الحمل بعد تنظيف الرحم؟

[UAE4EVER]

السلام عليكم خواتي
انا صارلي نزيف وأنا في الأسبوع السابع من الحمل ورحت المستشفى وكشفت علي الدكتوره و سوت سونار قالت فيه كيس حمل بس مافيه جنين و الكيس اصغر من 6 اسابيع احتمال صار الحمل متأخر
وبعدين رحت البيت بس زاد النزيف وطاحت مني قطعه كبر كف اليد شوي اكبر في الحمام(الله يعزكم) ولما رحت المستشفى مره ثانيه سوتلي مره ثانيه سونار قالت فيه بقايا و سوولي تنظيف على طول
سؤالي متى يصير الحمل بعد تنظيف الرحم؟ ومتى اقدر امارس الجنس مع زوجي علما ان التنظيف صار من يومين:dunno:

 

[~ ناريز ~]

انا انصحك تنتظرين 4 شهور وبعدها احملي
اما بالنسبه للجماع اتوقع عادي بعد ماتطهرين

 

[السنعه ندى]

هلا والله اختي
انا نفس الشئ اللي صار للك صارلي انا لي اللحين سنه ونص متزوجه
حملت بعد 9 شهور من زواجي وكان مدة الحمل 6 اسابيع ومع المشي بالجامعه بدا يجينا انذارات ورفعت رجليني بس مافي فايده نزززيف وقطع كبيره دم كل مادخلت دورت المياه الله يعزكم ويكرمكم
وجاني ززي الطلووق قالي زووجي طبيعي مع الحمل>>مسوي نفسه طبيب
بعدين ززاد الالم وانا والله صابره صبر مو طبيعي والدم مستمر معي وهو معيي يوديني للمستشفى يووم زززاد العيار رحت وانا خلاص مااقدر امشي ولا اتحرك من التعب سووو لي سونار قالو مافي جنين لاززم نسوي تنظيف وسوو لي وانا اللحين9 شهور ماربي كتب لي بس يمكن لاني استخدمت مووانع بعد التسقيط لان الدكتوره قالت لي لاززم 3 شهور او اكثر مافي حمل

وبالنسبه للجماع مافي جماع ابد خلال اسبوعين من التنظيف واهتمي بنفسك باالاكل واللحم والشوربه والعسل والخضار علشان تقوى ارحامك و تعووضين كل اللي نقصك من دم لانه موو سهل تنظيف الرحم ياخخذ كل دمك اهتمي بنفسك وخليك عند اهلك علشان ترجعين لزووجك وانتي منووره وراده للك صحتك

 

[السنعه ندى]

الجماع انا قالولي لما ينتهي المضااد لانهم يعطوونك مضاد لمدة تقريبا 10 ايام تاخذينه وخطر انه يمارس الجماع ثاني شئ رحمك يكوون رهههيف مايمارس لما تستردين صحتك وتطهرين من الدم تماما

 

[AUDI]

سلامتك حبيبتي .... لازم تعطين نفسك راحه بعد الاجهاض والتنظيف والحمل لا يفضل قبال 3 اشهر , اما الجماع فالافضل بعد 2 او 3 اسابيع على حسب !!!

 

[×ألوان×]

إذا خاطرك في الحمل ترى الحمل بعد التسقيط بسرعة ما شالله الوحدة تحمل

أنا سقطت في الأسبوع 17 وسوولي تنظيف وبعدها بشهر ونص حملت ولله الحمد

 

[عيون حورية]

سلامتك ماتشوفين شر والله يعوضك خيررررررر يارب واختي السنعه ندى ماقصرت معك

 

[نارمين]

سلامتك حبيبتي والحمل على حسب فيه نااس على طول تحمل فيه نااس تتاخر كثير وفيه ناس ثلاثه شهوور اربعه شهورر توكلي على ربي والله يعوضك يارب

 

[UAE4EVER]

مشكورات خواتي كفيتوا و وفيتوا و جعله في ميزان حسناتكم انشاء الله

 

[الشوق وبس]

حبيبتي الجماع بعد ما تطهرين..

أما الحمل يستحسن بعد 3 شهور..عشان الرحم يكون رجع لحجمه الطبيعي..ويكون قوي..وما يتكرر الإجهاض..!!

والله يعوض عليج يا الغالية بالحمل الثابت..

 

[هند بنت عتبة]

البنات ماقصروا

والحمدلله على سلامتج الغالية