السلام عليكم اختي زوجها شرقي شمالي اخلاقه سيئه وعصبي لابعد الحدود ويتحكم وله علاقات على النت ولهم سنه متزوجين وحامل المهم راحت لاهلي قبل اسبوع وبمكالمة تلفون هزاها وخاصمها وقفل الخط في وجهها طبعا المشكلة تافهه كان واعده ينزلها السوق عندنا زواج ولمن تجهزت ولبست عبايتها سحب عليها ونام ولمن صحي عشره ونص في الليل اتصل يخاصم ويقول انا مو مكلف وقفل مع انه مانزله السوق طول السنه الا مرتين متخلي تمام عن مؤلياته وبكت قمت خليتها تكتب له رساله انها غلطان انهاطلبت منه ينزلها ولا عاد تتصل عليه نهائيا ،وطبعا ما صدق خبر نادق الين امه دقت سالت وعلمتها امي بكل شي يسويه من صياح وبخل حتى في البيت وانه قاسم البيت نصين قسم الرجال ماتقدر تمر من الممر حتى تفتح باب الشقة ممنوع تفتحه طبعا عشان لاتخرج وتسمعه وهو يكلم حتى الغدا رسالة بالجوال ماتدق الباب طبعا بحجة ان عنده ضيوف على طول ، واللاب توب يقول بعد اليوم ماتفتحينه ،وبس قرارات وحرمان طبعا وظيفته كعسكري مساعدته مره يطبق كل شي ، هذا غير انه ماعمره مشاها او طلعها من بيتها لعند اهلي بس ،وهدده ابوه يطلعه من الشقة وياجرها اذا ما اعتذر من زوجته وردها و طبعا اهله خاصموه وبعد ماكلمتهم امي بساعتين اتصل يعتذر منها البارح طبعا وقالت قبلت اعتذارك وراسي يوجعني وبكره اكلمك واليوم كلمته قال باجي آخذك قالت تعال نتفاهم وعني شروط ونحط النقط على الحروف قال لا تعالي البيت ونتفاهم قالت لا قال يعني ماتبغين تجين البيت قالت :انا ماقلت كذه بس نتكلم عند اهلي انا وانت بس ما رضي وقال عندنا بيت نتكلم فيه وزعل ولا مر ،اش رايك ترجع معاه او لا والي سويناه صح والا غلط انا حاسه بالذنب لاني انا اللي حرضتها بس هو تمادى وزودها وكثرت اهاناته ولو رجعت كيف تتصرف وانا كتبت لها شروط وهي مصروف شهري ونزله في الشهر للسوق وما له من اللاب حقها ما يمنعها منه وما يقسم البيت تخرج وتدخل في بيتها على كيفها بدون قيود والضيف يستاذن لمن يخرج وهو يشوف له طريق لانه مو بيت عزابيه هي متاكده انه ماعنده ضيوف ويبان بس عشان لا تدخل عنده ، ما احسها شروط تعجيزيه من ابسط حقوقها انتم معايه ، ابويه ماعلمناه لانه ما يعرف يتصرف وممكن يخربها وما عاد يرجعها قلنا نحاول احنا اول ونشوف بس قولوا لي هل اللي سويته صح