الالحاد والاخطاء التربويه

احصائياتى
الردود
2
المشاهدات
175

راجيه الرضا

مراقبة و متميزة أقسام نسوة
معلومات راجيه الرضا
إنضم
18 فبراير 2017
المشاركات
14,538
مستوى التفاعل
9,650
النقاط
113
الالحاد والاخطاء التربويه
لاحظنا في الفترة الأخيرة إن الإلحاد و الانحرافات السلوكية منتشرة بصورة كبيرة بين الشباب

و أكيد كتير مننا كأمهات حسينا بخوف و رعب على أولادنا ?

تعالوا نفكر إزاي نقدر نحمي أولادنا من الأفكار الشاذة عن الفطرة و عن الطبيعة الإنسانية اللي خلقنا عليها ربنا ؟

مبدأياً أي انحرافات سلوكية أساسها التربية من الطفولة .

أي أمراض نفسية أساسها الطفولة .

مفيش حد بيلجأ للإدمان و المخدرات و الإلحاد و الشذوذ إلا أما يكون وراه مشكلة نفسية نتيجة اخطاء في التربية.

يبقي دورنا كمربيين سواء آباء أو أمهات يكون عندنا وعي تربوي❤

الأساليب اللي بتدمر أي شخصية هي :
1_ النقد ( ذوقك يقرف... أسلوبك وحش _ خطك وحش _ أنت مبتفهمش)

2_ اللوم ( أنت السبب في إن أخوك يتعور... أنت سبب المشاكل... أنت منكد علينا عيشتنا.... أنت جبت لي الضغط.... أنت ليه نسيت ازازتك أنت عارف دي بكام؟)

3_ السخرية ( بقيت تخين و عامل زي(....) شعرها مش حلو ... أنتي ليه مش بيضة زي أختك كدة ؟ ماما نسيتك في الفرن..... عيطي عيطي يا عيوطة يا نكدية)

4_ المقارنة ( شايف أخوك أشطر منك إزاي ؟ حاول تبقى زيه..... صاحبك الله اكبر عليه مش زيك خايب.... كل زمايلك في الفصل فاهمين إلا أنت.... ابن خالتك أهو متميز و مخه حلو و حافظ قرآن أنت ليه مش زيه ؟)

و غيرها كتير من الكلام الجارح اللي كتير فاكرين إنه مش بيأثر و بيقولوا ده حلوف و لا بيفرق معاه....للأسف الكلام ده بيكون شخصيته و صورته عن نفسه ، و بيصدق إنه كده فعلاً و إنه فاشل و ملوش لازمة فيقرر في مرحلة المراهقة إنه يتخلص من كل مشاعر الحزن و القهر دي و يروح لأصحابه اللي هيحس معاهم إنه مهم و ممكن يلجأ للإنحراف السلوكي زي المخدرات مثلاً أو الشذوذ أو أي شئ سئ ،و بعدين يدخل في دايرة كره أكبر إن ربنا عمل فيه كده و يبقى غير راضي عن وجوده أساساً في الدنيا.... و يبدأ يشك في وجود الله اصلاً ( و العياذ بالله )

خصوصا الآباء اللي معاييرهم دنيا مش دين بمعنى (إننا بنطلب من أولادنا يلبسوا و يعملوا اللي يرضي الناس ..
عيب... الناس تقول إيه.... عندنا في العيلة لازم تبقي دكتور و هكذا...

معايير صح و غلط دي معايير بتختلف باختلاف المكان و الزمان و المجتمع، و ننسى إن المعايير الأساسية هي حرام و حلال.... دي معايير ثابتة و واضحة و ليها أساس قوي القرآن و السنة.

يبقى نعمل إيه..؟
ربوا أولادكم بالسنة... ربوا أولادكم كما علمنا رسول الله ( صل الله عليه وسلم)

اللطف و اللين و الرحمة و الحزم و الاقتراب من كل عمل يرضي الله و نبعد عن كل ما يغضب الله.

ندعو الله التوفيق و الثبات
#80Fekra
#صناع_العباقرة

#هبة_النويهي
 
التعديل الأخير:

Noufshamri

Well-known member
معلومات Noufshamri
إنضم
4 مايو 2020
المشاركات
1,036
مستوى التفاعل
1,141
النقاط
113
مشكوره راجية على الموضوع الهادف
بصراحه اصبح التفاخر بالالحاد والمثليه عند البعض كأنه بطل او هو شخص منفتح ومتطور ونحن ما زال تفكيرنا حجري مثل ما يقولون
الله يهدي شبابنا وبناتنا
ويبعد هالشي عن اولادنا يا رب
 

راجيه الرضا

مراقبة و متميزة أقسام نسوة
معلومات راجيه الرضا
إنضم
18 فبراير 2017
المشاركات
14,538
مستوى التفاعل
9,650
النقاط
113
مشكوره راجية على الموضوع الهادف
بصراحه اصبح التفاخر بالالحاد والمثليه عند البعض كأنه بطل او هو شخص منفتح ومتطور ونحن ما زال تفكيرنا حجري مثل ما يقولون
الله يهدي شبابنا وبناتنا
ويبعد هالشي عن اولادنا يا رب

عفوا اختي نوف فعلا الوضع اصبح مزريا عافانا الله وايتكم شكرا للمرور

???
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه