الحمل والشطه

[مراثيف]

عزيزاتي سلام من الله عليكم ورحمته وبركاته انا راح ابدأ في الموضوع على طول وارجوا من لديها خبره تفيديني والله يجزاها كل خير انا حامل في شهرين والحمد لله رب العالمين ادعو الله ان يثبت حملي ويرزقني بالذريه الصالحة ويرزق كل حامل وكل محرومه بالذريه الصالحه اللهم امين,,,
عزيزاتي حبيت اسأل هل الشطه الحاره اذا وضعتها في اكلي وانا حامل هل لها اضرار على الجنين ام لا ارجوا افادتي والله يجزاكم كل خير ,,,,

 

[AMR2]

وعليكم السلام ورحمة الله وبركاتة
انا توقع انة تضر بس كثير اسمع من الحريم يقولون اذا نفسك فية خوذية ولا تكثرين وان شاءالله مايضر وحاولي تخلطية بالاكلة لا تستخدمينة كذا وانا للامانة قلت انا توقع انة تضر

 

[هند بنت عتبة]

شوفي حبيبت يانا توحمت عالفلفل واكله بجنون
فالشهر السابع الدكتورة قالت لي انه البيبي مرارته متفخه فقطعي الفلفل بتاتا وان شاء الله بترجع تخف

فمن يومها قطعته

 

[روح الكويت]

انا حماتي تاكل الفلفل والشطه بطريقه مو طبيعيه

كنت اقولها لاتكثرين بس عادي ماتسمع الكلام

وجابت بنت عاديه ومافيها شي

وحمواتي كلهم اهل فلفل وشطه وعيالهم مافيهم شي

يعني ماتضرج باذن الله

بس لاتكثرينها علشان ماتجيج التهابات او التهاب بالبول تكرمين

شربي ماي وايد

 

[سدرة الشوق]

انا عن نفسي اكل الشطة بجنون في كل مرة احمل وطبعا هذ غصب عني والحمدالله ماجاني شي .
اذ نفسك فيها ان شالله ماتضر

 

[ولا كلمة]

انصح كلي منها بس لا تكثريييييييين لانها حاره والله يتمم لك حملك يارب ...

 

[مراثيف]

amr2 وروح الكويت وهند بنت عتبه وسدر الشوق وولا كلمه لكم كل شكري وتقديري :icon26::icon26::icon26:

 

[راعــيــة كــيف]

يقولون ما تضر بس لها اضرار بعيدة المدى مثل القرحه والقولون ودائما الدكتوره تقول حاولي تنمنعين عن الحوار قد ما تقدرين..
والله اعلم والله يتمم لك..

 

[الشوق وبس]

اعرف وايد حريم ياكلونها في حملهم..وما صار لهم شيء..

بس أنتي لا تكثرين منها وايد..والله يثبت لج حملج..