الحقوني.. أبوي مشكلتي

[perfume]

مساء النور...
أول شي حبيت أقول لكم اني انا وحدة عزابية >> مب متزوجة
ولا أفكر بالزواج حاليا لأني لازلت أدرس وباجي لي سنه وحدة ان شالله وأتخرج
مشكلتي الحين هي أبوي>> :questionmark:
أبوي انسان عصبي وتفكيره أحيانا احسه مب على بعضه :busted_red: ((الله يهديه))...
أبوي من النوع اللي ما يرضا يزوجنا نحن البنات قبل ما نخلص دراستنا الجامعة ونتوظف >> اوافقه الراي بعض الشي
بس المشكله الحين انه يرفض كل شخص يتقدم لي (حوالي 20 شخص) بدون علمي
يعني أنا يا غافلين لكم الله
وأسمع من برى البيت انه فلان وعلان تقدم لي وأنا رفضت مع انهم ناس محترمين :redface:
طبعا أنا أستغرب وأحاول قد ما أقدر اني افهمهم اني مب لي شغل بالموضوع كله...
و لاحظت من تصرفات رفيجاتي (خوات المغدورين) تتغير من ناحيتي مع اني والله العظيم مالي ذنب برفض أخوهم..
طبعا ما أرضاها حق واحد من أخواني عشان أرضاها على عيال الناس..
أنا مب قادرة أفهم عقلية أبوي الله يسامحه.. على الرغم من ان الرسول عليه الصلاة والسلام وصانا (من جاءكم من ترضون دينه وخلقه فزوجوه والا تكن فتنة في الأرض وفساد كبير)
ياليت أفهم أبوي شو يفكر فيه وأتمنى انه ما يخرب علي مثل ما خرب على خواتي الثنتين اللي أكبر مني >> هم متزوجات والحمدلله بس خرب عليهم من نواحي مثل: أولا تزوجو بسن كبيرة (قريب الثلاثين) لأنهم عقب ما تخرجو من الجامعة قعدو بالبيت كم سنة يتريون الوظيفة فطولن، ثانيا: زواجاتهم مش ولا بد لأنه اللي تقدمولهم قبل أحسن بوايد وكل وحدة تتمنى لنفسها الأحسن
التاريخ شكله يعيد نفسه وياي :sadwalk:
أتمنى أحصل حل لأبوي وتفكيره اللي يختلف حتى عن تفكير عمي اللي يقول انه البنت مصيرها تتزوج
حاولوا تساعدوني جزاكم الله خير....

 

[هــمــwـــه]

الله يسعدك ويرزقك يالغلا

مالك الا تدعي له >>سهام الليل لا تخطئ ادعي في الاوقات اللي يستجاب فيها الدعاء باذن الله

وانا ماراح انساك بدعيلك

 

[دانة القصيم]

الله يخليلك ابوك ويهــــــــــــديه إن شالله

ادعي له بالهدايه

 

[perfume]

شكرا اختي همسة.... لاتنسيني من دعائك يمكن هو اللي يصيب

 

[perfume]

دانة القصيم شكراا لك

 

[لن انظر للوراء]

الله يحنن قلب ابوك قولي امين
صعب الموضوع اذا عن الاب لانه مو صغير ولالك كلمة عليه
بس شوفي اذا له صديق يسمع كلامه ادخلوا له عن طريق صاحبه والله انهم يأثرون في بعض كثير خلوه يكلمه ويفهمه ويجيه عن طريق الدين
الله يسهل كل امورك ويكتب لك اللي فيه الخير وبعدين مو شرط اللي حصل لخواتك يحصل لك انت انتبهي لدراستك ووكلي امرك لله

 

[حلم حواء]

ياقلبي بعدك صغيره ع الزواج وموقف الوالد صحيح ولاتنسي محد ياخذ غير نصيبه بالدنيا والشهاده هي السلاح الوحيد للمراه .. وبعدين كيف الناس تخطب بنت عمرها صغير وبعدها ماخلصت دراسه لو في الجامعه ممكن بس بعدك باقيلك سنه والوالد مايبيك تنشغلي بشي ثاني غير الدراسه ..

انا مع الوالد ولو كنتي بنتي او اختي بتصرف نفس التصرف ..

وبعدين صديقاتك مالهم حق يزعلوا الزواج قسمه ونصيب وحتى لو كنتي اكبيره اللي مكتوب تاخذينه بتاخذينه ..

ركزي بدراستك وفكري بالتفوق والنجاح لانه هذا عامل من عوامل النجاح في حياتك الزوجيه مستقبلاً

 

[نسيت عمري]

الله يهديه لكم ويرزقك الرجل الصالح

 

[درر121]

الله يسعدك ويرزقك يالغلا

مالك الا تدعي له >>سهام الليل لا تخطئ ادعي في الاوقات اللي يستجاب فيها الدعاء باذن الله

وانا ماراح انساك بدعيلك​

 

[عيون عزيز]

أمج وينها؟؟؟؟؟
ليش ما تكلمينها تكلم أبوج؟؟؟؟؟
وبعدين شفيها اذا تزوجتي وانتي بالجامعة ....؟؟؟
انا تزوجت وأنا أدرس فالجامعة وكنت في كورس التخرج والدة وقدمت امتحاني الأخير وأنا في فترة النفاس ,,,,شحلاتني ما صار لي شي.....منطق ابوج غريب ولازم حد ينبه أبوج,,,ترا اللي يسويه غلط......الله يهدي ويسخره لكم .....

 

[ثريـا]

موقف ابوج غلط .. لاااازم يبخبرك حتى لو قال لك متقدم لك فلان وانا مو وافق .,
انا حاسه فيكي ..

لكن اؤمن ان الزواج قسمة ونصيب وان لو واحد من إلي تقدموا ليكي ورفضهم ابوك بحجة انكِ تكملي دراسة ,,
يمكن حتى ينتظرك لما تكملي دراسة ..

ومتأكدة ان الله سبحانه وتعالي كاتب لكل شخص يزوج بزوجه معينه في وقت معين يعني لو يلف الدنيا كلها
ماراح يتزوج إلا بإلي الله كاتبنها له ..

وابيك انتي تؤمني ان حتى لو ابوكِ قال لخواتك عن إلي متقدمين لهم .. ماراح يصير نصيب لأن الله كاتب لخواتك يزوجوا بأزواجهم الحاليين .. يعني لا تقولين لو ابوي كان يخبرهم او بسمح لهم ..

فلاتخافين .. ولا تسوين شي .. لأن في النهاية راح ترتبطين في نصيبك .. بغض النظر عن فكرة انتي كملتي او ماكملتي دراسة .. مسألة وقت فقط ..

والله يوفقك ..

 

[سيدة عالمها]

حبيبتي فهالزمن
والله ابوك معاه حق الشهاده والوظيفه تعزك
والزواج نصيب وقت ماربي يكتب تاكدي مستحييييييييييييييييل احد يقدر يرد قضاء الله
الله يسعدك ويوفقك ويرزقك بابن الحلال الحنون المخلص الذي يخاف الله

 

[عـسوووولـه]

عندج احد من عمومج ترتاحين له وتحسين تفكريه منطقي خلييييييييييه يتكلم مع ابوج وينبهه لهالشي والله يهدي الجميع يارب.

 

[زوجه مؤدبه]

ياحياتي توك صغيره لاتغثين روحك بهالموضوع صدقيني ماجاء اللي فيه النصيب
اذا جابه الله بيوافق ابوك وهو مغمض عندك انا مثال عشت يتيمه عند اخوي وكنت مثلك اكتشف
ان الناس خاطبيني ورادهم بدون مايشاورني اللي دريت فيهم 34 واحد غير اللي مادريت فيهم وكلت امري
لله سبحانه يوم جاء النصيب مادريت الا انا في بيت زوجي رغم صعوبة الظروف اللي كنت امر فيها درجة ان الناس
يوم تزوجت يقولون لاامي والله مادرينا ان باقي من بناتك احد الا يوم عزمتونا ولدك يقول مابقى من خواتي احد زوجناهم كلهم مع العلم اني جلست سنتين قبل اتزوج محد طق بابي احسب الناس خلاص صدو عني .. والحمد لله
اذا لك نصيب بتاخذينه والله يوفقك ويفرجلي .