الرد بصراحة

[ام شهد]

مرحبا..خواتي الامهات اللي عندها أكثر من بيبي منو تحبين أكثر من بين عيالج الاول الثاني الرابع ولا كلهم نفس الشي وارجو الرد بصراحة ..لاني انا لما كان عندي وولدين كنت احس اني وايد احب الاول وما كنت احس اني احب الثاني ما افرق بينهم في الاغراض لكن للاسف في العاطفة وايد وهذا غصبا عني وحاولت اصلح من نفسي بس ما في فايدة والله يعلم اني وااايد مضايقة من نفسي ولما يبت الثالث وايد حبيته ..اكيد فيني خلل فالهشي واحس اذا يبت الرابع بحب نفس الشي الا الثاني ضايع مسكين وانا بعد مسكينة..

 

[ام سلامي]

لا تحاولين اتبيين له حرام بس لازم تزرعين فيه امتيازات عشان مايحس انج ماتحبينه حاولي تبرزين شخصيته جدام ريلج وعيالج وبيصير غالي

 

[؟؟؟؟؟]

الله يخليهم لك ياااااااااااااااااارب والله يقويك على العدل بينهم

 

[ام شهد]

مشكوررين خواتي على الرد بس وووين البقية؟؟؟؟؟

 

[لؤلؤ بحري]

اختي انا عن نفسي عندي اثنين بس احب الثاني كثير صح هم شوي كبار بس الثاني غلاته غير
ماعرف ليش بس دايم اقف معاه واساعده والثاني رايح فها والله اني احبه بعد واعدل بينهم في كل شي بس قلبي مو بيدي

 

[ام العنود]

الصرااااااااحه

صدمتوني

اول مره اسمع ان حب الام مب متساوي بين عيالها

صحيح انا بس عندي بنت وحده

بس عمري ما كنت اتخيل اني احب حد من عيالي اكثر من الثاني

وانا عشت في بيت اهلى وكان عددنا 9 بس محد حس في اي لحظه بهالشي

ما اقدر اقول الا الله يساعدج

 

[ام شهد]

مشكورين خواتي على الرد

 

[آه ياقلبي]

حرام عليج اتقولين جذيه مستحيل اتحبين واحد اكثر من الثاني كلهم عيالج
احساسج مش صحيح يمكن اتعطفين على الثاني عشان مريض او ضعيف
لكن اتحبين واحد والثاني لا مستتتتتتتتتتتتتتتتتتحيل
هذي معلومة جديدة اول مرة اسمعها

 

[نفرتاري]

اول مرة اسمع ان في ام اتحب ولد على حساب الثاني

انا عندي 6 ما شاء الله

منهم كبار وصغار

احبهم كلهم نفس الشي

ممكن اتغشمر مع البعض .. ومع البعض الثاني أكون جد
على حسب شخصيته
في بعضهم يحبون الغشمرة واللعب
وفي بعضهم يحبون السوالف والهذرة .. وينفخون راسج
وفي بعضهم ساكتين .. بينهم وبين البسمة زعل
وفي بعضهم اجتماعيين .. وفي بعضهم لا

ممكن ارتاح اكثر مع بنتي الكبيرة أكثر من الثانية
لأنها حمالة الأسية .. ولأنها مطيعة وهادية
وكل الشغل قاطته عليها في غيابي

لكن أني أحب حد اكثر من حد
لا يمكن
فديتهم الله يخليهم لي .. ما اقدر أعيش من غيرهم:cupidarrow:
من أجنن .. من ابهدل:msn-wink:
ولا من اضرب لما اعصب وانقهر من ابوهم:a043: ​

 

[ام شهد]

شكرا خواتي على الردود بس مثل ما قالت اختي لؤلؤ بحري القلب مو بيدج والله يخليلكم عيالكم يا رب وترا احساس انج تحبين واحد اكثر من الثاني يسبب لج احساس بالذنب وتتعبين نفسيا من هالشي وانا تعبانة نفسيا من هالشي خاطري احبهم بنفس المقدار بس شو اسوي احاول ما افرق في الاغراض لكن القلب وااايد صعب والله يعلم اني تعبانة وادعي ربي انه يغير احساسي والله المستعان.