التدخين

[كهرم]

صباح الخير

انا متزوجة من سبع سنوات واكتشفت ان زوجي مدخن بالصدفة ولما صارحتة يصمت ولا يتكلم وعندما انصحه عن ترك التدخين واصحابة المدخننين يتضايق ويحاول يغير الموضوع ، اريد طريقة اقنعة فيها بترك التدخين علما بأنة لا يدخن امامي او امام ابناءه

 

[مخنوقه بعبرتي]

حاولي معاه ولاتياسي انا قاعده احاول مع زوجي اقوله عشان صحتك وعشاني خايفه عليك وادعي له دايما فسجودي انه يترك التدخين قلت له استغفر بنيه ان الله يبعده عن التدخين ...ودايما انزعج من زوجي يحته واحاول اكره بالتدخين اقوله ابعد عنا ريحتك دخان ارحم نفسك كثررررررررررررو كثر الدق يفك الاحام حاااااااااااااااولي والله يبعد زوجي وزجك عنه.

 

[رازيا]

السلام عليكم ورحمة الله وبركاته
واهلا وسهلا بكم ........... وخاصة للي زوجها يدخن ومتعبها معاه
لاليلها ليل ....ولا نهارها نهار....وكان الله بعونهن
وهذه تجارب حقيقيه ومن حياتنا الواقعيه
لنساء عاقلات وذكيات كانوا ازواجهم مدخنين .... وبفضل الله انتصرن النساء في المعركه ضد التدخين
وللي تنفع معها ياليت تستفيد منها ,,,,علشان نحافظ على بيوتنا ومجتمعنا من هذا الداء والسم اللعين
وانقلها لكم على لسانهن ........

الاولى / كان زوجي يدخن بشراهه ومستحيييل يمر عليه يوم من غير ما يدخن وانا كنت مررره اتضايق وسارت خلافات ومشاكل ونصحته مافي فايده لين جا يوم وقلتله ..يااحمد الفلوس الي تشتري فيها الدخان هي ملكنا كلنا مو لوحدك ومو من حقك تتصرف فيهابكيفك يعني لو سمحت حضرتك اذا مو ناوي تتركه كل ماجيت تشتري لك باكيت سيجاره بخمسه ريال تعطيني انا خمسه ريال حقي وحق عيالك .وفرح احمد ماصدق ان الموضوع انحل ..وقلها ابشري الا ماعطيك المبلغ اعطيك ضعفه عشره ريال بس اهم شي تخليني على راحتي وصار زوجي كل مايشتري دخان يعطيني العشره وصارلنا على هالحال فتره وزوجي ماترك الدخان السالفه عاجبته وشكلها بتطول ...وانا فكرت وفكرت وقررت واليوم الثاني اشترى زوجي دخان واعطاني العشره هوولع السيجاره وانا اخذت ولاعه وولعت العشره
احمد ..ايش تسوين انتي مجنونه.. ..لاوالله صاحيه انت المجنون ..
يابنت الناس الفلوس هذي مانجيبها الا بتعب .. ..انا بسوي زيك انت تحرق فلوسك بالدخان وتحرق صحتك وانا كمان احرق الفلوس لكن ما احرق صحتي وهذا الفرق
وكمان جلسنا على الحال فتره قصيره هويعطيني العشره وانا احرقها قداامه وبعدها عقل زوجي وفكر صحيح كلنا بنسوي نفس الشي بنحرق الفلوس وكانها هباء منثورا بس للاسف انا بضر نفسي وصحتي وزوجتي لاوقرر القرار الشجاع وترك التدخين للابد وشكر زوجته على موقفها واصرارها معه وانتصرت الزوجه ...

الثانيه/ انا احب زوجي وزوجي يحببني وكان يدخن وهذا اللي كان قاهرني فيه وكنت ما قدر استغنى عنه بس ريحت الدخان خلتنا نبعد عن بعض كثييير ....وحاولت معاه بشتى المحاولات ولكن لا حياة لمن تنادي وانا اكتشفت ان زوجي يكره البصل كره العمى ... اي طبخه احط فيها بصل مستحيل ياكل منها ... وطبعا هذا كان في صالحي وكل مازوجي يدخن سيجاره اروح انا اخذ بصله اقشرها واقطعها واكلها قدام زوجي كانه برتقال وهو مستغرب بصل ؟في احد ياكل بصل؟ انتي خبله .. انا رديت عليه بضحكة اللا مبالاه
وقعدت له هو يدخن وانا اكل بصل ..وقالي ..اشفيك انتي كل مادخن تجين تاكلين بصل قدامي ماتعرفين اني انا اكره البصل ؟قلتله انت تكره البصل وانا اكره الدخان والبصل يا كثر فوائده اما الدخان مافيه ولا فايده خراب ودمار للصحه وانا رح اضل على هالحال الين ماتترك الخان نعائيا وفكر زوجي وفاق من غفلته وترك الدخان والحمدلله ودحين مافي شي يعكر على حبي وحياتي معه وكله بفضل الله ثم بفضل البصل وعلى فكره زوجي صار يحب البصل.. طبعا لانه كان السبب في تركه للسم الدخان


الثالثه /انا زوجه مدخن وهذا اللي كان يحرمني لذة النوم وزوجي كان عنده هوس شيء اسمه النظافه ما كان يحب يشوف اي شي وسخ واكثر شي كان يضايقه لمن يجي يطفي السيجاره وما يلاقي الطفايه حواليه فيظطر يقوم يطفيها بره البيت او بالحمام ( اكرمكم الله ) وان انتبهت لهذه النقطه وصار كل مايطلع من البيت اخذ كل الطفايات وارفعها عنه واذا جاء يدخن يسال عنها واقله الشغاله رمتها في الزباله ومرة انكسرت ورميناها وعلى هالحال هويشتري طفايه وانا ارفعها واكذب عليه .. لا تلوموني هالشي بمصلحته
وزوجي طبعا طفش ومل كلما يدخن يقوم مشوار عشلن يطفيها .. والحمد لله ترك الدخان بعد عناء طويل وفي يوم من الايام لمن صار مايطيق شي اسمه دخان........ اخذت الطفايات كلها وسويتها على شكل قلب وكتبت له بورقه جميله (بما انك تحب النظافه فسنظل دوما نظيفين لا تطفيء علينا سيجارة واحدة نشكرك على تركك للدخان وهنيئا لك تاج الصحه والعافيه ) والمهم سويت حركات حلوه ورومنسيه من الفرحه اللي انا فيها ... ويوم جا زوجي وشافها ماتتخيلوا فرحته وقتها.........


الرابعه/ انازوجي كان يدخن للاسف وهو يشتغل رجل اعمال بمجال العقارات وكان دايما يحكيلي عن بطولاته اليوم بعت واليوم اشتريت وانا كنت ادعيله بالتوفيق بصوت مسموع وكان الله يحفظه مرره يفرح
وفي يوم جمعه وبعد صلاة العصر ناديته وقلتله ابغى من وقتك خمس دقايق .قال خير اش فيه قلت انا بدعيلك وانت امن ..لان اليوم جمعه وفيه ساعة استجابه قال هيا والله يجزاك خير وانا ادعيله ..اللهم وفق ابو فلان ..امين . اللهم يسر له اموره..امين اللهم .... وجلست ادعيله وهويامن .. المهم باخر الدعاء قلت .. اللهم ان ترك زوجي التدخين اجب له هذا الدعاء وان لم يتركه لا تجبه .. واحتار زوجي ونزل يده وما قال اميين ,..والحمدلله بعدها بيومين ترك زوجي الدخان وهذا كله بفضل الله.........

الخامسه/ انا تزوجت وبعد الزواج اكتشفت ان زوجي يدخن وندمت واصلا ماكان في فترة خطوبه للتعارف.. وزوجي كان يحب الاطفال مررره ...المهم قررت اني اخذ حبوب منع الحمل ومرت الايام وبعد سبعه شهور قلق زوجي بموضوع الحمل وقلي لازم نروح للمستشغى ...وانا هنا صارحته بالحقيقه وقالي ليش تسوين كذا من وراي وقلت له لانك مدخن والتدخين يضر بالجنين وانا ماابغى ابو عيالي يكون مدخن وانا اوعدك اذا انت تركت الدخان انا رح اترك الحبوب فورا وبالفعل حاول زوجي وترك الدخان وانا تركت الحبوب ومر شهرين وحملت بعدها وجبت توام بفضل الله ... وان مطمئنه عليهم وعلى ابوهم الغالي من هالسو المدمر للصحه ...


وهذه الحمدلله التجارب اللي عرفتها وانتصرت فيها المراه انتصارا ساحقا
على هذا الدخان القاتل .........تسال الله العافيه
وعقبال جميع المدخنين


واللي عندها تجربه ونجحت فيها ياليت تقولها ...
واهم مافي الموضوع ارادة وعزيمة واصرار المدخن ..على تركه للدخان..وماننسى ان ندعوا لهم بالهدايه ..ولله يهدي من يشاء الى الصراط المستقيم


وااسفه جد على الاطاله

​

منقول للاستفادة

 

[رازيا]

تذكرت قصة وحده زوجها ذابحها بالتدخين وحاولت معه لكن مافيه فايده
خطرت على بالها فكره!!!!!!!!!!!!
قبل لا يجي زوجها من بره اكلت ثوووووووووووووووم كثير ..........لما فتح الباب استقبلته وحضنته وبوست فيه ..كان واضح على وجهه انه متضايق من الريحه مره ومرتين وثلاث تسوي نفس الحركه........آخر شي قالها :ترا ذبحتيني بريحة الثوم
قالت :وانت ذبحت نفسك وذبحتني بريحةالدخان..وبطل تدخين
الطرق تكون كثيره لكن كل وحده تعرف تختار الطريقه المناسبه الرجال مختلفين اللي ينفع مع هذا يمكن ما ينفع مع الثاني
..............ممكن تذكرينه بوضع مطويات عن التدخين في سيارته من غير ما يحس ان شاء الله يقراها اذا كان لوحده ويبداء يفكر بالموضوع وهو بالسياره لزحده
............امتنعي عن تقبيله او بيني انك تتضايقين من الريحه من غير ما تتكلمين ..الصمت ينفع اغلب الاحيان
الدعاء الدعاء الدعاء وعدم القنوط ولابد من احسان الظن بالله اولا ثم الزوج ثانيا,,,,,,,,,,,خلي عندك امل ان زوجك بيترك التدخين اختي انقل لك ولاخواتي هذه الكلمات لعل فيها الفائدة بإذن الله...
((خطوات الإقلاع عن التدخين:
* الحصول على قدر كبير من الاسترخاء وبخاصة خلال الأيام الأولى من الإقلاع عن التدخين .
* الإكثار من أكل الفواكه والخضروات الطازجة وعدم تناول الأطعمة الدسمة.
* الإكثار من تناول الماء وذلك لتخليص الجسم من النيكوتين والمواد الضارة .
* حاول الابتعاد عن المدخنين وأجواء التدخين.
* إصرا ف النظر عن التفكر في العودة إليه عندما تحس بالحنين إليه.
* تذكر مضارة وتصبر عنه واشغل نفسك بشيء من الحلويات أو اللبان
* عود نفسك على استعمال السواك.
* تناول يوميا بعد الإفطار كأسا من الليمون لأنه يخفف من شدة الرغبة في التدخين .
* مراجعة أقرب عيادة لمكافحة التدخين.))
وايضا قرات
قرأت في مكان بس والله مو مذكرة أنه وحده كان زوجها يدخن وكل مرة تحاول ما يطلع معها نتيجه
ومرة قالت له كل ما تشتري علبة سجارة اعطيني نفس المبلغ مع كل علبه وكل ما جمعت فلوس وكان معها حرقتها وسوت كذا كذا مرة في اول مرة سألها ليش تحرقها قالت انت تحرقها في الدخان وأنا أحرقها كذا بمزاجي وكل واحد يحرق الفلوس بكيفه تقول بعدها وقف يدخن
انشالله اكون افدتكم

وهذا برنامج كيف تقلع عن الدخاان في غضوون خمس اياام

كيف تقلع عن التدخين في 5 أيام للتدخين

حيث استخدمها حوالي 20 مليون مدخن بنجاح (عشرون مليون
اقلعوا عن التدخين ) .
يشرف على تنفيذ هذه الطريقة في مصر دكتور/ حسين أمين
شحاتة رئيس جمعية محاربة التدخين بالقاهرة الذي تمكن من
مساعدة أكثر من 5120 مدخناً حتى الآن .
البرنامج يعرف باسم الأيام الخمسة ويطبق كما يلي :-
اليوم الأول :
- يردد المدخن لنفسه وبرغبة قوية انه لن يدخن على
الإطلاق ثم يبدأ يومه بشرب كوبين من الماء بعدها يتنفس
تنفساً عميقاً و في كل مرة يعد من 1 إلي 5 ثم ينحني إنحاءً (
كروكوع الصلاة ) ويخرج النفس من الفم ثم يكح 3 مرات مع رفع
الحجاب الحاجز في كل مرة مما يؤدى إلى رفع كفاءة الرئة.
- الحصول على دش فاتر أو ماء بارد في الصباح
الباكر لمدة ثلاث دقائق مع تدليك الجهة
اليسرى من الصدر والذراع الأيسر بفوطة مبللة
بالماء حتى يحمر الجلد وذلك لتنقية الدم
من النكوتين .
- بعد ذلك يمارس رياضة المشي لمسافة 500 متر .
- المواظبة على شرب الماء بحيث لا يقل عن لترين مع تناول
عصير البرتقال والليمون .
- بعد الظهر يحصل على دش مرة أخرى مع التدليك.
- قبل النوم يقوم يومه بشرب كوبين من الماء بعدها يتنفس
تنفساً عميقاً و في كل مرة يعد من 1 إلى 5 ثم ينحني إنحاءً (
كروكوع الصلاة ) ويخرج النفس من الفم ثم يكح 3 مرات مع رفع
الحجاب الحاجز في كل مرة ويحصل على دش للمرة الثالثة مع
نفس التدليك .
اليوم الثاني :
- يكرر ما سبق مع تغيير منطقة التدليك إلى منطقة الصدر
الأيمن والذراع الأيمن مع الدعاء إلى الله بنية صادقة أن
يساعده على الإقلاع عن التدخين .
اليوم الثالث :
- تكرار ما سبق مع تدليك منطقة البطن والظهر مع
الدعاء إلى الله .
اليوم الرابع :
- تكرار ما سبق مع تدليك الساق اليسرى فقط .
اليوم الخامس :
- نفس البرنامج مع تدليك الساق اليمنى فقط .
اخبر كل من تعرفه عن هذه الطريقة لكي تعم الفائدة وان
ينتفع بها الجميع بإذن الله
وثبت علمياُ أن التدخين يقلل من القدرة الجنسية بنسبة لا
تقل عن 30% ويؤدى إلي الشيخوخة المبكرة ولقد وضعت هيئة
الصحة العالمية التدخين على قائمة أسباب الوفاة يليه
الإيدز ثم الإدمان
يارب اكون ساعدتك ولو شوي