الحقو علي بموت من كثر مابكيت

[يارب اهدى زوجي]

السلام عليكم تكفون ساعدوني انا زواجي الشهر الجاي ويكلمني ابو الشباب كانت امورنا تمام التمام كان ميت عندي وفجائه بدون سابق انذار طنشني ولا يدق بس يوم طنشت صرت حتى انا مادق سار وين وين يدق ماعاد اسمع كلمه حلوه واذا عاتبته يقول كيف ادلعك واهتم فيكي بالجوال اللي شاغلني ليه اول يهتم والحين لا ليه اول يدلع والحين كاني واحد من الشباب ولايسولف وانا والله ماامدح نفسي مدلعته دلع والحين وقفت اعامله زي ميعاملني ياناس ماينفع معاه تطنيش لي مده لاارسل ولا ادق رغم كل هذا مااذكر اني زعلتهواذا انا زعلت يدري اني زعلانه ولايفكر يقول وش فيك قمت اشك فيه رغم انه مو حق بنات نهائي والله حطمني تحطيم حتى الكلمه الحلوه يوم تطلع مني ماتطلع من قلب :sad_1:صرت احس انه وقححححححححح اقول ياليت ترجع الايام واغير راي فيه واقول مابي اتزوجه تخيلت حياتي معاه نكد في نكد تككككككككككككفون شورو علي

 

[رجة بس برزه]

أكثري من الاستغفار وأرقي حالك وأقربي من ربك في سجودك يمكن عين لا سمح الله والرجال يحب الثقل والله يسخركم لبعض ومبروك عليك يا عروسه

 

[حناني متعبني]

ياقلبي لا تخلين الشيطان يدخل بينكم

ولا تحطين الشك في راسك

التمسي لة الاعذار يمكن يكون مشغووول بتجهيز البيت وغيرة

ولا تخلين ثغرة واحدة للشيطان

عوذي من ابليس واستهدئ بالله

وخليك عاااااااادية جدااااا

مثل اول لا تقولين اعاملة بالمثل

والله هذا رائي مدري عن الاخوات ان شاء الله يقدرون يفيدونك

ولا تنسوني من دعاااااااوتكم وربي محتاجتها

 

[كفاني وحسبي]

صلي على النبي
انشاء الله تتحسن الاوضاع وربنا يهدي سرك ويسخره لك
اعصابك متوترة شوية
استغفري الله وتوضى وصلى ركعتين لله
الله يسهل ارك ويوفقك دنيا واخرة

 

[loOoOove me]

حبيبتي اغتنمي الفرصه وخليكم تشتاقون لبعض اكثثثر واثقلي عليه واذا دق كلميه عاااادي وحسسيه انك مشغولة حتى انتي وانك ماهتميتي للامر عشان لايقول هذي لزقه من اللحين
بين فترة وفترة ارسلي له رساااله حلوة وبس
وخليك غااااامضة كل ماكنتي غااامضه صدقيني راح يشتااااقلك اكثر
والله يوفقك ياعروسسسسسسسسسه

 

[lmis]

الله يسخرلك لاتستعجلين عليه اصبري ودعي يمكن مدحتيه عند احد وما ذكروا الله عليه

 

[تووتي فروتي]

ايه عادي بس لاتكثرين المكالمات المفروض من اول تكونين ثقيله بعدين لافرب الزواج تخفين الثقل شويه يصير يشتاق من حاله بس انت اللحين مافي انك تخففين الاتصالات وتخليك عادي انه ما يهمك وانك ادلعينه المفروض بعد الزواج مو قبله لانه بيصير عنده عادي خليك انت دلوعه وبس اما دلعه لا تستعجلين عليه
ترى زي مااحنا نخاف من الزواج كل ماقرب ونتوتر حتى هم تلاقيه متوتر وتعود عليك والله يجعل ايامكم سعادة في سعاده وماتشوفين الا ايام حلوه
سوري اني طولت عليك لكن عن تجربه والله