الزوج الخاين الزوج الكذاب

[عذبني اعز الناس]

تسلمي قمر مصر على التوضيح وان كتبت استشارتي في قسم الاستشارات بس دحين عرفت انو لازم اكتب مشكلتي في هدا القسم ومشكورين على المنتدى الاكثر من رائع

استاذتي عندي مشكلتين واتمنى انك تساعديني في حلها الاولى انو زوجي كان يكلم بنات وكان يحب وحده تقرب له وانا لية 3سنين متزوجته وبعد الجواز دريت انو يحبها مرة بس ابوه وامه جوزوا غصبا عنه المهم هوه يقول انو مرة يحبني وما يستغني عني بس قبل فترة فتحت جولاته وشفت الرسايل والصور ومرة انصدمت وبيس كنت ابكي بس ما قلتلوه اني شفت الجولات لانو قبل سنة شفت واحد جوال وقلي انتي طلق اذا فتحتي او خليته احد يفتحه المهم خفت وما قلتلو وبعدين كنت يوم قاعدة اتصفح النت شفت هدا المنتدى وقريت نصائحك وقصصك مع ام بسمة وام وليد الصراحة استفدت منها كتير وان كنت زي ام وليد مااهتم بنفسي يعني مااسوي رجيم زي ما يبغى جوزي وماكنت اسافر واتركه من يوم ما تزوجنا انا ماتركته لحاله غير لما اروح بيت اهلي في كم شهر <انا ساكنة في جدة واهلي ساكنين في المدينة>اول مرة اسافر لحالي واسيبه بعد 3سنين كمان بس 3ايام ورجعت دايما بابا يقولي سيبي الرجال لحاله كم يوم بس انا لاصقة فيه مرة احبه مااقدر اسيبه المهم لمن نزلت عند اهلي رحت جواز وقابلت الي جوزي يحبها طبعا تقربله وسلمت عليها واول مرة اصارحها وقلتلها بعدي عني وعن زوجي بس البنت زعلت وقالت ايش قصدك وتاني يوم دقت على حماتي وتبكيلها انو انا اتهمتها مع زوجي بعدين حماتي دقت وكانت زعلانة كيف اتهم البنت بدون اثبات عندي وحكيتها على الي شفتو في جوالات زوجي وصدقتني طبعا زوجي كمان دق وكان يسبسب ويخاصم وقلي طلاقها بطلاقك وزعلت وخليت جوالي صامت وقعد يدقق وماارد عليه وتاني يوم رسلتلوه رسالة اني عمري ما حفتش في اغراضه وخلينا نبدا صفحة جديدة ونبعد عن المشاكل ورسلي رسايل حب وغرام كمان وقلي ليه رحتي وخليتيني لحاليوكمان قلي انو فرمت الجوالات وتاب الى الله وانو ماحيرجع لهادي الخرابيط ومن دا الكلام المهم انا ياستاذة طولت عليكي حبيبتي كيف اتاكد انو زوجي ماحيرجع للبنات وايش اسوي الله يخلييك ردي علي وانصحيني ما عندي احد ينصحني وجزاك الله خيرا <المشكله التاني انا ساكنة معاي في البيت اخو زوجي وحرمتة وزجي ما يقصر طول اليوم يمدحها قدامي ويقعد معاها ويسولف وان اكون قاعدة ولايكون معبرني ويضحك معاها انصحيني غاليتي ايش اسوي انتي مرة كنت كاتبة في مقال انو طالعيه بنظرة قوية وروحي المشكلة مايطالع مرة مع انو يقولي انا احبك بس لما يشوفها ولا كانه يعرفني انا اخاف اذا تكلمت اهل زوجي يزعلوا ويقولوا انت انطوائية وما تعرفي تصيري اجتماعيه زي سلفتي <نسيت اقولك انو زوجي يدرس طب ويشتغل في نفس الوقت كيف اخذ منو مصروف وشكرا ااستطولت بس انا مرة مقهورة منها الله يخليكي ردي على انا مة محتاجتك يااستاذة وشكرا :clap::clap:​

 

[سلــمى]

حبيبتي
انا رح اقولك وجهة نظري
رسائل البنت هذيك لزوجك وصورها وما ادري ايش كنتي اخذتيها وخلتيها عندك للظروف
يوم شفتي زوجك يلعب بذيله معها وهي سامحتله تهدديها بهذه الصور والرسائل وتقولين لها باعلم اهلك
بس وتبعديها عن زوجك تماما
بالنسبة لحرمة اخو زوجك
استخدمي اسلوب النظرة بحده هذه ولا تبطليها وقومي من المكان بزعل
او ممكن تكلمين حرمة اخو زوجك بحده ان هالشئ ما يعجبك معقدة ولا مو معقدة غير عن انه حرام انا ما بغى هالشئ يصير لا في بيتي ولا في بيت غيري
زوجي وانا حرة
وزوجك تهدديه ان ما احترم نفسه رح تسوين شئ ما يخطر على البال
مجرد تهديد طبعا ولو لازم الامر سوي كده شئ يخليهم يخافون منك ويعملون لك حساب
مثلا قومي حرمة اخوك واقعدي معها في غرفة لحالكم مع باقي الحريم وودي زوجك غرفة ثانية وقولي له ان طلعت ولا تكلمت مارح يصير خير
لا تستقبلين حرمة اخوه وزوجك وزوجك فيه وان سالت عنه ردي بحده
خير تبين شئ ؟؟؟
لو سمحتي تبين شئ كلميني مباشرة لا تكلمي غيري ؟؟
كده
بذووق احرجيها وخلها تلزم حدودها
الرجل ان ما احد اعطاه فرصة رح يتعدل
بس طول مافيه احد قدامه تضحك له رح يوسع صدره ومارح يهمه شئ
فحطي لها حود علشان زوجك بالمقابل يحط لنفسه حدود
سكوتك مارح ينفع
خذي موقف ولا يهمك من احد وان قاطعوك
احسن انتي تحافظي علي بيتك وزوجك من الفتنة ومافي اي غلط في الي تسوينه
وفقك الله لكل خير

 

[solaf-mn]

بصراحه الاخت سلمى ماقصرت قالتلك كل اللى نفسى اقوله لك وانتى لازم تتقربين لزوجك اكثر ورغبيه فيكى اكثر يعنى عيشيه فى جو ثانى وتعلمى من الدروس اللى فى المنتدى علشان ذاا بدا بيهاجمك مايقدر لانه يبدا يتعلق فيكى ومايقدر يستغنى عنكى 000 الله يوفقكى00

 

[عذبني اعز الناس]

جزاك لله خيرا اخت سلمى ماقصرتي ومشكوووووووووووورة الاختsola-mn