الاماكن اللي ماتتفوت بدبي ...؟؟

الحالة
مغلق و غير مفتوح للمزيد من الردود.

كيد النساء

مشرفة سابقة
اخووااااتي ممكن تدلوني على اجمل وافضل الاماكن اللي بدبي ؟؟

من اسواق ومطاعم وحدائق واماكن ترفيهية ...

وابي اماكن الجلبيات الكشخة .. و غيرها ..

والله يعطيكم الف عااااافية ....

بسرعة بنات لاني بروح الاسبوع الجاي ان شاء الله .......
 
عزيزتي كيد النسا
اهلا وسهلا فيج في بلدج الثاني
والله امنورين البلاد
اول شي عزيزتي خلينا نبدأ الاسواق عندج حبوبه
سوق مينا بازار وهذا السوق متخصص في بيع الاقمشه والملابس الهنديه العاديه والفاخره
ايضا عندج سوق التنين او السوق الصيني وهو سوق تجدين فيه المنتجات الصينيه الفاخره في سوق التنين يمكن اكثر من 3000 محل فيه كل شي يخطر على بالج من شنط وادوات منزليه من كل نوع ادوات صحيه للي يريد يؤثث بيته كامل والعاب ومفروشات ومنسوجات واحذيه , وتلاقين فيه مطاعم وكوفي شوب واماكن اتحطين الصغار فيه عشان يلعبون.(بس هالله هالله بالمكاسر) لا يغلبونج.
وعندج سوق مدينه جميرا وبتحصلين فيه كثير من التحف والهدايا وتتوزع فيه المطاعم والاستراحات على طول مجرى النهر وهذا السوق قريب من مدينه العاب(وايلد وادي) وهااي حديقه مائيه رررررررررائعه حق الصغار بس وديلهم ملابس غيار وياج وايضا قريب من برج العرب,
عندج سوق عكاظ وهو سوق متخصص في بيع الجلابيات والشيل والاكسسوارات النسائيه (عندنا في الامارات الحريم يروحون له من كل اماره في الدوله)
عندج بعد سوق نايف وهو يبيع بضائع منوعه ورخيصه السعر مثل الذهب والاجهزه الالكترونيه شيل وجلابيات واكسسوارات نسائيه ( ودايما اتلاقين التجار الي عندهم محلات يشترون منه) ايضا عندهم مكاتب قرطاسيه اتبيع بالجمله باسعار ما تتخيلينها.
ومن مراكز التسوق الحديثه وهي كثيييره وتجنن
مثل موول الامارات وهو مول فيه كل المحلات الي تخطر ببالج وفيه طبعا صاله الجليد اتحسن عمرج كانج في القطب الشمالي بس طبعا يعطونج ملابس شتويه وجاكيتات تلبسنها وجوتي( هالكبر)
عندج بعد ابن بطوطه, وديره سيتي سنتر بتحصلين فيه طابق كامل العاب حق الصغاار :clap: عااد انتي حطيهم اهناك ونزلي اتسوقي على راحتج .طبعا غير المطاعم والكوفيات,:essen:
واذ بتدورين شنط تقليد الماركه فبتحصلينه في مركز لامسي بلازا في دبي
ونصيحه دامج في دبي مري على منطقه المصانع في عجمان اي تكسي بيدلج يااه
بتحصلين فيه محلات اتبيع ملابس واحذيه وشنط وملابس اطفال برخص التراب وتقليد ماركات رقم 1,
تقدرين بعد تطلعين رحله بحريه :fish: وهو عباره عن باص برمائي يتحرك هذا الباص من امام مركز برجمان هذا الباص بيفتر فيج في كل دبي والرحله مدتها ساعه ونص ,نصها في اليابس ونصها في الماي, بس رحله جنننننننان.
ومن اماكن الالعاب والحدائق مثل ما قلت لج وايلد وادي حديقه فيها العاب بحريه ويوم الخميس مخصص للعوائل.
عندج بعد الوندر لاند فيا وووايد العاب حلوه :icon30: وايضا تجدين فيها العاب بحريه.
بعد عندج حديقه الحيوان في دبي وتقع في الجميرا وتفتح من 10 صباحا حتي 6 مساء.
وفي ايضا رحلات السفاري والتزلج على الرمال وطبعا العشا والقهوه الشاي طلعة بدوان يعني. ايضا في ركوب المنطاد الهوائي وهي رحله تسغرق 5 ساعات بس ما اعرف كيف يحجزون له بس انتي جربي سألي الفندق الي نازلين فيه.
اما بالنسبه:essen: للمطاعم :essen: عزيزتي فانا انصحج في الراكز الي تتسوقين فيها اكلوا من عندهم اريح لج. بس اذا كان في خاطرج مطاعم اخرى هذي بعضها:
مطعم بن عيد الشعبي (بتحصلين عنده مجابيس علي كيفج)
مطعم العريش في قريه البوم السياحيه
مطعم قصر الهند في القرهود
مطعم صدف الايراني
مطعم الطائره (هذا المطعم نصيحه لا تفوتينه) هو بوفيه.
وطبعا الكثييييييييييييييير منهم ما اقدر اعددهم كلهم.

(بس تعبت):nosweat:
اتمنى ان تكون المعلومات مفيده حقج
واي سؤال انا حاضره عزيزتي كيد النسا

:bye1:
 

كيد النساء

مشرفة سابقة
ياحبيبتي ياام العنوود ..
الله يخليك العنوود وتفرحين فيها ..

وربي كفيتي ووفيتي ...

الله يعطيك الف عافية ...
 

كيد النساء

مشرفة سابقة
يسلموا على المرور ملكة الخليج...

ام العنود مايامر عليك عدو ياقلبي
والله انك كفيتي ووفيتي والله يعطيك الف عافية حبيبتي ...
 
والله استفدنا من الموضوع ومن سؤال الأخت كيد النسا

:)

أماكن رائعة ، وبعضها ما زرتها أبدا

بنحاول نزورها قريبا

وفقكن الله يا ملكات
 

كيد النساء

مشرفة سابقة
يسلموا
آه ياقلبي على المرور ...



هذه بعض الإظافات للإفادة ..
وجدتها من خلال بحثي بالشبكة العنكبوتية
ليصبح الموضوع مرجع لمن يهمه الأمر :

ــــــــــــــــــــ

في شارع جميرا
قرب مركز ميركاتو، ثمة مركز اسمه تاون سنتر
في الطابق الثاني مقهى اسمه كافيه سيراميكا
اقصدوه واطلقوا لخيالاتكم الملونة العنان
هناك ترسمون وتلونون على السيراميك وانتم ترتشفون قهوتكم على بلكونة المقهى
ثم تعودون بعد أسبوع للحصول على تحفتكم العظيمة
لا تنسوا ان توقعوا عليها أو تبصموا


ـــــــــــــــــــــــــــــــــــــ


مدينة جميرا على رغم كل ما زرته في حياتي يبقى هذا المكان الأكثر الف بالنسبة لي حيث ممرات الماء وبامكانك ان تستقر في مقهى على البلكون العالي وترى برج العرب والمراكب تنقل الزوار من والى ...

ــــــــــــــــــــــــــــــــ

منتجع المها
يا الله ما أجمل ان تسكن بمكان وحيوانات المها تمشي من حوله مواكب
بنصف الصحراء تسبح! بمسبح مخصص للشاليه الصحراوي...

ـــــــــــــــــــــــ

-مرسى دبي
-مدينة جميرا
-وافي سنتر
-سكي دبي(مول الإمارات)
-وايلد وادي (بس الحينة بررررررررد)
-رويال ميراج(رووعة للعشا)
-فندق جبل علي(للعشاا رهيييييييب)
-باب الشمس (للاسترخاء .. خاصة إن الجو هاليومين رهيب)


ـــــــــــــــــــــ

وهناك دبي باتوBateaux Dubai أي يخت دبي يقومون بجولة في الخور مع عشاء وعلى هذا الرابط موقعهم وفيه رقم التليفون

http://www.jebelali-international.co.../overview.html

ــــــــــــــــــ

ومدينة جميرا

ومرسى دبي فيه مطعم واحد هندي يعمل بوفيه على الغداء بـ 40 درهم

لكن المجمع التجاري الصيني أنا ما عجبني على كبر مساحته الأغراض اللي موجودة فيه عادية وبسيطة ومكررة وما تناسب فخامة المبنى من الخارج

وفي مركز مب مشهور مثل المراكز الباقية إسمه مركز المنال لكن فيه محلات كثيرة تهم الملابس النسائية الخاصة وبالذات للي يتجهزون لمناسبات زفاف


ـــــــــــــــــــــــــ

فيه الشاطئ .. وهو بالجميرا .. ويطل مباشرة على برج العرب ... وهو بعد الجميرا بيتش مباشرة،
وهو شاطئ عام .. ونظيف ورائع هالوقت.

طبعاً، المارينا ووك .. وتلقاه بمارينا دبي بمنطقة الجميرا، حوالي الكيلو متر يطلّ على المارينا، يمتلئ بالمطاعم والمقاهي، جداً ممتع وهاادئ.

آب تاون مردف، أقرب وصف له هو كـ ساحة الكندي بالسفارات لو تعرفها .. وهُو بحيّ مردف، ساحة كبيرة، محاطة بالمحلات والمقاهي، يصلح للأطفال جداً!

مطعم ومقهى الكتاب ببرج العرب، مقسوم قسمين .. مقهى ومطعم ، تقدر تروح حتى لو ماكنت ساكن بالبرج .. بس لازم حجز!

فيه مطعمين بحريين بالجميرا بيتش .. جداً رائعين، وفيه واحد خشبي للأسف مايحضرني اسمه .. وهو داخل البحر ويدخل له عن طريق فندق القصر .. أكله لذيذ لكن أسعاره مرتفعة بعض الشئ ..

وعلى ذكر فندق القصر .. فندق رائع ومميز جداً واللوبي حقه رائع ودافئ ممكن تتقهوى فيه يوم ..
وبين ميناء السلام والقصر فيه مجموعة كبيرة من المطاعم الإيطالية والإيرانيه والأمريكية والمغربية بالإضافة إلى سوق ميناء السلام .. يعني يعتبر رحلة كامله وتقدر تقضي مسائك هناك

ــــــــــــــــــــــــ
 

aldana

New member
لااااااا يفوتك مطعم ريم البوادي ... ولا تنسين تاخذين اللاب توب معاك ...من جد هالمطعم ونيس جداً
وجلسته تعجبني .هذا إذا حصلتي طاوله تجلسين عليها بس صدقيني روعه ماراح تندمين
 

غصوون

New member
أم العنود الغالية بس حبيت أسئلج عن سوق عكاظ
وين مكانه بالضبط في أي شارع
أنا من العين وصراحة أول مرة أسمع عنه

وما قصرتي....
 

MAYA AHAMD

New member
السلام عليكم أختي
والله في أماكن كثيرة بس أنا بعطيكي مختصر أنا وين رحت
قعدنا في فندق كمبنسكي كثيير قريب من مول الامارات ما ياخذ دقيقتين مشي
و في مطعم الحلبي لذييذ جدا و في مطاعم غيره كثيير
و في سينما
وداخله في سكي دبي لازمممممممم اتجربو
http://www.malloftheemirates.com/ar/entertainment/ski-dubai
و ممكن تحجزو من هذا الموقع
و اذا بتيجو بالشتاء في كمان المارينا، ذا ووك، كايت بيتش، و في مكان جديد اسمو لا مير
 
الحالة
مغلق و غير مفتوح للمزيد من الردود.
أعلى