الدكتوره ناعمه بغيت تساعديني

[قطرة الندى]

السلام عليكم ورحمة الله
انا عندي مشكله مع اختي الصغيره ومب عارفه كيف نتعامل معها
هي مخلصه الثانويه يوم سارت الجامعه صارت تتكلم في التلفون مع شاب ويوم عرفنا اضطرت اختي الكبيره اطلعها من الجامعه عسب هاي ثالث مره تسويها وكل مره تحدرها اختي بس ما شي فايده وبعد ما يلست في البيت بعد عادت الكره بس بمصيبه أكبر قامت تسرق فلوس من البيت بمبالغ كبيره عسب تشتري فيها تلفون وبطاقات والمشكله انها مب حاسه انها تسوي شي غلط وفي البيت منصدمين ومب قادرين نستوعب اللي تسويه وامي مربيتنا أحسن تربيه ونحن من عايله محافظه الحمدلله وما خبرنا اخواني الأولاد لان خايفين وما نعرف شو بتكون ردة فعلهم
وكل أملي اني أحصل حل عندج ويجزاج الله خير

 

[حب عذري]

الله يعينك اختى على ماابتلاكم وان شاء الله احد ن البنات يساعدك


واعتقد ان الدكتوره باجازه ................

 

[زهرة البوادي2006]

اختي هذه يحتاج لها رجال يأدبها لانكم انتن حاولتن وبدون فايده لا تضيع عليكم وبعدين من يفوت الفوت ما ينفع الصوت