الحل مع خيانات "بدون سبب" .. !!

ح

حــــــور

New member
إنضم
2008/11/02
المشاركات
8
السلام عليكم ورحمة الله

انا متزوجه وأم لـ 3 اطفال والحمدلله زوجي دائما مايصفني بالكامله
وانا بفضل ربي إمرأه متدينه احفظ حقوق الله واخافه في كل أمـوري
وهبي الله بمنه وكرمه الكثير من الجمال والحكمه والمزايا الكثيره

لكن اطيـل عليكم عزيزاتي ..
مضى على زواجي 8 سنوات وابتدأت مشكلة الخيانه من سنه تقريبـآ
مع العلم ان زوجي متدين وغير مقصر مع اطفاله وتعامله وان كان
رسمي وحازم بعض الشيء لكنه يبقى في حدود مايرضي الله ..

قبل سنه ..
كنا غير مستقرين ونتنقل بين المدن بسبب الإنتدابات
وفجأه نزل تعيين زوجي رسمي بمنطقتنا فرحنـا كثير
لكنها كانت مفاجأه لم نستعد لها بالسكن ولا المال ..

نزلنا منطقتنا وجلست عند اهلي وهو عند اهله قرابة الشهرين
وكان بهالفتره يبحث عن منزل وكان منزل اهله مكتظ بأخوانه
لا استطيع المبيت معه فيه فـ أكتفي بالزيارات لوالدته

فـ اضطريت اني اجلس طوال هالشهرين عند اهلي وهو بعيد عني
كان يريبني جفافه لي
لايتصل
ولا اهتم اطلاقا ..
الا اذا اتصلت انا عليه ولايقبل بإتصالي الا في حال وجود ضروره او طلبات .. !!

المهم بعد الشهرين رحنا لشقـه مفروشه
والرجال ماكان ع طبيعته ابــد ..
ماهو هذا زوجي ... !!

اول يوم .. ثاني يوم .. اسبوع
الرجال استمر مهملني ودايم مقابل النت ولا الجوال ..

انا غشيمه بالنت ماكان لي فيه خبره ذاك الزود
لكن ب مره كان نايم واطفالي نايمين ..
فتحت الاب توب وانا افتح فيه شي افهمه وشي عشوائي
ودخلت ع بريد رسايله ..
الإيميـل .. !
وشفت له صفحه بالفيس بوك
كلها بنات هوى وبنات XXXX .. !!

وفتحت البريد واشوف رسايلهم لـ بعض ..
كلام حب .. و سكسي .. ومواعيد .. وسواليف طويله !!

ارتعش جسمي
وبردت اطرافي
صرت ارتجف ما اقدر اوقف على حيلي

رحت اكل لي شي لإني حسيت بهبوط شنييييييع
حاولت اتمالك نفسي وانام ..
بس المصيبه عظيييييييييييييمه
واقوى من اني اتحملها يا ناس

كلمت امي الله يحفظها وشرحت لها كل شي وانا فيني الغصصـه
ذكرتني بالله وشجعتني اصارحه وبعنف !

لما صحى شافني متغيره عليه استغرب مني
واخر الليل .. جاني وسألني .. وش فيك ؟

انفجرت فيه ..
قلت له شفت لك بلاوي تفششل
الفاظ بذيئه مع سافلات ..
وانا الي كنت اظنك اخر انسان بالعالم ممكن تسويها ؟
ليييييش انا وش قاصرني ..
وانت تدري اني اخترتك انت بين خطاطيب كثار ..
واقتنعت فيك من بينهم وكنت انت اختياري
الحين حسسيت انك مب مقتنع ؟

انكر وتلعثم ..
ووريته الي ششفته

سكت ثم بكى .. وتأسف
جلس يومين يحلف ويعتذر
وهدايا ورضاوي
وقال انها مجرد نــزوه

سكت .. مو لإني صدقته بس لإني قبل كل شي " أم "


مــرت الإيام ..
واستقرينا في بيت واحد الحمدلله

وهو له عاده انه يطلع يوميا ساعتين من بعد المغرب
يسوي رياضه ع قولته ويروح لإمه ..
وكل مايطلع الجوال لازم يكون فــل بطاريه ويرجع والجوال طافي !!!
* شاحن سيارته خربـــان .. عشان كذا يشحنه من البيت

امسس صادفته لما دخل البيت خبى جهاز جواله في درج بالمدخل
وثم دخل بدون لايعرف اني شفتـه ..
ولما يجي يطلع ياخذ هالجوال ويمشي .. !

ايقنت انه لازال .. :(
لكن تمنيته هالمره يكذب علي بعد
ما اعرف ليش ماابيه يعترف لي بخيانته .. يمكن لإني يآئسسه معاه

سألته بخووف : انت لما تدخل تسكر الغاز ؟
ارتكب وناظرني وقال : لا ليش
قلت له : اشوفك كل ماتدخل تسوي شي بدرج المدخل .. شكله الغاز صــح : (
قال : لا يتهيألك !

دمعت بدون لا اتمالك نفسي .. وبكيت
قلت له اجل وديني طبيبه نفسسيه دامك شايفني موسوسه
خليها تعطيني حبوب مهــدئه ..
انا انسسى العالم .. وانت تلقى لك عـذر تخونني فيه مرتاح الضمير

حلف واقسم انه مايحط شي ..
وان ماعنده غير جوالين .. واحد فتحه لي والثاني مقفول

ماطلبته يفتحه .. رغم اني شاكه الا مايكون فيه ادله
لكنــي آثـرت تصديقـه .. ومجبـر اخاك لابطـــل



وشلون اتصرف معاه ؟ مع العلم ..

- بشهادته وشهادة الناسس كلها انا جميله جدا وماينقصني شي الا واكمله بسرعه .
- شايلته على كفوف الراحه وطلباته اوامر .
- مو مقصـره معاه بإي شي يطلبه وهو يشهدلي اني كامله .
- المشكله مابدت الا هالسنه وخايفه ماتعدي !

ساعدوني يالحبيبات .. وشلون ارد زوجي لي
انا تعبت واحس اني بديت اخسسره وبيطير زوجي من يديني : (
 
الله يعينك المشكله اغلبنا مر عليه نفس اللي تمرين فيه نصيحتي الجأي للاستغفار والدعاء
والتطنيش
 
مدري وش اقولك بس فيه ازواج لو طنشتيه ما يهتم يركب راسه ويعاند اكثر انا من راي كل ما تشكي بشي اتكلميه فيه واذا ما اتراجع عن خيانته خيريه بينك وبين بنات الهوى وخلك شديده معه ولا تبيني له ضعفك وانك مجروحه وانك ما تقدري تعيشي من دونه لا حبيبتي خليك قدها وقدود
والله يسخر لك زوجك ويرده ردا جميلا باذن الله
ولا تنسي الدعاء والاستغفار
 
الله يعينج على ما ابتلاج ... بس نصيحة من أخت لأختها ... كوني حذرة بتصرفاتج وراقبيه من غير ما تحسسينه خليه متطمن من ناحيتج واجمعي الأدله وبعد ما تطيحين على العلة وتعرفين مين يكلم وتعرفين الرقم العبي لعبتج وكلميها من جوال ثاني غير جوالج ولا تعرفينها مين انت .ومن غير ما يعرف أبو العيال أي شي ، وبهذه الفترة حاولي تسترجعينه بمحبتج واخلاقج ودلعج ودينج .. ولا تنسين الدعاء ثم الدعاء فالدعاء .. فالله سبحانه وتعالى هو ملجأنا في جميع الأمور ..
صدقيني راح يفوق لنفسه ويندم ويترك نزواته ويرجع لج ... بس ارجع اذكرج لا تجيبين له سيرة أبد على اللي سواه ولا تقللين من شأنه خلاص عيشي حياتج ولا كأن شي صار ... لأن الرجال ما يحبون أحد ينقص من قيمتهم .. والله يوفقج ويسعدج دنيا وآخرة .... وحسبي الله ونعم الوكيل على كل وحدة تخرب على بيت ،وما تخاف الله ..

أحبكم في الله ،،،،
 
الله يسخر لك زوجك يارب ويرده لك رداً جميلا ..
 
.


انا ماادري وش سالفة الخياانه عندهم ؟؟
فعلاا انها مرض العصر فاذا كان الايدز يفتك بالنااس ولا له حل فإن الخياانه هي
ايدز هذاا الزمااان

ياااارب لطفك ورحمتك
هذه وهو ملتزم ودين وربي معطيه من الخير مايرضيه اجل وش نشرهه
علىا الرجاال العااديين

فعلاا دنيىا تخوووف ...!!!

الله يرده لك رداا جميلا

.



.​
 
حبيبتي الله يكون في عونك ويرد لك زوجك رداً جميلاً عليك بالدعاء والإستغفار فإنه أقوى سلاح أنا نفس قصتك بالضبط لا وبعد زوجي ملتزم كثير ويعرف كبار المشايخ والعلماء وتسألينه أي سؤال في الدين يجاوبك عليه بس شوفي شو طلع منه أنا لما عرفت دارت بي الدنيا وإلى الأن مستمر ويبى يتزوجها حسبي الله لا إله إلا هو عليه توكلت وهو رب العرش العظيم .
 
ياحبيبتي الرجال مايخون لان زوجته فيها نقص لا
هذا مرض فيهم الله يشفيهم
وماعليك الا الاستغفار والدعاء
 
والله ياعينى الخيانة بتمشى فى الرجل مجرى الدم ولو صار عمره 90 سنة واتطاع التغيير والانبساط مع غير مرته مابيقصر انتى اعملى واجباتك على اتم وجه ودائما كونى بيرفكت معه وخلى الباقى على ربك بس لاتنسى ان لاتتجسسى على موبايله وعلى طلعاته لانو مابيجيكى غير وجع الراس
 
الله يعينك حبيبتي بس استغفري واطلبي رب العالمين يهديلك زوجك بس إني حاولي معاه لاتيأسي من أول موقف و زوجك شكله يجي منه عشان اعتذرلك وبكالك خليك وراه بس بدون ماتخنقيه لحد مايبطل هو بنفسه ولاتشدي معاه كثير شويه كدا وشويه كدا غيري في نفسك كل فتره الهي عنهم انا ماادري ايش قصة الخيانات دي معاهم الله يهديهم والله انا سويت كل اللي تتوقعيه مع زوجي واكثر الين مامليت وسبته ومشيت وهو الين بيعض الارض ندم بس انتي اصبري عليه ولاتتهورييييييييييييييييي والله يهديلك زوجك ويجبر قلبك ويصبرك
 
استودعيه الله كل يوم
استودعي قلبه وبصره وعقله
قولي اللهم اني استودعتك قلب زوجي وبصره ولسانه وفرجه
فاحفضه لي يامن لا تضيع ودائعه

وادعي مايكون في قلبو غيرك ولا يرتبط بامرأه غيرك

وانا من رائي استودعيه الله واتركيه لا تفتشي وراه لانو تعب اعصاااب
وممكن مايكون يكلم وحده فقط بتتعبي روحك على الفاضي يمكن هيك مجموعه او كذا بنت
وبيصير تكرهيه لو تاب ورجعلك
عشام كده احسن لا تفتشيه ورااه
ومو عشان انتي مقصره ياعمري بس الرجال هيك ينفتنو ويحبو التغيير غصب عنهم ياقلبي
يحبو التنويع في الحريم زي مايحبو التنويع بالاكل
كلها شهوتين مايقدرو يتحكمو فيها شهوة الفرج والبطن
بس اكيد انها فترة وبتعدي

والله يصبر قلبي ياعمري
 
لاحول ولا قوة الا بالله الله يهديهم .. قسم بالله الخاين مب رجال ولا يستاهل دمعه عشانه
الله يكون بعونك وبعون امثالك حبيبتي
 
اااااااااااه انا نفس حالتك بس الفرق صار لنا 7 شهور متزوجين ومن اول اسبوعين اكتشفت خيانته
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل