السالفه او مافيها

[منامية الهوى]

هلا حبيباتي شخباركم شعلومكم شمسوين ....

شخبار الاجازه الصيفيه والاولاد اكيد موجعين راسكم :33:


المهم مو هذا مربط الفرس على قولتنا
موهذا موضوعي

الساله او مافيها

قلت لكم من قبل انا مخطوبه تقريبا صار لي 7 اشهر

المشكله ؟؟؟؟؟

اني اذا قعدت مع خطيبي دائما ساكته او هو دائما الي يفتح المواضيع

وانا ارد بإجابات مقتضبه

وهو يقول لي ليش ما تسولفين وتتكلمين معاي

بس والله ماعرف شنو اقول

بليييز ساعدوني شنو المواضيع والسوالف الي اقدر اتكلم معاه فيها للأن بصراحه احسه تملل يبغيني اتكلم بس لا حياه لمن تنادي ودائما يقول لي للحين مستحيه صار لنا فتره مخطوبين وبعدج تستحين

دبروني بلقيسات رجاء خااااص

يالله ما اطول

بالتوفيق للجميع
:24:

 

[3AROOOOSA]

تكلمو عن كل شي يصير وياكم ف اليوم ,,!
شو سويتي ف يومج ..!
استانستي مع منوو .,,!

وووو اي شي يطري على بالج لا تكونين ممله معاه

 

[ثاقبه]

ياتسبدو تخيلي إنتس مرتزه مع واحدن من أخوانتس
بس عاد انتبهي لا تنسين نفسك وتمدين يدك خبط ع كتوفه
هههههههههه واحليلتس
تراني مو ثاقبه
أنا بنتها المزيونه خخ!
اتمنى لك التوفيق
سلملم​

 

[هلا الرياض]

تكلمي عن الاكلات اللي يحبها والفواكهه والخضروات احلى المطاعم وين يسافر عن طفولته مواقف الدراس وانتى نفس الشي والحكي يجر بعضه بكره يروح الحيا يا عمريهههههههههههههههههههههه