انتي مهتمة بنفسك وبس وليس به هو حسسيه انج انتي اللحين وحد جديدة ما تتنازلين عن حقوقك لنفسك اما هو لا ما يهمك ابدا اذا جاء خليه يشوفك حلوة وفرفوووشة ومرتبة وتضحكين وتلعبين وتنكتين ولا كانه شي اتغير صدقيني بيمووووووووووووت وبعد فترة بيرجع يركض ورااااكي وبيتركها لانه الانسان ما يعرف قيمة الشي الا لما يفقده حبك وحنانك واهتمامك اكسية على نفسك وعيالك وبيتك وبس وهو اذا جاء اهلا وسهلا ما جا في امان الله لا تتصلين فيه بتلقينه هو اللي يتصل لا تعاتبينه بتلاقينه موجود ويعاتب ليش ما تتصلين وليش ما تسالين صدقيني انا مجررررررررربة واقولك لا تفكرين انها بتكون فرحانه لما تتعاملين معاه كذا انتي بهاي الطريقة اتسوين اضطراب في عقله اللا واعي واتخلينه ما يحس بشيء من اللي حولة وبالتالي يفكر فيج لا اراااادي ههههههه صدق ترا انا خبيرة بعلم النفس وهذا اانسب حل

 

[*..الحلوة..*]

اما الفلوس عجبني كثير اسلوبك لا تتنازلين ولا عن فلس وكله في موعده المحدد ولا تسين خذي بعد مصاريف للعشرة ايام هههههه