بنت العواذل
New member
- إنضم
- 2010/08/14
- المشاركات
- 5
السلام عليكم ورجمة الله وبركاته
انا انسانه مب متزوجه .بس احس اني درست الرجال من خلال مشاكل البيت من ابوي لاخوي والكثير من القصص الي اسمعها من ربيعاتي المتزوجات .
يعني الحرمه الي ريلها يخونها :- لا تفتشين تليفونه مسجاته لانه بيكون حذر بس يوصل البيت بيمسح كل شي خليه لما يرن تليفونه عطيه بس لاتشوفين الرقم ولا تقعدين بنفس المكان اطلعي من الغرفه خليه يخلص مكالمته حسسيه انج مب مهتمه .
يوم كنتي شاكه فيه تشيكين ع اتصالته ومسجاته وتتصلين فيه وين رايح ؟ وين جاي ؟ هذا كله يخليه يطفر ويكره البيت خاصه لما يكون انسان عنده سوابق كثيره مابيقدر يودر هذا الشي بسهوله بيكون نفس الادمان عنده .
الحرمه بس تشك بريلها من اول مره بتم تحاتي وضيقانه وكارهه الدنيا .
اشغلي عمرج باي شي لا تكونين فاضيه ابد اشتركي بنادي رياضي المهم لا تفكرين به لانج تحرقين بعمرج وهوه يواعد ويطلع والحياه الحلوه عنده .
ادبيه بانج تتجاهلينه سوي الواجبات الزوجيه من اهتمام بالبيت وبالعيال وبالجنس ترى هذا اهم شي عندهم وبس لاتشكين فيه .
يوم بيشوفج مطجعتله يعني لابستنه يعني مب مهتمه فيه ذيك الساعه هوه روحه بيسال شو فيج متغيره وانشاء الله بيتادب وبيصطلب عقبها.
لان فترة المراهقه عند الرجال مالها نهايه بس باسلوبج وبشخصيتج بتخليه ينسى كل الي حواليه هذا معناة التطنيش عندي .
الله يوفقكم ويهنيكم وترى التجارب لما تخبرونا فيها بالتفاصيل نستفيد اكثر من الكلام ...
