الزوجه الثانيه نعمه ولا نقمه

[كسرني زماني]

السلام عليكم بلقيسيات أناخطرلي افتح معكم هالموضوع لأنه ملاحضه أتكرركثير الزوجه الثانيه وآآآآآآآآآه يالزوجه الثانيه وبما إني زوجه أولى وزوجي اتزوج علي حاسه بكسره ووجع ظني مابينتهي وبيذبحني ليه اتزوج علي؟شلي ناقصه يعني شين وقوي عين المصيبه ان الزوج يدري ان هالشي الضربه القاضيه للزوجه ومع كذا يقول دايم انتي الاوله وام الأولادواللي تحملت وصبرتي معاي وانتي الحبيبه ومافيك شي ينعاب طيب ليه بعدهاذا كله ليه هذا الهديه عشان تعبها معك هذا الجزا والشكر اللي يقدمه لها وفي نفس الوقت اقول سبحانه ورب ضارةنافعه يمكن الرجال يتعدل ويتغير مع زوجته ويمكن لما يجرب غيرها يعرف قدرها ويرجع ندمان ليها وكمان لاننكر ان الزوجه الثانيه حقها حق اي بنت تتزوج وتنستر وتجيب عيال صحيح ممكن نقول انه يعني هي مالقت بها البلد إلاهالولد بس مو هي اللي دورت وركضت عليه هو اللي جاها لباب بيتها انتو شرايكم فكروا بعقلانيه وجاوبوني

 

[رجة بس برزه]

أصبري وحتسبي والله هي توجع لكن من صبر أكيد ربي بيعوضه خير ما نعرف وين الخيره لنا ؟

 

[آسية مزاحم]

عزيزتي الله يحفظك ... أنا زوجه ثانية .. كان ما ودي اكسر بخاطر حد أبدا .. بس قدري.. والحمد لله كل اموري ميسره بتيسير الخالق .. أهم شي تكوني سعيدة بداخلك برضا ربك عليك ورضا زوجك ... كل زوجة لازم تكون عندها مشاكل سواء كانت وحيدة او زوجه ثانية او ثالثة أو رابعة بس انت تقدري بشخصيتك القوية وابتسامتك تتحدي كل الصعاب ,\.. والحمد لله

 

[مهوره]

موضوعك ذكرني بمقووله قرأتها بمقاله لناعمه الهاشمي(ع مااعتقد) ..

المصيبه ظاهرهاا شر وباطنها خير

 

[الحب والعطاء]

الله يصبرك وانت كلامك منطقي وصحيح الزوجة الثانية مالها ذنب هو الي راح لها بس انت اصبري واليوم الي مايكون عندك اشغلي نفسك باي شي تنظيف الاهتمام بنفسك والله يمكن يرجعلك ويحبك ويعرف قدرك

 

[الأمل المفقووود]

الله يصبرك ويصبر كل وحده قهرها زوجه وثقي ان الصبر مفتاح الفرج

 

[~أغلى الغاليات~]

حبيبتي الرجال المعددين تختلف اسبابهم لكن يشتركون في شي وااااحد وهو الانـــــــانـــيه وحب الذات .. وهاي الشي اللي مو موجـــود في المراه لان المراه مخلوق تعود على العطاء من صغره وانخلقت وهاي فطرتها..انتي تسوين كل اللي عليج وعلى حسب قدرتج لكن الرجل له نظره مختلفه..ما انكر في رجال يتزوجون بسبب مشاكله مع الاولى لكن بعد ما دفعهم للزواج الا حب ذاتهم وانانيتهم يبي الراحه والاستقرار..حبيبتي انتي في نظره كل اللي قاله لج لكن هو يحب نفسه اكثر منج عشان جذي تزوج هاي التفسير الوحيد لزواجه مهما كانت اسبابه ..فلا تزعلين حبي نفسج وحبي عيالج وفي الاخر حبيه..عيشي حياتج حبيبتي وخليه يجرب غيرج يمكن يرجع لج ويحس بقيمتج ويحطج فوق راسه..والله يوفقج يالغاليه

 

[هيفونهaa]

مرحبا بنات انا ضيفة جديدة انا زوجي ماعندة الا انا لكن من كثرة مشاكله معي ات:34:منى انه يتزوج

 

[امي كل الغلا]

الله يسخرلكم ازواجكم ويبلغكم مبتغاكم

 

[شذى الدلوعة]

زوجي يبغى يعيش في قرية عند أمه وانا ماعمري عشت في القرى حياتي كلها في المدن ؟؟؟؟؟؟؟؟؟بس اروح وقت إجازات؟؟
علشان كذا إذا تطلب الامر وقال إنه راح يستقر في قريته راح أطلب منه أنه يتزوج ويعيش هناك ؟؟؟؟؟؟؟؟؟؟؟
أما أنا فلا ولا ما اروح معه واعيش في بيتي في المدبنه؟؟؟
لان الاستقرار في القريه صعبه؟؟؟؟؟؟؟؟ والزم ماعلي راحتي؟؟؟؟؟؟

 

[هيفونهaa]

ايش رايكم في اللي تقول لزوجها اتزوج[/I]

 

[هيفونهaa]

اعقليها وتوكلي