الحقيقة تتلخص في جزئين

[راجيه الرضا]

في العلاقات الطرف اللي بيشتكي احيانا بيكون دايما هو الشخص اللي بيدي ومضحي في العلاقة
ممكن يقولك سلسة كبيرة اوي من التضحيات اللي تخليك تحس ان الطرف التاني ده شخص جاحد مش بيحس بكل الجمال والعطاء ده

بس الحقيقة بتتلخص في جزئين?
الأول ان وارد يكون بيدي فعلا ومضحي بس بينفق في حتة مش محتاجها الطرف التاني
تاعب نفسه مثلا انه يقدم احسن ما عنده رغم اللي قدامه مش محتاج كل ده احتياجاته تنصب في حتى تانية خالص

الحل : اسأل اللي قدامك ايه محتاجه او راقب ايه بيرضيه مش شرط اللي بتقدمه يكون بيشبع حاجة جواه

الثاني انك عايش بمبدأ شمعة تحترق من اجل الاخرين
وغالبا اللي بيحترق عشان حد مش هيتشاف لان حوليه دايما رماد ودخان حاجبين رؤية الناس له بوضوح

كل مرة بتنفق وبتخلص في عطائك لحد من غير ما تشوف نفسك كريم مع الناس ومش كريم مع نفسك
بتسأل في الناس ومش بتسأل في نفسك هترجع بحزن ومحدش هيقدر
اللي مستني تقدير ما بيتقدرش لانه بيعملها وكأنها فرض عليه مش فضل منه ف ازاي احساسه ده مش هيوصل للي قدامه
الحل
(عيش بمبدأ انا أضيء لكي أضيء للاخرين)
ادي لنفسي حقها وحاضر نبقى نشوف الآخريين

#مايسة_كمال
#محو_الأمية_الزوجية_مايسة_كمال