الحقوني ما أدري شلون أتصرف؟

[حنين القلب]

أهلين يا بنات الحقوني الدورة اتأخرت علي خمس أيام وسويت تحليل منزلي وطلعت حامل أنا ما أبي أحمل الحين لأني عندي 3 أطفال وكلهم صغار وبنتي الأخيرة عمرها تسع شهور والي فوقها سنتين ونص وولدي الكبير عمره خمس سنوات وأنا بدون شي عايشة في عذاب يدوب متحملة ما عندي أحد يساعدني لأني في منطقة بعيدة عن أهلي وزوجي مو راضي يجيب لي خدامة والله خايفة من شماتت الناس وكلامهم الي مايرحم والله اتمنى أنو حمل كاذب وخايفة أروح المستوصف أحلل ما أدري شنو أسوي

 

[حنين القلب]

وينكككككككككم يابنات ولا وحدة ردت شكلي بروح للدكتورة اليوم وأمري لله دعواتكم

 

[911]

يحبيبتي
انتي الحين واقعة تحت ضغوط تخليج تفكرين ي

 

[911]

آسفة مادري شنو صار وانحط الرد مو كامل
المهم انتي الحين واقعة تحت ضغط كبير يخليج تفكرين جذي
شنو شماتتة الناس ؟ هذي نعمة من رب العالمين استغفري الله ولا تحاولين تسوين شي تتعاقبين عليه منقول او عمل
اختي آنه مريت بنفس ضروفج مغتربة واطفال ورا بعض وزوج ما يساعد ولا يبي خدم
لكن الحين الحمد لله كبروا ولما اشوفهم انسى الي كان
الله يساعدج ويساعد كل منهي بمثل ضروفج وما لنا انقول الا لا حول ولا قوة الا بالله
مافي شي ثاني اوكي ؟
يالله ابيج تتوجهين للخالق وتسألينه العون وانه يصلح ما في بطنج وانج تتقبلين هالروح الي تدب في احشائج ولا تفكرين انه زيادة هم حتى ما يصير طفل عنيد مشاكس وعدواني وساعتها تعرفين الشقا على اصوله
الله يوفقج حبيبتي ونسمع عنج الاخبار الحلوة
ونصيحة اخيره التفاؤل ثم التفاؤل ثم التفاؤل

 

[ملكة الاميرات]

الله يعينك ياعمري وعادي خلي روحك رياضيه وهذا امر الله وصار احمدي ربك واتكلي عليه وفوضي امرك الى الله وبس والحمدلله قدرالله وماشاء فعل وفكري دئماً في انها نعمه غيرك يتمنها لا ينزل عليك غضب من الله وتندمين

 

[حنين القلب]

مشكورين يا 911وملكة الأميرات معاكم حق والله وأنا راضية وقانعه بس طبيعي أني أخاف والله كنت بموت من النزيف الي حصل لي في ولادة بنتي وحملي حيل صعب ولا تلوموني أذا خفت من الناس والله وحدة من أقاربنا قالتلي في وجهي لما جبت بنتي أنتي غبية ما تعرفين تمنعين عدل والناس وين ماروح يقولون عني مسكينه وينظرون لي نظرة شفقة مع أني على طول كنت مميزة بشخصيتي وكملت دراستي الجامعية وانا بين حمل وولادة وانا توني صغيرة عمري 22 سنه بس واحس اعيالي كبروني . الله يعين

 

[دانة القصيم]

شوفي ياقلبي

مالك الا المكتوب

ومن راقب الناس مات همــــــــــاً

واذا الله كتب لك الحمل احمدي ربك واشكريه وماعليك من احد

 

[دنيتي كلهاm]

احمدي ربك على النعمه ترى النعمه زواله

يكفي بس اذا قالو لك كلمه (ما ما )غيرك يتمنى يسمعها

 

[الشوق وبس]

بالعكس يا اختي..احمدي ربج على هالنعمة..ويا رب يكون اللي في بطنج من الذرية الصالحة اللي تفرح قلبج..

 

[بحر الورد]

الحمدلله يااختي وحده اعرفها حملت زيك كرهت حملها وبعد 8 اشهر اتوفى يا اختي احمدي الله على النعمه اما الناس قولي حملت باالغلط وربي كتب ولا تروحي للناس با الاشهر الاولى وفقكي الله