التيرم الجاي بطبق ي مدرسة وتخصصي انجليزي ا...اعطوني نصايحكم يا مدرسات الخبرة :)

[شوكولاتة وبس]

السلام عليكم ورحمة الله وبركاته
كيفكم؟
ايش اخباركم ؟
ان شا ءالله كلكم طيبين

اعتقد طلبي واضح من عنواني انا راح اطبق التيرم الجاي ان شا ءالله في مدرسة واحتمال كبير امسك 2 ثانوي ...

ومررررررة ماعندي خبرة في طريقة التدريس ...كيف اخلي البنات ينتبهوا لي في الدرس ؟ويحترموني وبنفس الوقت يفهموا معاية ؟؟

خايفة يتمادوا معاية ويقلوا ادبهم ..
فا نصحوني الله يعافيكم بكل النصايح اللي بجعبتكم وياليت تعطوني كل القوانين اللي المفروض احطها من البداية ولا تنسوا ان في ايام بتجي فيها المشرفة وتشرف عليه ..

تسلموووووووووو مقدما

 

[شيخـ الزينات ـة]

انا مثلك يارب الاستاذه يفيدونا والا البنات اللي نزلوا عملي ونبي نماذج تحاضير بليز وجزاكم الله خير مسبقا وياااارب يحقق مبتغى كل وحده تدخل وتفيدنا بشيء يااااااارب بحق رمضان الكريم ذا















شوكو من وين انتي ؟

 

[FloOowers]

اهلين حبيبااتي
كـــل سنه وانتم طيبــــــين وتقبل الله منا ومنكم صالح الاعمال​

محسوبتك معلمة انجلش خبرة 3 سنوات احم احم>>>> أحلـــى يا خبـــرة !!
الممممهم..
بالنسبه للتربية العملي انا اعتبرها احلى مراحل الكلية
وامتعها فلا تخافوا وكونو على طبيعتكم وبلا اي توتر​

بالنسبه للطالبات وكيف تتعاملي معاهم هذا شي مرة مهم
واالاهم هي الحصة الاولى !!First impression ​

بنات هذ الايام ..ببداية تعارفهم بأي معلمة جديدة
تلاقيهم يتفحصو المعلمة ويدرسو نفسيتها
من الالف الى الياء عشان يكوّنو فكرة عن شخصيتها
سواء كانت من النوع اللين او الصعـــب
او الحااازم وغيرو...... وغيرو .....وغيرو ​

لي عودة باذن الله
مع بعض نصايحي المتواااضعه
وموفقاااات يارب​

 

[شوكولاتة وبس]

أنا من السعودية وياليت لو القى تحاضير هنا ..

فلورز انا با نتظار نصايحك وياليت لو تكون با التفصيل من ناحية التعامل والشرح وكل شي احتاجه ....

الله يوووووووووووووووووووووووووووفقك مقدما

 

[شيخـ الزينات ـة]

انا برضه من السعوديه من اي منطقه اانا من المدينه ياليت احديفيدنا بمدراس جيده بالمدينه ومدريتهم طيبه ومتعاونه

 

[خافيه غلاها]

انا بعد من المدينه ياليت احد يفيدنا

 

[يابعدها سماي]

ثقتك بنفسك هي إلاهم والإساس

وكل شي بعده يهون

الطالبات عموماً يحبون يفحصون اللي قدامهم
اسلوبها وطريقتها ومدى تحملها
يعني يحاولون يهزون ثقتك بنفسك
ويعملون ربكه وازعاج
هذا شي طبيعي ولا ابي اخوفك
لكن صرامك وجديتك من اول حصه تتركه انطباع مهم
الفصول الثانيه تتأثر فيه
​

ادخلي للفصل بشكل واضح بدون خوف او تردد
لا تكونين في البداية مبتسمه
صح الإبتسامه صدقه
وتعطي الشخص المقابل لك راحه
لك في التدريس وفي اول حصه يفهمونها البنات دليل ضعف !!
لذاك كوني صارمه
جاده
خلي صوتك واضح مسموع
لا تعذرين الطالبه لما ما تحل الواجب بيني انك جاده اكتبي اسمها
حتى لو ما تحبي تتعاقب لا تودين اسمها للمعلمه لكن قدامهم اكتبيه

اكيد رح تواجهين طالبات مشاغبات او يحاولون يثيرون الشغب
لا تجادلينهم ولا تناقشيهم حتى بكلمه
ابدي حصتك اشرحي معلومات الدرس نقطه نقط
الطالبات مهما كان شغبهم
لما تدخلين بالدرس بجديه وثقه وصوت مسموع بينضبطوا
إي طالبه تثير شغب اثناء الدرس يعني تكلم زميلتها او تقطع الدرس بتعليق ولا غيره
اعطيها نظر قويه
اخر الدرس اكتبي اسمها
لا تقطعين درس لإي سبب حتى ما تشتتين الطالبات ويصعب عليك بعدين ضبطهم وتضيعين الوقت
بعد كل نقط اسئلي فيها الطالبات لا تقوين فقط اللي يشاركون او تعلقين على كم بنت
نوعي وخاصاً اللي يحبون يسون ضوضاء
احرجيهم قوميهم يجاوبون
اي بنت ما تجاوب وقفيها شوي واسألي غيرها بعدين خليها ترجع تعيد الإجابه
(ترى مهما سوت الطالبه انها يعني ما يهمها عقابك كلهم ما يحبون التوقيف وينحرجون منه)

اهم شي املكي اعصابك لا تصارخي ولا تعطي مجال لنقاش خارج الدرس

كلامي هذا عشان تكونين اكثر جديه من اول حصه
لان بثبت بعقول الطالبات
بعدين تقدرين بالحصص الباقي تخففين من الجديه لكن بحدود ضيقه
هذا في الحصه الاولى

اما لما تجيك المشرفه
اذا تقدرين تختاري اختاري اكثر فصل ترتاحي فيه
ويكون عدد طالبات معقول
جهزي للمشرفة طاوله وكرسي
ابدي درسك كا العاده كأنها ماهي موجوده
متابعة الواجب السابق
حل إسئلة الواجب
كم سؤال عن الدرس السابق
ابدي بلحمد والصلاة على النبي
اختاري مقدمه مثيره للطالبات
اربطيها بالدرس السابق
وابدي درسك بنقاط
وبعد نهاية الشرح
لا تنسين التطبيق
والواجب

اكثر شي ينسونها او ما يهتمون فيه بنات الكليه السبوره
لازم كل نقطه تشرحيينها وتنتهي منها اكتبيها على السبوره

لا تنسين العنوان في السبوره <<مثلي لما كنت اطبق =) !

من ناحية دفتر التحضير والله انا مو تخصص إنجليزي فما لي خبره


مرحلة التطبيق اجمل واروع المراحل وتكثر فيها المواقف الطريفه والحلوه
استمعتوا فيها


بالتوفيق

​

 

[شيخـ الزينات ـة]

بنات بليز طيب ابي دفتر تحضير استفيد منه يكون للمرحله المتوسطه الفصل الاول

 

[خافيه غلاها]

يسلموووو الله يسعدك ع رفع المعنويات
جد نبي دفاتر تحضير لو تصورها لنا

 

[شوكولاتة وبس]

كلامك مرررة فادني صراحة اعطيتيني الموجز المفيد المطلوب ...

ايوة وانا حابة دفتر تحضير ..

بس الصراحة عندي سؤال محتارة بين الثانوي والمتوسط ...لإي البداية كان ودي بمتوسط لأنهم صغار واقدر عليهم ...

ووحدة من صحباتي جربت 2ثانوي في المدرسة اللي درسنا فيها وقالت لي تقدري تضبطيهم اكثر من المتوسط لأنهم تراكمي فيخافوا على درجاتهم اما المتوسط لعابين ومشاغبين بزيادة وحتى ما عندهم خلفية با الانجليزي زي الثانوي !!

فإيش رايكم متوسط ولا ثانوي ؟؟؟

وعندي سؤال أحيانا في بنات يقلوا ادبهم ويسألوا يا ابلة عندك اخوات ويسألوا اسئلة شخصية هذا في حصص الفراغ ارد عليهم بجدية انهم يرجعوا الفصل وما يتفلسفوا ولا اكلمهم عادي ...اخاف ارد عادي ويتمادوا عليه ؟؟

با لنسبة للغتي احسها ركيكة ...تتوقعوا ممكن يكون مستوى البنات من المستوى اللي يجادل بخصوص النطق ؟؟

وفي نقطة مهمة ...كيف أتدرب في البيت عا الشرح؟؟اللي مجربة الطريقة تقولي عشان استفيد منها...

يا بعدها سماي شكررراً وتسلمييييي والله...

انتظر ردود باقي الاسئلة الله يعافيكم ...

 

[يابعدها سماي]

​

اللي يسألون عن دفاتر التحضير

من ناحية دفاتر التحضير ماهي بذاك الامر المعقد عشان تشيلوا همه
مهمتك الإستاذه اللي رح تكون مشرفه عليكم إنها تشرح لكم الطريقه
وبعدها خلاص تتقنونها لانها جداً سهله
وتقدرون تطلبون من المعلمات اللي في المدرسه دفاتر التحضير حقتهم عشان تاخذون فكرة متكامله

وبعد فيه مواقع خاصه بالتربيه والتعليم اطلعوا عليها رح تستفيدون كثير

وفيه رابطه تفيدكم

http://slah.jeeran.com/sal13.htm





على فكرة فيه نقاط عند المشرفة موزعه الدرجات على النقاط بالتساوي
لما كنت طالبة كليه خلتنا المشرفه نشوف الورقه ونطلع عليها وعلى توزيع الدرجات
لكن للإسف مو كل المشرفات يسون كذا مع طالبات الكليه !
تحتوي على نقاط مهمه مثل اللي ذكرتها بردي الاول وحتى اللبس عليه درجه!!



شوكولاته وبس ..

لو تقدرين تختارين بين المتوسط والثانوي استخيري رغم اني افضل الثانوي لانهم اكثر جديه من المتوسط

ومن ناحية حصص الإحتياط خليك طبيعيه
خير الامور اوسطها لا تشدين عليهم لانها حصة احتياط ولا تتركين لهم الحبل على الغالب

من ناحية لغتك لازم تحرصين على اللغه العربية الفصحى الصحيحه مهمه جداً
يمكن في البدايه تصير اخطاء بس بعد كم حصه رح تقل ها الإخطاء

اما التدرب على الشرح في البيت ولا قد جربته
لكن جربي تشرحين قدام زميلاتك افضل لانهم بينبهونك على اخطائك


وبالتوفيق

 

[أساورمن ذهب]

ربي يبارك فيكم جميعا خاصة يابعدها سماي ربي يحفظها سأبدأ التدريس ويدي على قلبي أخاف من البداية ربي يسهلها ويستر يااارب

 

[Montana]

بعد 18 سنة تدريس انجليزي ثانوي اعطيك النصيحة الذهبية و هي

احترام الطالبه​

احترام الطالبه​

احترام الطالبه​

يعني تعاملي معهم انهم كبار و مسؤؤليين عن تصرفاتهم .. اياكي ثم اياكي تغلطين عليهم بالكلام .. حتى ما تعطيهم فرصة يغلطو عليكي .. واللة راح يحبوكي و يتعاونوا معك .. ​

اما طريقة التدريس لازم تنوعي و تبتكري .. جلسيهم مجموعات و عطيهم نشاط يشتغلو فية .. لا تخلين الشرح مرتكز عليك يعني انتي تكتبي ع السبورة و الطالبات يشوفوكي ..(( طريقة قديمة و مملة )) ​

اللة يوفقك و دايما احتسبي الاجر عند اللة .. وسمعت ان التدريس صدقة جارية ..​

 

[شوكولاتة وبس]

يا بعدها سماي شاكرة لك حرصك في الاجابة على أسئلتي ...

أعطيتيني الاجوبة المفيدة وريحتيني ..

الله يسعدك ويوفقك وين ماتلقي وجهك..

مونتانا تسلمي عا الرد ..

 

[دلع وغنج]

أنا تخصصي لغة إنجليزية

أهم من دفتر التحضير هو التحضير الذهني
امسكي الدرس وحددي النقاط اللي فيه
خصوصا مناهج الثانوي تبدأ بمناقشة استخدمي كلمات بسيطة وواضحة ابعدي عن الكلمات المعقدة بتحسس البنات بالغباء وعدم القدرة على الفهم ثم دخلي الكلمات الجديدة مثل ماقالوا الأخوات اشركي الطالبات في الدرس مثلا
الدروس اللي تتكلم عن المنازل
أطلبي من الطالبات تصوير بيوتهم وتنزيلها على فلاش واعرضيها عليهم بينبسطوون
وحاولي تبتعدين عن الطرق التقليدية في نفس الوقت لا تتبعين طرق التقسيم لمجموعات وأنتي جديدة على الفصل بيضيع وقتك ووقتهم في تقسيم المجموعات و توزيعها وبيستهبلون عليك ويشاغبون ولا رح تقدرين تضبطينهم إلا إذا كانت المعلمة نفسها متعودة على التقسيم

حاولي تجربين الطرق الملفته لشرح الكلمات
استعملي الصور اذا عندكم بروجكتر
استغلي الكمبيوتر والنت ترا فيه مواقع كثييير مفيده وخاصة بالتدريس اكتبي منتديات تعليمية بتلقين كثييير منتديات وبعضها يحطون الوسائل مع التحضير ما عليك إلا إنك تطبعين وتطبقين مثل منتديات الشريف وغيرها
إذا الدرس يصلح يطبق عليه ألعاب طبقيها

تكلمي بهدوء وبصوت واضح ولا تتكلمين بسرعة

جيبي أوراق post it واكتبي عليها النقاط الرئيسية للدرس وخليها قدامك على الكتاب عشان ما تنسين أي نقطة



ونصيحة خلي شكلك دااائما مرتب وأنيق

وعليك بالتجاهل والتجاهل والتجاهل
شفتي البنات يتغامزون عليك طنشي
بنت علقت بصوت عالي عليك طنشي
طريقة فرض الشخصية بقولة مين قالت ومين فعلت ما تنفع
إذا شفتي البنات يمررون ورقة بينهم اسحبي الورقة وانتبهي تفتحينها يكون فيها كلام يحرجك ولا تقدرين تتصرفين حطيها على كتابك أو شقيها وارميها في الزبالة

أممممممممممممم هذا اللي عندي حاليا وإن شاء الله تكونين مستمتعة بالتطبيق

 

[شوكولاتة وبس]

دلع وغنج..

نصايحك دقيقة ومفيدة وهذا اللي أبغاه ..

الله يعطيك العافية يارب...