الانترنت.. وتعبي النفسي!!

[زهرة الغيد]

السلام عليكم عزيزاتي..​

أتمنى أن تكونوا بأحسن حال..​

عندي مشكلة ولله الحمد متعبتني نفسيا..:sadwalk: زوجي يجلس بالساعات على الانترنت ،، اللي مريحني إنه مشترك في منتديات يرد فيها على أهل البدع والدفاع عن السنة.. ​

طيب الحمد لله أنا أحمد الله إنه يخدم دينه بس هذا الشيء مآخذ كثير من وقته ..​

يعني إضافة إنه يرجع للبيت على المغرب ، يقضي أغلب وقته عليه... حتى الجلسة اللي المفترض نجلسها نشرب فيها الشاهي ، يطلبه على المكتب!!!!​

واللي تاعب نفسيتي زيادة حتى إني صرت دايم أنام قبله ،، وأناديه وأتقرب له ويقولي دقيقة وجاي ،، ومرة امتدت الدقيقة لساعتين........​

صدقوني حاولت أتقرب له من جميع الجهات ،، وأسوي الأشياء اللي يحبها بس أحيانا يجلس وباله مع الرد اللي مفروض يرده..​

اللي متعب نفسيتي إني مو موظفة وعندي بس بنوته ، فوقت فراغي كبير.. فأتمنى إذا جاء أقعد معاه نسولف ، مو أجلس أترجاه يترك الاب توب..​

هذي الشيء مأثر علي مره لأني بالعربي يهنمي قربه!! وما أحب أنام وهو بعيد عني!!​

أنا ما أقول يترك الاب توب .. بس كيف يخفف من الجلسة عليه..​

أفيدوني لا عدمتم الأجر..​

 

[ضحكة الدنيا**]

اجل كيف انا حتى عيال ماعندي و24ساعة علية على زين وغير زين احمدي ربك بس

 

[زهرة الغيد]

الحمد لله على كل حال.......... بس مو الصح إني أرضى بواقعي وهو مو عاجبني.. ليش ما أسعى للتغيير إذا كان هذا بيسعدني!!!!!!!!!!

 

[شجوون]

عندي وعندك خير
الله يهديهم

 

[جوود الحزن]

عزيزتي بس بالبدايه لانه يحس انه واجب عليه الرد والدفاع وهذا واجب صدقيني مع مرور الوقت راح يخف نشاطه شوي شوي والله صدقيني لمايكون جالس على النت جبي الشاي او القهوه مع الحلو واجلسي صدعي له راسه سولفي عن كل شي يجذبه وحاولي تبينين له ان تغاري من الاب توب لقال كيف قولي شوف ماخذك مني والله انا ودي ولادقيقه ابعد عنك وهالكمبيوتر شاغل كل وقتك اجل انا وش بقى لي من الوقت بيني انك متضايقه بس بدلع تصنعي بيبي الله يخليك خل الكمبيوتر ودي اجلس معك حبي ووو من هيك شغلات والله يسخره لك

 

[هزي يانواعم]

عادي جدا وبسيطها انا لومنك اجيب شاهي انا كوب وهوكوب وجلس قباله لاتجلسين جنبه لا قدمه على شان يكتب وانتي تسولفين واقلبيه ضحك ومزح ونكتي عليه قولي ايش ريك نجهز الشاهي ونروح البر الجو حلو قولي يالله يالله مهب تقولين ايش ريك او قولي له قصص مثلا هو ماتزم قولي له قصص خرافيه اكيد بيتحمس بيرد عليك بدل مايرد عليهم او خاليه يجيب لك لاب توب وجلسي سولفي معانا انا اصلنا كان مثلك بس هالحين انا المدمنه على لاب توب وهو الي يهاوشني ما صدق ينام ونحاش اسولف اقراء احسن من سوليفهم حاولي تونسين نفسك باي شي في تلفزيون تابفون الا نترنت اي شي بس مهب تجلسين تبكين على الاطلال زي ماهو مونس نفسه تعلمي نونسين حالك ياعسل

 

[سنديان]

ياشيخه حرام عليك لو زوجي مكانه حبيت راسه
الحين ماتشوفين المنتدى مليان من اللي يشكون من الصور الاباحيه والمسنجر والقرف
طالما انه ماقصر في حقوقك الشرعيه ويعاشرك بالمعروف فليس ملزم يسولف معك هذا على ثغر ويجب عليك ان تعاونيه واحتسبي الاجر من الله
وحبي رأسه نيابه عني:shiny::shiny:

 

[princeesa]

أنا أقووول تجيبي لكـ لاب تووووب

واشغلي نفسك فيه .... وخليه يحس فيكي

والله عن تجرررررررررررررررررررربة

انا زوجي كاان مدمن نت بعد ماادمنت انا كره النت لأنه حس ان النت اخذني منه

على العمووم كل شي بالعقل ويكون موزوون

 

[المعلمة الراقية]

طيب زين يمارس الدعوة وهو قاعد عندك ماهو مسافر بسبب وبدون .......:sadwalk:.......شيء اهون من شيء الله يهديهم
:bye1: :flex: :crazy: :smoke1: :msn-wink: :in_love: :bye1:​

 

[رامااا2009]

عندي وعندك خييييييييييير يقعد بالساعات الطوال عليه وحتى لو انه جااااي من سفر
يجيه ويفتحه واناااااااااااا ( الله يصبرني ويسخره لي )ويجعله يحبني اميييييييييييييين
يفتح منتديات حلوه ومنتديات (الله يعلم بها) وانااااااااا ولا شي

 

[نالة]

حبيبتي زوجك هذا رائع كمان أنا حبي لي راسه الله يقويه على الدفاع

جيبي لك كرسي واجلسي معاه ع النت

أحسن من اللي اذا جيتي قلب ع الاسهم وإذا طلعتي من البيت رجع للبيت ولا طلع منها ماتدريت ايش عنده !!!!!!!!!!!!!!

 

[زهرة الغيد]

مشكووووووووورين ردردكم أسعدتي.........

وبالنسبة لحبة الرآس>>>>>>أنا أول من يحبه!!!!!!خخخخخخخخخخ ،، وأشجعه على الردود..

بس الشيء اذا زاد عن حده ينقلب ضده..

وتصدقون جربت أجيب الشاهي وأجلس بس حسيته يبي يصرفني بأي طريقة...........على حد قوله يبي يركز!!!!!!!!

المشكلة إني ملييييييييت بشكل فضيييييييييع من هالسالفة ويارب يارب ألقى طريقة تخفف من وضعه..

ومن ناحية جلستي على النت بالعكس يستانس منها وما حسيته يغار علي منه.....

عموما أنا ولله الحمد مشكلتي ليست شكوى !!! بس مجرد طموحي تكون علاقتي معاه من أحسن لأحسن........

وجزيتم خيرا يا غاليات..

 

[غربة حلوه]

عزيزتي بس بالبدايه لانه يحس انه واجب عليه الرد والدفاع وهذا واجب صدقيني مع مرور الوقت راح يخف نشاطه شوي شوي والله صدقيني لمايكون جالس على النت جبي الشاي او القهوه مع الحلو واجلسي صدعي له راسه سولفي عن كل شي يجذبه وحاولي تبينين له ان تغاري من الاب توب لقال كيف قولي شوف ماخذك مني والله انا ودي ولادقيقه ابعد عنك وهالكمبيوتر شاغل كل وقتك اجل انا وش بقى لي من الوقت بيني انك متضايقه بس بدلع تصنعي بيبي الله يخليك خل الكمبيوتر ودي اجلس معك حبي ووو من هيك شغلات والله يسخره لك

:icon30: كلام جميل وآنا معاها:icon30:

 

[lolo2008]

الحمد الله على كل حال

 

[ترانيم الألم]

طيب سوي مثله.............شاركيه في اهتمامه...........دخلي النت وانصحي وراح تصادفين قصص واشياء بتفتح مواضيع بينكم...........وراح يتحمس للكلام والسوالف معك..............الله يعين.....