السلام عليكم...أخواتي انا جديدة عليكم .. وحبيت أفيد وأستفيد ..

[ذبحتني عيونه]

أخوتي إذا صار سوء تفاهم بينك وبين زوجك ..كيف ممكن تراضيه .. وهل فيها شيء لو أكون دائما أنا المبادرة بالصلح .. أحب زوجي وأبكي لوشفته متضايق وش حال وانا اللي كدرته جوه ..كل وحده تقول تجربتها لالصلح لعلنا نستفيد

 

[الاميرة سنفورة]

اذا هوا غلطاان انا ما اراااضيه لو يمووووووت لكن واجباتو اعطييه يااها ماعدا النووم مع بعض لاااااا لاني زعلانه ولانو غلطاان حتى يعتذر او يقعد بكيفوو وعاادي عندي لو قعد قد اييييه الده ماتهم اهم شئ يعرف غلطو ويعتذر

اما اذا انا غلطاانه فا اعتذر ومافي شئ الاعتذاار انا ابادر اذهو زعلان مارضي اخلييه لحد مايهدأ بعدييييييييييييييييييين اراااضيه بعدييييييييييين لاني ما احب يردني لاني بطنشوووو ترى لو سواها بكيفو

طبعا انتي احسسسن مني فباادري اذا انتي غلطاانه اذاهو غلطاان يعتذر على راسو ريشه والا على راسو ريشه

 

[حياتي بناتي وبس]

اذا مزعلاه أنأ اخليه لين يهدأ واسويله شئ يحبه واروح عنده أراضيه وابين له موقفي
واذا هو مزعلني مراح امد البوز واكشر لا راح أكون عادي اسوي كل شئ وابسط نفسي وهو راح يستغرب وبيجي يراضيني غصب عنو .....واثقه

 

[الحياه وقفات]

اذا غلط علي ماراح اراضيه ابدا وابوز عليه يومين مع القيام بالواجبات وتمر الايام وكان شئ ماصار ,,,,,,,اما اذا انا غلطانه اعتذر واطيب خاطرو وبس



مره سمعت برنامج يتكلم فيه الدكتور طارق الحبيب عن الزعل يقول فيه ان الزوجه العاقله هي التي تمتص غضب زوجها وماتبين زعلها لزوجها وان الاعقل من الزوجين هو الذي يبدا بالمصالحه حتى لو مو هو الغلطان
وسمعتها لزوجي ضحك قال هذ الزمن مافيه احد عاقل والله صادق الكل يشد وماحد راضي يرخي بس في النهايه واحد يتنازل ويرخي اكيد بيكون هو الحلقه اللاضعف طبعا المتنازل

 

[دانسميز]

حسب نمطه أختي ...أعرفي نمطه ...كل شخص لديه طريقه فالشمالي إذا قرب عليكي أو كلمك يعتبرها مصالحة ولااااايعتذر .........ولك إيااااااااااااااااااااااااااااااك إذا طلبك للفراش ماتلبي تلعنك الملائكة طوال الليل.لاتتهاوني بغضب الله عشان ماتفقدي النعمة اللي عندك (ومايصيبكم إلا بما كسبت أيديكم )....
صالحي بنفس طريقته :يعني لو هو مايعتذر وبمرور الأيام يصير الوضع عادي خليكي مثله بس مع القيام بكامل واجباتك وكلمي عادي ....بس لو جارحتي كتير وموراضي لازم تصالحي ....أرجو أن أكون قد أفدتك

 

[ماتهمني]

لا تحرقين اعصابك مكيفه زعل متي مارضي هم كذا تتعبين تركضين وراهم
ولا يعجبهم شئ يركض وراء المره قبل العرس ولا صارت عنده بالبيت جطلها
كذا هم عيونهم زايغه لو كل واحد راضي عن. زوجته وعاجبته كان قابلها ابع وعشرين ساعه
ما يعرفون لا تلفزيون ولا نت ولا موبايل بس يناظر في خشتها يبيها علشان العيال بس

 

[الاميرة ميرال]

حسب نمطه زوجي شمالي شرقي صعب الإرضاء رغم اني في بدائها زواجي يخطئ وارجع اعتذر وابوسه وهو يشوف حاله عليه بس الحين الوضع تغير من كثر جفاه لي صرت زيه حتى لو انا الي غلطت ما اعتذر اجلس يوم يومين او اكثر وبعدها أتكلم وأتشرف وكان كافيه شي ما ادري اذاا كان تصرفي صح اوخطا بس هو الي وصلني لكذا لان سبحان الله تعرضون مع شخص جاااااااااف المشاعر فطبيعي تتبعون بإطباعه يمكن يكون خطاء بس هاذي تجربتي واذا تشوفون اني غلطانه وجهوني أتقبل النقد بكل رحابه صدر

 

[ذبحتني عيونه]

مشكورين ع الرود .الحلوة فديتكم ... بس الصراحه أنا ماأقوى ع زعله .. وهويستاهل كل خير ..


أحبه وأحب ثرى الأرض اللي ياطاها

..

 

[ماما عنود]

والله انك مسكينة بيجي يوم وتندمين على كل دمعة نزلت على شانه
احسن شي لا تظلمينه وقومي بحقه ولا تتعلقين فيه عيشي حياتك واضيفي لها زوج ان جاء اهلا وسهلا ومرحبا وان راح الله يستر عليه عندك مية شغلة سويها ولو كنتي زي ما قلتي ما راح يكون بينكم زعل الموضوع محلول من قبلك انتي تحبين التراب اللي يمشي عليه اجل ليه يزعل خلاص ماعاد فيه شي يزعله ولا شي
اختي خلي تعلقك بالله وبس ما فيه احسن من الشعور بالحب مع الله ولله اما زوجك لا تكرهينه بل احبيه ولكن لا يصل الى التعلق لانك راح تتعبين وتعبينه هو بعد وبيتضايق منك