الحقن المجهري والانابيب؟؟

[د..ميرال]

بسم الله الرحمن الرحيم

صبحكم الله بالخير بلقيسيات
انشاءالله الكل بخير وصحه وسلامة يارب


انا ياطويلات العمر ودي اسوي عمليه انابيب ابي الخطوات متى اروح وايش اسوي ماني عارفه ابي الخطوات يعني اروح وانا علي الدوره الشهريه والا اشلون بلييييز ردو ابي اجابه؟؟؟؟ويعطيكم العافيه

 

[سلة فواكة]

حبيبتي .. يعتمد اذا انتي فيج شي .. روحي حتى قبل لا تجي الدوره عشان تقول لج الدكتوره شو الاشياء الي تحتاجينه .. واذا مافيج شي .. روحي قبل الدوره بعشر ايام تقريبا .. لان اذا امورج كلها تمام ان شاء الله بيعطونج الابره التحضيريه .. والدكتوره بتقولج اذا انتي محتاجه انابيب او حقن مجهري .. ظبعا الاثنين نفس الخطوات بس الاختلاف الوحيد ان اطفال الانابيب يحطون عدد معين من الحيوانات المنويه مع البويضه والحقن المجهري يحقنون حيوان منوي واحد فالبويضه ..
وبعدها بتقولج بس تتنزل عليج الدوره تخبرينها .. والمفروض انها باليوم الرابع من الدوره تبدا معاج ابر التنشيط .. وعلى حسب حالتج كم يوم تحتاجين .. وانا عن نفسي الحمدلله مااحتجت اكثر عن عشر ابر .. وبعد ما يتاكدون ان عندج عدد كافي من البويضات وعددهم مناسب يعطونج الابره التفجيريه ويقولون لج تعالي باليوم الثاني عشان سحب البويضات .. وبعد السحب بيومين او ثلاثه بالكثير يرجعون لج الاجنه الملقحه ..

والله يتمم لج على خير ويرزقج الذرية الصالحه يا رب ..
اتمنى اكون افتدج واذا عندج اي استفسار اسالي ..
ادعيلي الله يثبت الي برحمي يارب

 

[د..ميرال]

مشكوره حبيبتي على الافادة والله يثبت جنينك يارب

بس حبيت اقولك زوجي فحص وطلع عنده ضعف 2مليون والله خايفه مافي امل الله يخليك سله وضحيلي؟؟؟

 

[أجمل عيوون]

السلااام عليكم
هذا ملف كامل عن الحقن المجهري واطفال الانابيب
http://www.niswh.com/vb/showthread.php?t=190480
الله يرزقك بالحمل العااجل يااارب
ويرزق كل اخت محتاجه ومحرومه للحمل ياحي يااقيووم
دعواتك لكاتبه الموضوع الله يجزاها الف خير على مجهودها

 

[حنو الحنونة]

الله يرزقكك حبيبتي وتفرحينا بخبر حملك يارب

 

[مريوم الحلوه]

2 مليون ينفع معاه اطفال الانابيب بس الافضل ونسبه نجاح اكثر هو التلقيح المجهر وعادي لاتخافي حماي صفر الحيوانات المنويه بالتفيش حصلو كم واحد والحمدلله زوجته جابت توائم
وكلها ارزاق ياقلبي ومقدر لج هالشي
الله يرزقج ويرزق كل محرومه يارب

 

[دلوعة سعوودي]

البنات ماقصروا جزاهم الله خير اسئل الله ان يرزقنا بالذريه الصالحه ​