الاكتئاب خلاني ميته في جسد حي..صرت أتمنى الموت

[الحياه جدامي]

أنا وصلت لمرحلة اكتئاب شديده ما وصلتلها في حياتي أبدا..حياتي ويا زوجي سطحية جدا..مستحيل يلمسني ولا يحضني ولا شي!! هاجرني .. أنا جنوبية بحته ما أقدر أعيش بدون حنان و حب!! أفكر فالطلاق لأني مخنوقه من العيشه ويا انسان ما يحبني..كلمته وايد بس أخر مره كانت قبل 6 شهور و من هذاك الوقت و أنا أبلع و أسكت..كله طلع في صحتي لدرجة اني قمت أيلس عالكنب و حركتي قليله جدا من عقب ما كنت الجميله اللي اتخلي الروس اتلف مبهوره صرت ولا شي!! أريد أكلمه بس ما أعرف شو أقول أو كيف أبدأ لأنه ما أقدر أسكت و أبلع أكثر من جي!! في حد عنده حل؟؟؟؟؟

 

[روح الوفى]

حبيبتي الله يعينج بس حاولي تتقربين منة انتي وتغيرين حياتج واطلعي من حياة الياس وفرفشي وانتي تلزقي فية وشبعي منة وهو بيتغير مع الايام وادعي له والله يوفقج ​

 

[ملكة ببلقيس]

الله يكون بعونك
حبيبتي حاولي تعرفي الاسباب
اللي خلته هاجرك !!!!!!!!!

 

[راح الأمل]

زين شنو السبب ؟
عموما لازم تتكلمين معاه لاتسكتين
لا تخلين شيء بقلبك ولا راح صج تموتين
بعد الشر من الأمراض ، حاولي تغيرين من حياتج
كل شيء بحياتج وأهم شيء ناقشيه
والله كريم ويفرج عليج​

 

[ميميvip]

مشكلتك مو واضحه كم لك متزوجه وعندك عيال وكيف مايحضنك وهل ينام معك وبعدين من لقبك الحياة قدامك ان شالله لاتأيسيني ورح ان شالله نساعدك بس وضحي مشكلتك

 

[شيخة المعازيم]

السلام عليكم...
عزيزتي ...
اتمنى تراجعين نفسش وتسألين عمرش؟؟؟
هل اغضبتي الله كثيرا ...
هل فعلتي ما حرم الله ؟؟؟
هل تزينتي وخرجتي امام الرجال سواء بقصد ام لا؟؟
يعني انا لقطت من كلامش انش انك جميله وانك كنتي تديرين الرؤوس ...
يا ترى من الذين كنتي تديرين رؤوسهم؟؟؟؟؟
شوفي انا مني داعيه ولا ادعي معرفتي الكبيرة بالدين برغم اني احاول ولي اخطائي
بس في اشياء كثيرة احس ان المرأة اذا سوتها بتحصلها في الدنيا
عفي نفسش وتوجهي الى ربش تذكري نحن ما جينا للدنيا نعبد رياييلنا
جينا نعبد ربنا وان اخطأنا وان زلينا وان اسهتنا الدنيا لازم نرجع ...لربنا الكريم الرحيم
الحين انتي اكتئاب وحاله وبتموتين عشان ريلش
صح هذا الشيء مؤلم بس لو توقفتي دقيقه مع نفسك امكن ذنوبك ربي اراد ان يغفرها لك
قد يكون امتحان لصبرك ...
ان امر المسلم كله خير تذكري هذي المقوله جيدا...
ونحن ما خلقنا عشان نعيش سعداء في الدنيا لازم نتعب ونشقى
رجعي الى ربك وعالجي نفسك بقراءة القراءن والصلاة والصوم والصبر
والله يرجع عقل زوجك اذا كان هو فعلا غلطان ...
وسامحيني ان غلطت او قسيت...​

 

[ناناسي]

حبيبتي حاولي تبادرينه يمكن يفيد وياه

 

[ريح خزامى]

وش السالفة بالضبط؟؟

اكيد فيه مشاكل عشان كذا مايحضنك!!!

يمكن زعلان من شي!!!

 

[عنقود عنب]

وضحي اكثر اختي

وان شاء الله نقدر نساعدك

ربي معك

لكن صدقيني ما في احد يستاهل انك تموتي نفسك عشانه ابدا

 

[أم فهد 123]

اختي اولا اذا اهتميتي بنفسج فهذا اولا لج ويحسن من نفسيتج وتكونين احسن وتتحسن العلاقة مع زوجك ان شاء الله

 

[عسكريمه...]

الرجل مايستاهل هذا كله

ليش تموتين عشان ماحضنك

تبين حضن روحي احضنيه والشي اللي تحسين فيه من نقص قوليه له

الدنيا ماتسوى تهدرين صحتك وتهملين واجباتك (وان لنفسك عليك حقا)

كل اللي تبينه خذيه من زوجك بنفسك واطلبيه صريح بدون نكد لاتنتظرين منه المبادره كل الرجاجيل كذا


شوي ربك يمكن انك قصرتي والله يبيك تلجئين له بالدعاء والاستغفار وهو خير معين لك

 

[عسل أصلي]

اذا كنت متردده في مواجهتة اكتبي له رسالة بكل مافي خاطرك باسلوب حلو طبعا"اول الرسالة امدحي واثني على اي شيء يسويه من اجلك ولوبس انه يتعب في ذهابة للعمل ومشاكل العمل اي (الله يعطيك العافية انت تتعب في عملك والله يعلم قد ايش انا اتمنى اساعدك حتى لو معنوين, واذا لكم بيت ملك اشكريه لانه أمن لكم سكن فهذة امور تهمه كثير وبعد هذة الكتابة اطلبي في رسالتك منه ان يلتفت لكي وانكي بحاجه لحضنة الدافيء ولحركاته الرهيبة التي اشتقتي لها واذكري اي حركة سواها لكي ولو بسيطة وماتذكر (لكن لها انطباع كبير عند الزوج اذا مدحتي حركاتة وحسستيه انه شبعك ولو بقليل ستحصلين على الكثير ان شاءالله)
الله يفرج همك رددي( لا اله الاأنت سبحانك اني كنت من الظالمين)لاتتركينها في كل دقيقة وسترين الفرق ان شاءالله

 

[روور545]

السلام عليكم...

عزيزتي ...
اتمنى تراجعين نفسش وتسألين عمرش؟؟؟
هل اغضبتي الله كثيرا ...
هل فعلتي ما حرم الله ؟؟؟
هل تزينتي وخرجتي امام الرجال سواء بقصد ام لا؟؟
يعني انا لقطت من كلامش انش انك جميله وانك كنتي تديرين الرؤوس ...
يا ترى من الذين كنتي تديرين رؤوسهم؟؟؟؟؟
شوفي انا مني داعيه ولا ادعي معرفتي الكبيرة بالدين برغم اني احاول ولي اخطائي
بس في اشياء كثيرة احس ان المرأة اذا سوتها بتحصلها في الدنيا
عفي نفسش وتوجهي الى ربش تذكري نحن ما جينا للدنيا نعبد رياييلنا
جينا نعبد ربنا وان اخطأنا وان زلينا وان اسهتنا الدنيا لازم نرجع ...لربنا الكريم الرحيم
الحين انتي اكتئاب وحاله وبتموتين عشان ريلش
صح هذا الشيء مؤلم بس لو توقفتي دقيقه مع نفسك امكن ذنوبك ربي اراد ان يغفرها لك
قد يكون امتحان لصبرك ...
ان امر المسلم كله خير تذكري هذي المقوله جيدا...
ونحن ما خلقنا عشان نعيش سعداء في الدنيا لازم نتعب ونشقى
رجعي الى ربك وعالجي نفسك بقراءة القراءن والصلاة والصوم والصبر
والله يرجع عقل زوجك اذا كان هو فعلا غلطان ...

وسامحيني ان غلطت او قسيت...​

كلامك صحيح :clap: يجب أن نحاسب أنفسنا لتعم السعادة بيوتنا

 

[محرومه من زوجي]

بس ياليت يالغاليه...توضحين اكثر...هل فيه مشاكل.,

 

[ahzan gulb]

اختي اهتمي بنفسج وجمالج لج مو بس لزوجج
يمكن انتي ما كنتي متزوجة ولا اتزوجتي يعني بتهملين نفسج لين تحصلين زوج تتجملين له!!!!!


بادري انتي واعرفي انه زوجج وهذا حقج وفاجايه باشيا يديدة واستقبليه بالحضن لا وصل البيت
نومية بالليل ببوسة وكلمة تضبح على خير واقروا مع بعض اذاكار الليل

غيري من نفسج وشكلج خليج دايما مبتسمة ومتزينة وحلوة جذي

رجعي لربج دوم واذكريه دوم والله كريم

 

[الحياه جدامي]

اختي اهتمي بنفسج وجمالج لج مو بس لزوجج
يمكن انتي ما كنتي متزوجة ولا اتزوجتي يعني بتهملين نفسج لين تحصلين زوج تتجملين له!!!!!


بادري انتي واعرفي انه زوجج وهذا حقج وفاجايه باشيا يديدة واستقبليه بالحضن لا وصل البيت
نومية بالليل ببوسة وكلمة تضبح على خير واقروا مع بعض اذاكار الليل

غيري من نفسج وشكلج خليج دايما مبتسمة ومتزينة وحلوة جذي

رجعي لربج دوم واذكريه دوم والله كريم

محد مهتم بنفسه من كل الناس الي حوالي كثري.. أرجع من الدوام أتسبح و أتسشور وأحط مكياج عالموضه و لبسي متجدد من بناطلين و شورتات و فساتين قصيره و تنانير آآآخر موضه و يعرف انه هذا له لنفسي مب اله و يمدحني بعد بس ما بيقرب صوبي لأنه خوااااااااااااااااااااااااان!!! و كلللللل الي أريده مجاااااااااااااب و يطلعني و يتحمل من ولدي و ضحك و سوالف بس ما يقربني اذا يت يده على يدي بالغلط كأنه مسكته كهربه....وعن الاخت الي قالت عن الدين أنا مش سفور أنا منقبه و محتشمه و اللي اتدور رؤوسهم حريم!! والحمدالله أخاف اله و ملتزمه و ما أسمع أغاني بس سبحان الله في حياتي ما فقدت الأمل كثر هالفتره...اذا أطلع من بيتي أنا بخير و أحبه أموت عليه بس اذا أدخل البيت أتم أصيح و أفكر فالطلاق..

 

[الحياه جدامي]

الرجل مايستاهل هذا كله

ليش تموتين عشان ماحضنك

تبين حضن روحي احضنيه والشي اللي تحسين فيه من نقص قوليه له

الدنيا ماتسوى تهدرين صحتك وتهملين واجباتك (وان لنفسك عليك حقا)

كل اللي تبينه خذيه من زوجك بنفسك واطلبيه صريح بدون نكد لاتنتظرين منه المبادره كل الرجاجيل كذا


شوي ربك يمكن انك قصرتي والله يبيك تلجئين له بالدعاء والاستغفار وهو خير معين لك

أنا جريئه و أطب منه بدون ما أستحي بس كنت أحصل الصد حطي نفسج مكاني .. ما بتنجرح أنوثتج؟؟!!؟!؟!؟!

 

[أنيقة]

اختي اولا اذا اهتميتي بنفسج فهذا اولا لج ويحسن من نفسيتج وتكونين احسن وتتحسن العلاقة مع زوجك ان شاء الله

اهتمي بنفسج وبنفسيتج بالاول اختي... وعقب فكري في زوجج وكيف تحلين الوضع وياه!!
واذا كنتي تنتظرينه يرحمج وتكسرين خاطره فإنتي غلطانه.. اسمحي لي اقولج اذا انتي مارحمتي نفسج
ولا حبيتي نفسج كيف تبين هالرجل انه يحبج!!!!!! فتحي عيونج الغالية..