البيت السعيد**
New member
- إنضم
- 2009/01/03
- المشاركات
- 603
بسم الله الرحمن الرحيم،
والسلااااام عليكم ورحمة الله وبركاته،
شخباركم إن شاء الله زينين،:32:
أدري من زمان ما نزلت موضوع،
لكني ما زلت أطبخ في البيت، لكن قل تصويري لطبخاتي،
المهم اليوم يايبة لكم
الدجاج المحشي بخلطتي الخاصة والرز بالزعفران
الطعم شي عجيييييييييييب وروووعة،:2:
المقادير:
والسلااااام عليكم ورحمة الله وبركاته،
شخباركم إن شاء الله زينين،:32:
أدري من زمان ما نزلت موضوع،
لكني ما زلت أطبخ في البيت، لكن قل تصويري لطبخاتي،
المهم اليوم يايبة لكم
الدجاج المحشي بخلطتي الخاصة والرز بالزعفران
الطعم شي عجيييييييييييب وروووعة،:2:
المقادير:
- دجاجة كاملة ومنظفة عني أشيل الجلد
- تبهيرة الدجاج "علبة روب، ملعقتين كبار كتشب، عصير ليمونة، ملعقة خل التفاح، سنوت، بهارات مخلوطة، بهارات المندي، ملح وفلفل أسود"
- حشوة الدجاج "مكسرات، زبيب حامض (يكون حجمه طويل شوي)، بصل مفروم، نص علبة صلصلة طماطم، آلو مقطع مكعبات صغيرة، جزر مبشور، حبتين ليمون أسود مكسر، بهارات مخلوطة، فصين ثوم مدقوقين"
- بيض غير مستوي
- خضرواتج المحببة آنا حطيت الموجود"كوسة، فلفل بارد، بصل أبيض، آلو شرائح"
الطريقة:
- ناخذ الدياية ونخليها في علبة أو كيس بلاستيكي نظيف ونحط كل بهارات الدجاج معاها، ونحطها في الثلاجة أقل شي ساعتين
- نحمس البصل والثوم في شوية زبدة أو حتى زيت، نضيف الألو والجزر والبهارات وصلصة الطماطم، بعدين نضيف الزبيب والمكسرات حطي معاه الليمون الأسود المكسر، لين تحسين الزبيب إنتفخ، ونخليه على صوب،
- نطلع الدياية عقب ما تتخمر ونخليها في وسط بايركس الفرن، ونحشيها بالحشوة كامل،
بعدين وإنتي تحشينها إخذي بيضة مو مستوية وغسليها زين في ماي وملح، بعدين حطيها داخل بطن الدياية بالعدال لا تنكسر،
- صفي الخضروات وغطي الطبق بالألمنيوم وخليه في الفرن في الوسط على نار هادية لين ما تستوي الدياية، عاد تعالي شوفي الريحة الخنينة للأكل.
صورتها قبل لا أحطها بالفرن،
عقب ما طلعتها،
إهني بالكفشة حركت الحشوة علشان تشوفون البيض،
طبعاً البيض يكون له طعم خاص، لأن استوى على راحته وعلى البخار،:20:
إنزين أحين دور العيش بالزعفران،
هالطبق ما في مطعم في إيران ما يبيع منه، لذيذ وايد وله ريحة خنينة،:19:
- تغسلين العيش وتنقعينه وتطبخينه كالمعتاد،
- عقب ما تشخلين العيش، تشيلين شوي منه وتخلينها في ملة،
تحطين معاه شوي ماي ورد وزعفران وقطعة زبدة ولون الزعفران،
- ترجعين العيش الأبيض في الجدر، وفوقه تحطين العيش الملون، وغسلت حبات الزوريش وحطيتهم فوق العيش، وصكيت العيش بالألمنيوم وخليت تحت القدر النشافة علشان يتسوي العيش على سعته،
- لما تنجبين العيش، أول شي شيلي الأصفر خليه على صوب وانجبي الأبيض وبعدين حطي الأصفر فوقه،
صورة للإغراء،:22:
