التشقير للحامل

[ميار011]

السلام عليكم


اخباركم


بنااااااااااااات خايفه حيل شقرت وجهي وحواجبي وانا باقي اسبوع وادخل الرابع ان شاء الله

الله يتمم لي ولكل الكروشات بخير

وخايفه ياثر على الجنين

بس كنت لازم اشقر عندي عرس حماتي

مين شقرت ولا تحرم احد شقر

تشقير ويلا والاكسجين 6%

يااااااااارب ارزق جنين الصحه والعافيه
وارزقني البنوووته الحلوه المعافاه ياااااااااااااااااااااااااارب


دعواتكم


استغفر الله من كل ذنب واتوب اليه

 

[فداك الجرح]

حبيبتي المفروض ماتشقرين وانتي حاااامل معروف ان التشقير وصبغ الشعر والحواجب كلها مواد كيماااااوية الله يهديج بس حتى لو عرس يولي العرس الزم ماعليج طفلج..حافظي على امانة رب العالمين غيرج محروم ويتمنى..لاتعيديهاااا

 

[لمسه انوثه]

ماعليييييييييييييييييييييك ان شاء الله

 

[أحبكم مووووووت]

لا عادي أنا أخت ريلي تحب الصبغات واااايد وحتى وهي حامل تصبغ شعرها الحمدلله ما يأثر عليها

 

[بواعث]

مليش انا كمان لما كنت حامل شقرت بجولان بس حاولي ماعاد تشقري امكن لوكثرتي يضر الجنين

 

[الشوق وبس]

أختي شقرت وهي حامل..

دام بس مرة وحدة لا تخافين..إن شاء الله ما منه ضرر..

والله يثبت لج حملج..ويرزقج بالطفل اللي تفرحين فيه..

 

[دلوعهـ..]

من عرفت روحي صبغ وتشقير وهذولا عيالي كبروا وماشافوا من الله شر!