الحقوني يامحبات الخير

[بنت سعود]

:4:مساء الحب لك المتزوجات

انا بدخل با الموضوع على طول ماراح اطول

انا مشكلتي انا متهاوشه مع زوجي الحين بنكمل الشهر طبعن كلانا يتقاسم الخطاء ومن يوم ماحطني عند اخوي ماتصل ولاسال عني ولا عن عياله

مشكلته انه مكابر وعلمنى هذا الطبع مايعتذر مهما صار يعني حتى لو وصلت للطلاق
انا معندي مشكله اني ابادر با الاتصال لاكن المشكله انه قلي انا ماابغاك وطردني من البيت وجهزلي الشنط وداني بيت اخوي بس في الحقيقه انه مازال يبغانى لاكن في نظره انه يبغى يادبني لان هذا اسلوبه


عشان كذا مااقدر اسوي شى عشان نرجع لبعض لان كرامتى بتنداس ويعايرني ولاتقولون ان مابين الرجال وزوجته كرامه الا في مواضع زي هذي تطلب كرامه عشان هو سوها ورجعتلوه وعايرنى وانا ابوصله ان مايهمني عشان كل خلاف بينه وبينى يطردني من البت عشان عارف ان الوحده ماتقدر تعيش في بيت اخوها وماتستحملها زوجته وانا بلفعل اعانى بعض الشى من هذا الموضوع لاني يتيمة الام والاب


فماذا افعل الله يجزاكم الجنه فرجواكربتي الله يفرج كربتكم دنيا واخره انا انتظر:35:

 

[غربة احساس]

ياربي الجئي لرب العباد احسن من الخلق واكثري من الاستغفار وربي انه مفعوله اقوى من السحر وربي يسخر لك عباده
ياختي انتي غلطي قبل اكيد بينتي له انك ماترتاحين عند اخوك
انا ادري معك حق بس بعض الرجال مايصلح ينقال لهم كذا لانه بيستقوي على الوحده وبيعرف مهما سويت مالها غيري
الحين تحملي هالوضع شوي لانك لو بترجعين بيتكرر منه الموقف اكثر من مره

 

[خفايا الروح)]

الله يفرج عليك حتى انا فينا هالطبع احب اكابر ادعي اهوالقادر على كل شي صلي صلاة الليل وادعي

 

[غربة احساس]

خلي اخوك يدخل وشهالاسلوب مو رجال الي يستقوي على مرة ويطردها من بيته مهما وصلت
وابسالك كيف علاقتك مع زوجه اخوك

 

[سمو الاميره وبس]

بدعيلك البنات وفو وكفو

 

[غربة احساس]

ضبطي وضعك مع زوجه اخوك هذي الفترة اكسبيها ساعديها بكل شي في البيت عشان ماتستثقل وجودك
واذا البيت كبير ولك غرفه اجلسي اغلب الوقت فيها علشان ماتحس انك مضايقتها ضروري تضبطين وضعك من هالناحيه
لين تعدي هذي المشكله على خير
واول ماترجعين بيت زوجك باذن الله معززة مكرمه مجبورة الخاطر يارب وضحي له كيف انبسطي في بيت اخوك وانك ارتحتي كنه بيتك
علشان يعرف انه مو بس هو الي مريحك
ونصيييييييييييييييييحه
اختي حاولي تستقلين ماديا او دوري لك شغله اذا عندك شهاده
المال قوة والوظيفه سند
في هالزمن محد دايم لاحد
والاستغفاااااااااااااااااااااااااااااااار الاستغفار الله يرزقك كل خير
اختك غربة احساس

 

[طفولة بريئه]

الله يفرج لك
اولا زوجك ماله حق ابدا يطردك من البيت
قوليه انت ماتبيني لاعاد تجي (المستاذي يرحل الباب يوسع جمل
اما انك تتطلعين من البيت لا هو اللي يطلع
هو يوديك لبيت اخوك عارف نقطة ضعفك
انا من رايي ان ترجعين للبيت وقليله ماتبيني انت الي رح والا انك استأجر لي بيت انا والعيال
وكذا حطيته بمشكله اكبر
فبيضطر انه يسكت

وبالتوفيق

 

[تلميذة ناعمة]

هذا مو رجل كيف يطردك من بيتك أختي أثقلي ولاتضعفي وتتصلي عليه
نجوم السماء أقرب له الحقير عارف انه مالك أحد ويخليك عند أخوك أحس دمي ثار
ربي يرجعك بيتك معززة مكرمة قبل العيد يارب
طمنينا عليك

 

[أجامل بإبتسامة]

الله يفرجها عليك حبيبتي
طيب ايش موقف أخوك ؟؟؟
الله يقدرني أساعدك

 

[يالوردي]

حطي عيالك عنده وخليهم يصايحون عليه نبغى امناوخليه يتورط فيهم عشان يحس بقيمتك ومحد يتحملهم غير امهم رجال مايجون الا بالخطط

 

[شمعه أمل]

انتي طنشيه واتحملي هاالايام لكن كلمي ربك ادعيه هو اللي يقدر عليه ادعي انه يلين قلبه لك والله ليجيكي طااااير لكن لاتياسي الحي على الله بالدعا وخلي عندك ثقه بربك الله معك

 

[نضوج أنثى]

عزيزتي زوجك لما يطرك لاتطلعين قولي له إنت اطلع هذا بيتي وبيت عيالي ابدا لاتطلعين مرره غلط طلعة الزوجه من بيتها وشي طبيعي زوجة اخوك ماتتحملك مع عيالك يعني هو مرتاح لا عيال ولا مسؤوليه اقل شي كان خليتي العيال عنده خليه يتحمل نتيجة تصرفه انتبهي تطلعين من بيتك مره ثانيه حتى لو طردك الحين استغفري وادعي وبإذن الله يجيك ندمان بس خلي اخوك يتفاهم معاه إذا طول الموضوع لا قدر الله والله يفرج همك يارب

 

[دانة الشام]

الزمي الاستغفار في هذا الشهر الفضيل.. وقيام الليل أيضا .. المشكلة إن طالت المدة تعقد الموضوع أكثر... فالبعد جفاء والبعيد عن العين بعيد عن القلب.. حاولي أن تتصلي به قولي له السلام عليكم أبو فلان.. أي اسمعيه صوتك.. ثم قولي له أولادك يريدون التكلم معك.. لربما يحن قلبه إن سمع صوتك وصوت أولاده..إن طالت المدة أكثر من ذلك لابد من تدخل أحد الاطراف لينهي الخلاف .. كي لايتعود أن يرمي المسؤولية عن عاتقه عند أي مشكلة بينكما.. ربي يكون معك ويختار لك الخير.

 

[بنت سعود]

الله يجزكم خير والله انكم رفعتوا معنويات الله يسترها معاكم مافضفضت الاهناء ويوم رديتوا حسيت باالارتياح بس انا والله اشتغل مع مرة لدرجة كانى انا صاحبة البيت وهي الظيفه والله انه تعودت اذا كنت طفشانه اوتعبانه ومااشتغلت تقلب وجهها فيني ولاتجلس معايا وانا من النوع الحساسه الا اتضايق علطول اقوم اشتغل غير مشاكل عيالي مع عيالها ادعوا اني ارجع لبيتي ويسخرلي زوجي

 

[تويتا@]

ياويلي معقوله لهذي الدرجة المتزوجات متبهذلات كل ماقريت مشكلة وحده أقوى من مشكلة الثانية
ماكنت متوقعة ان مشاكل الزواج كثيرة وصعبة والله بطني قام يوجعني عليكم
شكلي ببطل أتزوج

 

[انا رائعه]

اسمعي مني ياعمري
زوجك عرف نقطة ضعفك
تبغينه يتوب من الحركه مستقبلا ؟!
اسمعي كلام اختنا يالوردي وقولي لاخوك يودي عياله عنده و ارسلي له مسج قولي الناس ما راح يستحملون عيالك خلهم عندك

معليه اختي قسي قلبك شويه ..... لازم يعرف المره الجايه اذا بيرميك ببيت اخوك يرميك لوحدك وعياله يظلون عنده ساعتها بيفكر مليون مره قبل ما يكررها