% التجــــــــــارب الناجحــــــــــه من بوح صاحباتها..!@@

[شكلين مابحكي]

السلام عليكم ورحمة الله وبركاته...

طبعآ كلنا مدهرين بالرجيمات..
ومره نتحمس ومره نضعف..
فـ ودي اننا نخلي هذا الموضوع فقط للتجارب الناجحه..:32:
اي وحده سوت رجيم سواء معنا او بدونا ونحفت وتخلصت من داء السمنه تكتب لنا تجربتها
وكل شي واجها وكيف صبرت وتحملت.......!!

رجاء لاتنقلون لنا تجارب مشاهير أو حتى اللي تعرفونهم ....!!
لااااا نبي صاحبة التجربه نفسها تكتب تجربتها ..
وطبعآ هذا الموضوع بيرفع معنويات الكثير...
وكل وحده تسوي رجيم راح تطمح انها تنحف وتسطر لنا تجربتها هنا ..

أتمنى من المشرفات الغاليات تثبيت الموضوع......!!

 

[رموسه11]

عندي تجارب رياضه مو ريجيم ينفع ؟ خخ

من فتره لثانيه اسوي تمارين بفتره تقريبا اسبوعين وارتاح بعدها توصل فتره اسبوعين كاملين بعد يعني فتره لفتره اسوي تمارين بس اذا سويتها بانتظام طبعا مو يوم ايه ويوم لا

تمارين الوسط اهم شي

ماكنت ابي انحف بس احسن رياضه لو ماتفيدك ماتضر ابدا يكفي تخلصك من سموم واشياء وتعددددل مزاجك حتى لو حسيتي بصعوبه بدايتها

المهم الحين الحمدلله رب العالمين جسمي مشدود بطني يعني مشدووود تبارك الله ولو اسمن لو يوصل وزني ستين الظاهر ماطلعت لي كرش ابد ماشاءالله , كلن مستغرب من جسمي تجي فترات تسمنين يعني عادي تكونين بس اسمن من قبل بس الا المنطقه الوسط من جسمي وبطني مستحيل تتحرك


طبعا بفضل الله ثم الرياضه
شي خيااااااااااااالي بنات تكفون لاتهملونها وربي انه عجيييب وبتحبين جسمك اكثر لو عالاقل كنت مليانه بدون كرش

شي يحسسك بانوثتك

اتمنى تنفع تجربتي وتدعون لي ياحلوين

 

[ثقتي عاليه]

شكرا رمووسه والله يوفقج بس شنو صورتج اللي حاطتها ؟؟ ههه احسها غامضه

واشكر صاحبه الموضوع شكلين ما بحكي على الطرح الرائع والفكره الحلوه اللي تنمي القسم الى الاعلى

او عدج راح اثبت الموضوع اذا شفت تفاعل من الاخوات واذا كثرت التجارب الناجحه اللي ممكن انه وباقي البنات نستفيد منها

والله يوفقج يا قلبي

 

[شكلين مابحكي]

رموووسه ماشاء الله عليك حلو الواحد يهتم ..

ثقتي عاليه<< الله يبارك فيك وعقبال مانشووف التجارب الناحجه..

 

[мīŜs.7aŘķaŦ ••]

مشكورة على هالطرح الرائع وان شاء الله تكون هالتجارب منطلق لكل وحده مننا كسلت ولا قلت عزيمتها انها تشد حيلها مره ثانيه ..
راح أتكلم عن تجربتي انا طولي 157 من بعد مابلغت وانا عايشه في نطاق الستينات يعني اذا زدت وصلت 67 واذا نحفت صرت 65 يعني ما اتعدى هالشي ابدا وكان الوضع عندي عادي مو متأزمه منه مرره .. ودخلت الجامعه وعشت حياتي جيت في يوم على اخر سنه لي بالدراسة أقيس وحده من تنانير اللي اعتبرها واسعه لقيتها ضيقه بقووه ولا ودها تدخل أصلا و مرره ضاق صدري وقتها واتأزمت نفسيا ولا قدرت اطلع على الميزان و أقيس من زود الخوف واللي زودها علي بنت عمتي الصغيره تقولي يابطه أقولها ليه تقول عشانك دبدوبه وهالكلمه ياكرهي لها أحسهم مايبغون يجرحون مشاعرنا فيدلعون كلمة دبا .. المهم وقررت اني راح أغير هالشي فيني ولا اتساهل أبدا و رحت المكتبة و اشتريت كتب عن الحميات الغذائية و اشتريت سير بعد وبديت مشواري مع وزني .. طبعا بديت بحمية الـ 2000 كالوري وكل ما يثبت وزني أنقص 500 كالوري الين استمريت على حمية الـ 1000 كالوري فتره من الزمن .. والحمدلله أموري اتسهلت ومع المشي اللي للأمانة ما اداوم عليه عشان الدراسه والتخرج وقتها .. وصل وزني 55 يعني 10 كيلو نزلت وهذا الكلام صار عليه 3 سنين وأكيد تجي فترات على الانسان يحس بالاحباط ويزيد وزنه وخلال هالسنه صار وزني 57 يعني زدت بس انخطبت و ملكت وبديت اهتم في نفسي أكثر يعني الحين ماشاء الله علي 53 وناويه اوصل للـ 50 حلم حياتي وجسمي ولله الحمد مبسوطه منه مرررة مقارنة بكيف كنت ... أتمنى بتجربتي أكون أفدتكم وأدعو لي بالتوفيق والله يسهل لي أموري ويوفقني في حياتي الجايه .. ​