السلام خواتى تكفون انصحوونى لانى ملييت

حبوبه بس مشطوفه

حبوبه بس مشطوفه

New member
إنضم
2009/04/20
المشاركات
29
السلام عليكم ورحمة الله وبركاتة


تكفوون خواتى نخيتكم لا تردووونى


ابشكى لكم لان مالى الله ثم انتم


اناكنت متزوجة قبل وقد مرة من قبل 10 شهوور كتبت لكم قصتى مع زوجى السابق لاكن الحين تطلقت

ولله الحمد وارتحت منه ومن مشاكلة


لكن الحين لى اربع شهووور متزوجة اتزوجت اخو مرت اخوي

لان من زمان مرت اخوى تقول ياليت لو انتى وحدة من حريم اخوانى

المهم وكتب الله وتزوجت اخوووها


طبعا على زوجتة اهو زوجى متزوج وحدة اكبر منه يعنى هو الحين عمرة 39 وهى بالخمسين

وانا عمري 21 سنه

عموما طبعا تزوج لأسباب لان زوجته مهملتة مررررة ويبغى الحب والرعاية والاهتمام وانا كنت عارفة وش اللى هو فاقدة عن طريق مرت اخوي اللى هى اختة

تقول تراة يبي الرومانسية ويبي الدلع ويبي وحدة تكوون دلوووعة وغنووجه ويبي الفراااااش

المهم خووواتى

انا ماقصرت معه كل شي يبية عطيتة من حب واهتمام ورعااااية

وكل شي خليتة مثل يادهينة لاتنكتين

طبعا نسيت اقولكم ... زوجتة اللى هى جارتى تصير من جماعتنا

وكانت تقرب لبنات خالى وانا الحمدلله مو ناقصنى شي حليوة يعنى احلا من بنات خالى ومن شدة الغيرة عندهم حاولوا يخربون بيتى مع زوجى قالو بنات خالى لزوجتة انى انا وحد مغازلجية وانى احب واحد يعنى تعرفون سوالف البنات...


ويوم من الايام جانى زوجي وقال انا بسالك سؤال انتى كنتى بعلاقة قبل اول


انا استغربت من سؤالة .... لكن قلت لة لا طبعا لو لى علاقة مع واحد كان ماتزوجت قعدت على حبة لين اموووت قال طيب ليش بنات خالك يطلعون عليك كلام قلت كل المقصصد غيرررة ولاتنسى انهم يبغون يدافعون مع زوجتك اللى هى بنت خالت امهم


والمهم هديت زوجى بالكلام واصلا هو يقولى لو انا ماسالت اختى عنك وعن اخلاقك كان ماخذيت

لكن الحمدلله خذيتك غصب عليهم

والحمدلله عااايشيييين بقمة السعادة لكن مادري احس انه لحد الحين فية الشكة ونسييت اقولكم ترا فية غيرة اعووو بالله يغااار من كل شي حتى من بنت اختى الصغيرة اللى عمرها سنتين


والحين بقولكم السالفة ....


البارح قلت انا بينى وبين نفسي مليت انا وياه من كثر مانقابل بعض بالشقة خلينى اخذ بنت اختى الصغيرة تنام عندى وطبعا انا شاورتة وقال كيفك

ومن البارح هو يلعب معاااااه ويضحك وطبعا وتعشينا ووبعدها نام زوجى لان وراه دوام

والمهم هو دوامه يخلية يقوم الفجر يعنى الساعة 6 يصير صاحى واصلح لة قهووتة


والبارح انا راحت علي نووووومة قام هو يصلي الفجر ونا نسيت اركب ساعة الجوال بعدين تنبهت وقمت الا المسجد يقيم قلت اية يمكن ماراح للدوام بس راح يصلي ويرجع


صليت انا وانتظر وانتظر لحد ماجت الساعة 7 وماجاء

وبعدها عجزت انام قعدت افكر ياربي وش سويت لة

المهم طلع بدري الساعه 11 تفاجاءت انا وصلحت لة القهوة وقال لى انة مايبغى غداء

وقامت بنت اختى من النوم وجلس يلعب معها ويوم جاء العصر وهو ينااااام

ويوم قام العصر قال جيبي القهووة وانا جالسة اقهوووية قال لاتقهووين وقال لى وش مقصدك يوم تجيبين بنت اختك

قلت لا مقصد ولاشي بس كذا قال طيب

ياحسافة تغيرتى حتى اليوم الفجر ماقمتى اهملتينى حسافة اعطيتك كل شي وانتى ماتستاهلين ياليتى مصدق الكلام اللى جانى ولاخذيتك طيب انا اوريك
وووووو ومن الاهانات وانا ساكتة ماقلت شي

قال يالله قومى اوديك لبيت اهلك وجهزت اغراضي ورحت لبيت اهلى


ابي الحين حل تكفووووون وش اسوووى معه وش انا مسوووية ماسويت شي غلط واذا على بنت اختى انا شاورتة وقال كيفك


تكفووون ابي وحدة تقول لى كلام اقول لة لان انا اخاف منة لان احيانا غيرتة تخلية يعصب مرررة وانا اخاف من العصبي

والصدق انا مليييت قلت خلاص ماراح ارجع لة لانه اهاني بلعكس هذا جزاي اعطيتة اشياء كان فاقدة من سنين الله يهداه ان شالله


بس ابي حل تكفووون قولى شلون اتعامل معه ابي كلااااام اقوولة


واسفة طولت عليييييكم
 
يا حبيبتي انتي....
والله الرجال ماينعرف لهم, الله يرده ويسخره لك, آمين....
اهم شئ الزمي الدعاء والاستغفار, واثقلي شوي عليه خصوصا انك ماسويتي شئ غلط...
ومايحتاج احد من اهلك يعرف السالفه لان السبب تافه وممكن يستحقرون زوجك ومو حلوه تكون صورته عند اهلك بالشكل هذا...
وإذا جاء يرجعك البيت ارجعي معه ولا تكبري السالفه لكن لما تهدأ الامور بينكم انتي وزوجي ناقشيه بالموضوع....
 
تبين الصدق والصراحه ماله حق يزعل اصلا هو الي غلط عليك انتي ماسويتي شي يخليه يزعل
احس انه يبغى حجه اوعذر بس علشان يوديك لاهلك
طنشيه حولي جوالك موجود ولاتكلمينه ولاتردين عليه لاتتنازلين ابدا ابدا
خليه يعرف غلطته ويتادب علشان مايكررها مره ثانيه خليه هو الي يجي لبيتكم ويعتذر لك وخلي ابوك او اخوك الكبير يكلمه ويوقفه عند حده
 
الله يجزاكم خير خواتى على هالردوووود


والله يجعلها يارب من موازين حسناتكم يارب العالمين
 
حبيت اقوال ان من الواضح ان زواجك يدخل راسه كلا م زوجته الا وال وهذا شي طبيعي لن له معها عشره وهي اكيد عرفه كيف تثار عليه الي عليك اختي انك تكوني واثقه من نفسك واذا جاء لك خليك قويه وتكلمي قدام اهلك وقوالي ابي يواضح وش سباب الهانات الي قالها لي وكذا تكوني احرجتيه ام اخته حاولي تكسبيها بصفك
 
صراحة وما تزعلي
احس زوجك يتلكك ويبغ يدور لك سبب عشان تروحي لأهلك
انتي ماغلطتي
ايش يعني لو راحت عليكي نومة خلاص ؟؟
ايش الجريمة اللي اقترفتيها وخلاه يوديك لأهلك ؟؟؟
عجبي
 
حبيبتي زوجك هدا مخه فيه شي يوم زعل والله شي عجيب عشان ماصحيتي بيوديك لاهلك خير انشالله وانا اقولك السبب مو بنت اختك لا هو شكله مريض وشكاك والكلام اللي قالك انك تعرفين واحد قبلي هو شاك للحين بس استحى يوديك لاهلك عشان هالسبب ودور له شي ثاني انا من رايي خليه ينطق وطنشيه ولاتتنازلي لين يجي يعتدر واسفه بس قهرني
 
واضح ان زوجك غيور مررره عليك ومن غيرته قالك هالكلام وصدقيني راح تهدأ نفسيته ويرجع لك بس عليك بالدعاء وكثرة الاستغفار
 
يااختي الله يهديك دوبك متزوجه وتجيبين بنت اختك ليه والله لو سواها هو وجاب بنته والا بنت اخته راح تزعلين وتقولين مسرعه مل ولايبغانا نجلس لحالنا هو معاه حق يبغى ياخذ راحته معك وانتي ماشاء الله جبتي له عزول نصيحه تفاهمي مع زوجك واعتذري له وقولي له انها غلطه وماراح تتكرر باقي يمديك على الاطفال وغثاهم ارجوك لاتطنشين زوجك وتفرحين اعداءك فيك وحاولي ترجعين لزوجك بسرعه ترى اللي بعيد عن العين بعيد عن القلب وترى مافيه كرامه بين الزوجين ولاتنسين انك مطلقه فلا تكررين التجربه الله يهديك
 
الله يعينج اختي البنات كفوا و وفوا .. لكن نصيحة اذا رجعتيله لا تدخلين أي حد بينكم ولا تسوين أشياء هو مش متعود عليها .. لأنه شكله الشيطان يوسوس في مخه .. و يخليه يفكر " هي شو قصدها من هالحركة أكيد في شي !! "
لازم تكونين واضحة معاه و خليج قوية .. و اذا قال يقولون عنج كذا و كذا .. لا تسكتين عليه و أصري عليه يعتذر لأن ما عنده دليل ..
يقول الله تعالى : ( وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاء فَاجْلِدُوهُمْ ثَمَانِينَ جَلْدَةً وَلا تَقْبَلُوا لَهُمْ شَهَادَةً أَبَدًا وَأُوْلَئِكَ هُمُ الْفَاسِقُونَ )
يعني انتي من حقج تقاضينهم على الاشاعات اللي طلعوها عنج ..
 
مشكورين خواتى والله يجزاكم خير ردووودكم ريحتنى لكن لحد الحين خايفة

مشكلتى انا مااعرف ادافع عن نفسي الله يكووون بعووونى وبعون الجميع؟؟


مشكووووووؤؤرررررات خووواتى على المرررووورر
 
صدقيتي مارايح يستغني عنك لانك اعطينيه الدلال اللي كان فاقده ورايح يشتاق لك ولدلالك
واذا جاء يراضيك حاولي تكوني عصبيه معاه وتساليه ليش سوا كذا
قولي له هذا عذر مو الحقيقه اعترف شو هي الحقيقه اللي خلتك توديني بيت اهلي مشان اواجهك واعلمك بالحقيقه اذا كنت شاك فيني انا بنت ناس ماجبتني من الشارع مشان تشك فيني وفي شرفي

 
يجب تسجيل الدخول أو التسجيل كي تتمكن من الرد هنا.
عودة
أعلى أسفل