الزواج ليس للإستقرار بل للمستقرين

[راجيه الرضا]

"الجواز مش للإستقرار ..الجواز للمستقرين"
كتير بنقول لشخص يلا اتجوز عشان تستقر لكن الحقيقة ان لو احنا مش مستقرين جوانا يبقى صعب نبقى مستقرين مع اللي حوالينا.

محتاجين نتأكد إننا مستقرين في صورتنا عن نفسنا،
مستقرين في الطريقة اللي بنفكر بيها،
مستقرين في حبنا لنفسنا و للي حوالينا،
مستقرين في معتقداتنا ،
و مستقرين في نظرتنا للجواز و هدفة.
الجواز للمستقرين مش للي عايزين يستقروا..الجواز مش مصحة نفسية.

الجواز إننا نختار حد نشاركه حياتنا بتفاصيلها
ننشغل ونشقى طول اليوم عشان نتجمع في الاخر نشوف وشوش بعض ننسي التعب
ونقعد نحكي عن اللي مرينا بيه وكأن القعده والحكي دول مُسكن لتعب اليوم كله
الجواز إنك تختار شريك حياة يهون و يسهل عليك حياتك ويبسطلك امورك معنويا قبل ما يكون ماديا
الجواز هو إنك تنام آخر اليوم مبسوط وعلى وشك ابتسامة رضى بسبب اختيارك الصح

وسام الهاشمي