مليــــــــــت منه ماعاد ابيييه
السلام عليكم ورحمة الله وبركاته
اخواتي انا في هم وربي من تزوجت قبل 6 شهور كارهه زوجي بشكل فضيع لاحد يقول مسحوره ولا فيك عين الحمد لله مداومه ع الاذكار وقيام الليل
زوجي تعبني شكااااااك بشكل فضيع بس طبعا للحين ماقاله لي بالصريح يعني حركاته توضح لي تخيلوا يراسلني من ارقام غريبه انا شفت بطايقها عنده يعني كرت الشريحه اللي يكون فيه الرقم على انه حرمه تحبه وتبي تقهرني
اول رساله ارسلي (مرحبا ابي اسالك فيه دورة مياه زوجك رفض اني ادخلها ليش ع العموم انا تعبااانه الحين وبقوم اتروش )
وثاني وحده تهددني اذا زعلته يقولي انتي ماتستاهلين زوجك وانه يطبخ ع نار هاديه يعني بيسوي شي مثلا يتزوج وكلام كثير
واليوم ارسل لي انا ارسلت لزوجك صورتي لا تزعلين علي انا احبه موت موت
<<<<طبعا هو دايم يقول تجيني رسايل من ارقام غريبه ويسب ويلعن فيهم وقالي ان فيه وحده تقول بترسل لي صورتها اقصد اخر رساله
بعدها دقيت عليه لما جتني الرساله الاخيره وقالي انها ارسلت صورتها قلت له ارسلها لي وخاف قال طيب وارسلي صوره وحده مليون مره شايفتها بالنت
وبعدها زعل قال انتي تشكين فيني والله اني مااافكر بغيرك ولا احب غيرك ومن ذا الكلام
وبعدها ارسلي من الرقم نفسه يقول طلبت من زوجك صوره له ولل..؟ وزعل وسبني بالله في شي يزعل
طبعا انا ولا مره رديت ع رسايله
انا خلاص احس اني كل يوم اكرهه اكثر كل يوم يصغر بعيني اكثر احسه مريض نفسي تخيلوا ذاك اليوم جيت من الجامعه وودخلت غرفه النوم وهو كان مسوي نفسه نايم ونزلت جوالي ودخلت الحمام وقبل ماانزل جوالي كنت اقلب فيه المهم اول ماطلعت من الحمام الله يكرمكم لقيته صاحي وامسك جوالي وماالقى المومري حقي لان الصوره الخلفيه ع المومري عشان كذا لاحظت
المهم قمت اصارخ وعصبت اقول وين راح المومري مو معقوله توني اقلب في جوالي وين راح المشكله فيه صور لصاحباتي طبعا بدون اوجه بس يدينهم توضح وشغلات خفيفه انا وصلت معي هو عرف اني شكيت فيه انا كنت باصمه بالعشره مو شاكه وبس المشكله انه يحلف حلف مو طبيعي وزعل ذاك اليوم ولا كلمني واخر شي جايني يقول شوفي الرساله من السواق حقك يقول انه عندهم ذاكره جوال واشياء كثير يوم طالعت بالكتابه ورب البيت اسلوبه حتى حركات الكتابه نفسها اعرفه
وراح وجابها بس عقب وش عقب مافتشها ولقيت اثار كثيييره لدرجه انه مرسل اشياء لجواله بدون مايمسحها
بنات وش رايكم ارد ع الرسايل اللي يرسلها من ارقام غريبه على اني عارفته ولا لا
تكفوون ساعدوني بالراي الحكيم والله العظيم تااايهه ومو عارفه اتصرف ومااقدر افضفض لاحد بهالكلام
