((الخلع والخياطه وزراعة الاسنااااااااان )) دكتوووره ممكن شووي ** تم الرد **

[الـريـمـاسـه]

السلام عليكم

دكتوره انا قبل 4 ايام خلعوا لي ضرس لانه كان مكسور نصييين وسولي خياطه وقالي الدكتور بعد 3 اشهر بيسونلي زراعة اسنان وعطوني مضاد ومسكن للالم بس خلصت المسكن بس الالم موجود وااايد بس بغيت اسأل يقولون عشان يلتئم جرح الخياطه(( احط عليه كركم بعد ماسخنه في النار)) هالطريقه صحيحه ولالا واذا المعلومه خاطئه شنو استخدم لاني استخدمت شي نفس الكريم احطه ع اللثه عشان يخفف بس ماخف الالم

وسؤال ثاني يقولون اذا ابي اركب تقويم لازم اشيل كم ضرس انا ابي اسأل يوم هم يبون يشيلون الضرس على اي اساس يشيلونه عشان مكانه غلط ولا بس جي لاني افكر ماسوي زراعه واسوي تقويم بس الدكتور قالي مايصير هاي الضرس مهم مع ان هو ورى من جهة اليسار


وجزاج الله عنا كل خير

 

[د/مها بايعشوت]

وعليكم السلام ورحمة الله وبركاته
وكل عام وأنتي الى طاعة الرحمن أقرب
عزيزتي ريماسه بصراحة تسخين الكركم ووضعه على مكان الجرح أول مره أسمع به
إذا استمر معاكي الألم بشكل ما تتحملينه راجعي دكتورك اللي خلع لك الضرس عشان يفحص المكان إذا كان فيه أي مشكلة

أما عن سؤالك عن التقويم
نحن مش في كل الحالات نشيل اضراس وإنما في حالة كان الفك ضيق وكان فيه تراكم في الاسنان هنا يلجأ الطبيب إلى خلع أضراس لتوفير مساحة كافيه لرصف الأسنان كما ينبغي

والشي الثاني حتى لو طبيب التقويم بغى يخلع لك ما يخلع الطواحن اللي هي أساسية وإنما يخلع من الضواحك لانها أقل فائدة في الفم من الطواحن(الطواحن تستخدم في مضغ الطعام بينما الضواحك لا تستخدم في الطحن بس جماليه بس حتى لو خلعها ما يتغير شكل الوجه لان الشخص عنده 2ضواحك في كل فك من كل جهة فالدكتور لو خلع وحده من كل جهة ما يتشوه المنظر لانه في ثانيات يعوضون الشكل )
عشان كذا التقويم ما يغني عن زراعة الطاحونه اللي خلعتيها

وما تشوفين شر يالغاليه
واي استفسار أنا حاضره

 

[الـريـمـاسـه]

وياج ان شاء الله يادكتوره
وجزج الله كل خير على ردج علينا

انا باذن الله عندي موعد عقب 4 ايام عشان يشيلون الخيط والله يعيناا ان شاء الله

والشر مايجيج
ويعطيج العافيه وماقصرتي

 

[د/مها بايعشوت]

الله يعطيكي العافية