الزوج والخادمه00

[0الملتقى الجنه0]

ياخواتي00

اختي زوجها رافض الشغاله بالبيت0

يقول خايف اغلط معها00
طبعا المساله مثل عذر البليد0

لكن00معقول فيه رجال كذا؟

وهل اقدر ااتمنه على احد من محارمه وهو عينه طويله00

لاني بدات اخاف منه00وش رايكم؟؟

 

[البشوووشه]

دام قالها بلسانه ...

معناته عذر عشان مايجيب خدامه ...


لأن الرجال إذا بيسوون شي .. مايتكلموووووون ولا يجيبوون طاري أبـــــد ...

هاذي حجه عشان يخررررع زوجته من الخدامه .. وهو يفتك من المصاريف ...


والله يعينكم يارب ...

 

[0الملتقى الجنه0]

المشكله ان اختي مقهوووووووووووووره

تقول ماعاد اثق فيه

اشلون اطلع معاه لسوق او لمجمع وفيه حريم كاشخات00اذا الشغاله تغريه0

 

[كمليا]

حبيبتي لا تتجاهلين كلام الرجال...
وحدة من صديقاتي كان زوجها يقول لها: إلا الشغالات الاندنوسيات ما يدخلون بيتي..
ولما تناقشه يقول: أخاف على نفسي منهم... لا تزعلين لو لقيتيني معاها!!!
المهم ...هي خافت إن كلامه صحيح.. ما يقدر يمسك نفسه عنهم..
لغت فكرة الشغالة من راسها حفاظا على زوجها وبيتها..
مع مرور السنوات.. وبمعرفتها أكثر بشخصية زوجها وجدت إن زوجها يميل لنساء جنوب شرق آسيا.. يعني تعجبه رقتهم.. ولطافتهم.. وأجسامهم الدقيقة..وشعرورهم الناعمة..:busted_red:
والآن هي تحمد الله إنها ما خالفت كلامه وجابتلها مصيبة في بيتها..
فاحذري حبيبتي ترى ممكن كلامه صحيح..
لكن ممكن تدخل شغالة بالبيت على نظام الساعات..
يعني تسوي شغل البيت وتخرج.. أريح لها وله..
تمنياتي لها بالتوفيق.....​

 

[البشوووشه]

اوووووف ...



صحيييييح الرياييل مايتأمنووون أبـــــــــــد ... أوووف والله منهم ...

هو على حسب الزوج .. لو طبعه يميل للنسوان .. وتهوون عليه الخيانه .. شووور بيلعب لعبته ..

بس لو تعرف إن زوجها سيده وأهم شي يخاف الله ... أعتقد إنه تهديد لاغير ’’

بس عالعموووم يالغلا ..

أصلا الخدم بالبيت << حاله متعببببه وموتررررره وااااايد ... أكثر من الراحه ...

ولو الزوج كان هو محافظ على نفسه ,, ويحب زوجه ممكن الخدامه هي إلي تلعب عليه وتغريه والمره ماتدري بالدنيا ..

والله يعين الحميع يارب ’’’

 

[shoogalmshaer]

انا بالنسبة لي أخذت موقف من الشغالات بسببها كنت بأخرب بيتي وأشرد عيالي
فالأفضل ماتجيب مصيبة لبيتها تندم عليها

 

[ربى الجمال]

وانا بعدانصحها بالشغالات اللي بالساعات

 

[زوجة الشيخ]

اذا هذا كلام زوجها نصيحه لاتجيب لان بعض الشغالات تحط عينهاعلى الرجال اللي بالبيت وياكثر هالمشاكل اللي مثل كذا

 

[سمراء الشرقيه]

ششششششششششششكر خيوة يسلموووووووووووووووو

 

[كريوم]

الله المستعان

 

[عـر الإمارات وس]

أختي وحده يقولها زوجها بصريح العباره لاتدخلين الخدامه بيتي اخاف اغلط وياها !!!
وتشك فيه بلعكس هذا يستاهل شهادة تقدير لانه يخاف الله ويخاف من الوقوع في الزنا
لو يبا يلعب بذيله بيقولها بيبلج
بدال الخدامه هنتين ومابيصارحها !!!