الحل هو الطلاق ؟

آ

آلماسهـ

New member
إنضم
2008/07/13
المشاركات
39
آلسلام عليكم و رحمة الله و بركاته

احوالكم اخواتي البلقيسيات ..
بدخل في الموضوع على طوول

كثير منكم قرأ مشاكلي السابقة و نصحني .. و وايد نصايح استفدت منها و طبقتها
بس ما يابت نتيجة مع هالزوج

آخر التطورات أني سافرت اسبوععلاج بالخارج مع امي و ابوي ..
وعدني زوجي انه يدفع تكاليف التذكره و الاقامه و العلاج ولكنه ما دفع فلس واحد ..
و ابوي ما طلب منه شي ابدا ..
و مصروفي بالسفر كان 1000 درهم فقط !!
ما اشتكيت ولا قلت شي ..

قبل ما اسافر حطيت له هديه بسيطه و بطاقه فيها كلام حلو .. و رحت ..
و انا بالطياره وصل لي مسج منه .. و كان جاارح .. بخصوص الهديه و البطاقة .. قال لي اسرفي فلوسج على شي احسن و بدل ما تضيعين وقتك نظفي البيت
مع اني بيتي من انظف ما يكون و بشهادة الجميع الحمد لله

يوم وصلت هناك طرشت له رقمي بالبلد .. ما اتصل ابدا
طلب مني ابوي اتصل له .. اتصلت مرة مرتين ثلاث .. طرشت مسجات .. ما فيه رد
طبعا كله من ورا خاطري .. بس مجبوره عشان خاطر ابوي

و بعدين بطلت قال لي ابوي يكفي .. اذا ما اتصل خلاص بكيفه ..
بعد ثلاث اربعة ايام اتصل .. ما سلم ولا شي .. قعد يصارخ علي و من هالكلام و سكر ..
و باليوم الثاني اتصل يقول اتصلي على امي تبي تكلمك و سكر .. و بعدها بدقايق اتصل يصارخ
نفسيتي تعبت واااايد خاصه اني رايحه علااج ..

يوم رجعت من السفر بعد ساعة اتصل قال يلا انا جاي اخذك للبيت .. قلت له خلني شوي
قال لا .. مشتهي على الآخر .. ( هذا همه و كأني آله للجنس) .. قلت له اوكيه ..
و اخذني و رحت معاه الشقه .. و طبعا حتى ما تحمد لي بالسلامه ولا سألني عن احوالي
و بدون اي مداعبات مارس الجنس و قام على طول راح الحمام ..
بعدين قال لي قومي استحمي و اخذني لبيت اهله و انا ميييته من التعب .. ابي انام صار لي يومين مو نايمة من الرحلة

و بعدها قال بوديج لأهلج شوي بعدين ارجعي نظفي البيت .. انا كنت في قمة التعب الصراحة

المهم هاذي بعض الأحداث عشان تفهمون نفسيتي ..

امس و انا بالجامعه اتصل علي .. ما شليت عرفت يوم يتصل معناته بيصارخ و انا عندي امتحان و نفسيتي اصلا تعبانه
اتصل مرة ثانية .. رديت قام يصارخ ليش ما تردين .. قلت له كنت مشغوله .. قال ليش ما بخرتي كندورتي ( هاذي اول مرة ما ابخرها و السبب انه يقوم من النوم و يطلع كندورته بنفسه .. ما يحب اطلع له انا الكندورة .. و هالمرة ما قام و الباص كان واقف و كنت مستعجله فـ رحت بسرعة ) ..
قلت له ما طلعتها .. قام يصارخ يقول صايره قوية و لسانج طوييل .. و من هالكلام
ما قلت شي ابدا .. قال لو ما طلعتها بخري الكنادير كلها فاهمه ؟
قلت له ان شاء الله ..
عصب زيادة قال وايد صاير لسانج طويل .. بس ما عليه خلني ارجع انا اللي بأدبج .. و سكر بوجهي
بصراحة انهرت .. لأنه الله يشهد اني لا رفعت صوتي ولا قليت أدبي عليه ..
قمت شليت عمري و رحت لبيت اهلي .. و كتبت له مسج يوم بتحترمني تعال خذني من اهلي .. واذا تباني تفاهم مع ابوي والا ما عندي مانع اتطلق منك ..
و انا مو بنتك عشان تأدبني انا متأدبة و لله الحمد .. و قلت له لا تتصل لأني ما برد عليك ..

و رحت لأهلي .. بعدها بساعتين اشوفه ياي عند يدتي و جلس مع امي تكلم لوقت طوييل ..
طبعا هو قدرته على الاقناع قوية .. و انا حذرت امي من قبل
قال لها انا ما باخذها ابدا .. مثل ما يت بروحها ترجع بروحها ..

قالت لي امي هالكلام .. قلت لها ما بروح ابدا .. وين كرامتي اذا رجعت ..
و جدتي معاي تقول لا تروحين ..
اليوم كلمت ابوي بالموضوع .. و قال اقعدي بالبيت .. انا بحل الموضوع كامل ( ابوي بالدوام يرجع نهاية الاسبوع ) ..

الموضوع طبعا مو بس هذا لأنه كم من مرة مد ايده علي و ضربني و شتمني و سفهني و بخيل بشكل مو طبيعي و ما يصلي ولا يخاف الله و مدمن تبغ .. و ما عندي اطفال منه ..

الحين انا مصرة على الطلاق .. انصحوني بنات شو اسوي ؟
خاصة انه صعب اتطلق .. بعائلتي الزانية عقابها ارحم من المطلقة .. بس انا اتخذت قراري و ما بتراجع
بس اخاف يغصبوني ارجع له .. شو اسوي بنات ؟ شورووا علي


بارك الله فيكم
 
افيدووووني بنات
شوروووا علي تراا محتاجة لنصاآيحكم و الله
 
الله يوووفقج حبيبتي بس صراحه ووايد زودهااااااا فيه حدود لكل شي بس توصل للضرب أقولج الأحسن تنفصلين عنه وتمارسين حياتج وصدقيني لو شاريج بيتغير لج ...
 
اختي انا معك وربي انتي لك اهل وماراح تحتاجين له صدقيني يمكن تعتب نفسيتك شوي بس والله الطللالالالالالالالالالالالالاق انسب حل لمشلكتك عسى ربي يكتب لك الخير وين مارحتي انصحك بطلالالاق
 
اختي وين ابوج من هذا كله ووين امج يعني هي بتصدق ريلج اللي ماخذنج من كم يوم حتى لو سنه وما بتصدق بنتها اللي هي مربيتنها .... ربي يعيينج ويوفقك ان شاء الله ... وربي يفك ضيقك
 
استني ابوك

وشوفي ايش يطلع منه

والضرب عمرك لا تسمحين له يمد يده عليك

حاولي تنزلينها بثقه وانتي تطالعين في عينه ونظرتك انك

محتقرته وبنفس الوقت مستصغرته

عمرك عمرك عمرك ما تخلينه يضربك وانتي ساكته او وانتي تبكين او حتى مسالمه

والتلفون لا عصب عليك فيه اسكتي ...لا تتكلمين..ولما تحسينه يبيك انتي تتكلمين قولي خلصت؟؟؟

اوكي اللي تبيه يصير ولكن ....انتبهي ..خليه يحس انك تتكلمين بس تسكتينه مو انك صادقه وانك خفتي منه

وقفلي السماعه بحجه انك مشغوله

والجنس ترى ربنا يقول " وقدموا لانفسكم "

مو كل هالتفاهات وانتي مسافره وبعدين يقول لك

مشتهيك وتجينه ؟؟؟

احسه متسلط عليك واجد واتوقع انه شايف فيك نقطه

ضعف ومستغلها على الاخر ..شوفي ايش هي وحاولي

تقوينها

والله يوفقك يارب
 
عوده

ولما يقول لك صاير لسانك طويل قولي ارد عليك بمثل

طريقتك ..."فعليا مو شرط تردين عليه بمثل طريقته ولكن قولي كذا"...

ولا تجلسين تبررين ....شكله من النوع اللي ما يحب التبرير ...
 
نصيحتي اتركيه وقولي قدر الله وماشاء فعل :)

والله ثم والله ناا مجربه الطلاق انه ارحم بكثييييييييييييييير من زوج مثل كذا

نصيحه هالرجال مافيه فايده - هذي اولها ولو رديتي معاها كرامتك وين - وبعدين اذا جاك اطفال شو بيقولك؟ شو بيسوي فيك؟؟

هذي نصيحتي وبس

وقولي قدر الله وماشاء فعل وربي يكتب لك الخير
 
الحمد لله ما عندك أطفال وأنا موضوعك أفكر في الأطفال لكن فيها خير الطلاق أفضل جهنم اللي كنت فيها زوجك لا دين لاحب لا احترام

قرارك صائب لا ترجعي له هذا شخص متسلط ومتخلف
 
شوفي أحسن شي سويتيه إنج رحتي بيت أهلج خليه ينقلع مالت عليه على شو شايف نفسه عزيزتي يا يكون لج شخصيه قويه عليه لنه شكله متسلط يا تتركيه ولا تسوين لأحد سالفة لأن هذي حياتج إنت تحترقين معاه ولا حد حاس فيج عطيه العين الحمراء وخليه غصبن عنه يحترمج ولا تسويله سالفه اللي مثله حرام العيشه وياه ولا تخليه يفكر يمد إيده عليج وقوليله بتنكسر هذي الايد مره ثانيه لو رفعتها علي ...... والحمد لله ما عندج شي تخسريه ( عيال )
 
شو يعنى الزانية عندكم ارحم من المطلقة شو هالحكى الفاضى الزانيه عاملة مصيبة بس يلى مو مبسوطة عند زوجها وتطلقت هاد شرع الله اطلبى الطلاق بسرعة بما انه لااولاد لديكى وعلله اكتر من محاسنه ويلى ماعجبه من العائلة الكريمة انشالله عمره مايعجبه لانها حياتك وانتى يلى عم تتبهدلى وتتعزبى وماحدا حاسس فيكى
 
فكي عمرك.
فراقة غنيمة
واحمد ربك ابوك وامك وجدتي في صفك
و احمد الله ماجبتي منه عيال تبتلشين
..
الله يوفقك ويعوضك احسن منه .من زينه يعاملك خادمة . الله ينصرك عليه..
قهرني من جد
 
تسلموووون لي حبيبااتي .. و الله كنت خايفة و احسب نفسي غلطاانه

ابوي كلمته عن الموضوع اليوم .. قال ما فيه روحه لبيتج لين انا ارجع ..
و بتفاهم معاه .. و ما يهمني عادي اطلقج منه و اخليه واقف ولا ينطق بحرف ..

الحمد لله .. قبل شوي مكلمني ابوي و اخذ يهديني يقول لا تخافين .. و لا تحزنين
و انا باذن الله بحل لج مشكلتج ..

الحمد لله على نعمه .. تسلمون حبيبااتي ما قصرتواا
 
طالما ما عندك اطفال مافي سبب يخليك تتنازلين عن كرامتك

الاحترام عمود مهم من اعمدة الحياة الزوجية واذا ما يحترمك معناها البيت مهزوز وحياتك كلها رح تكون نكد في نكد

اش تبين في انسان ما يحس فيك وانت مريضة

انسانة تعبانة بدال ما يتصل يسألها عن احوالها يتصل يصارخ عليها

وبدل ما يوفر لها الراحة بالبيت يقول لها روحي نظفي

حتى فلوس ما اعطاك في سفرك وعلاجك

اش تبين فيه ؟؟؟

والله ثم والله ما يستاهل ابداااا تفكرين مجرد تفكير اجلس معاه والا لا

خليك مصرة عالطلاق ولا تتوقعي انه رح يتغير هذا انسان مريض فاهم القوامة غلط وفاهم ان الزوجة مجرد خدامة عند زوجها مالها حق حتى تقول لا او تعترض

استغفر الله يارب رفع ضغطي

اصري على الطلاق والله انه ارحم من الاهانة ,, والله يعوضك خير منه ان شاء الله ​
 
ما دام اهلج معاج لا اتخافين والله بيكتبلج اللي فيه الخير والحمد لله ما جبتي منه اطفال ما في شي تتحسفين عليه اطلقي وانتي مطمنه
وعاد خله ياخذ اللي تتسلط عليه واتخليه يعض اصابعه ندم
​
 
الله يعينك حبيبتي والله الطلاق ارحم من العيشة مع ذا
اسمحي لي انتي اللي جرأتيه عليك المفرووووووووض من البداية ماخليتيه يمد يده عليك خليك قوية شكله متسلط
استخيري والله يكتب لك اللي فيه الخير........
بالتوفيق عسوله.....
 
البنات ماقصروا ورجال مايصلي ولا يعرف الله ومدمن وش تترجين من وراه والحمدلله انك على البر ماعندك اطفال يربطونك انفصلي عنه وعيشي حياتك من جديد والله يعوضك باللي أحسن منه يارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل