بسم الله الرحمن الرحيم
ااطفالى
كتير منا الكلمة دى مهمة اوى بالنسبة ليه ممكن توصل انها تكون الدنيا كلها لكن برده فيه مننا الكلمة دى ملهاش اى معنى بالنسبه ليه مع ان الله سبحانه وتعالى خلق فينا حب اولادنا بالفطرة لكن ليه فيه اباء وامهات كلهم حنان وعطف على اولادهم وناس تانية يرموا اولادهم فى الشارع ويعيشوا حياتهم
" مش عارفة"
يس اللى متاكدة منه ان الناس دى ربنا غضبان عليهم لان منع عنهم نعمة الاولاد
الموضوعات بتاعتنا حتتكلم بس مع الناس اللى عندها قلب وبيقدروا نعمة الاطفال
لكن السؤال هل اطفالنا بالنسبة لينا فعلا نعمة ولا فيه ناس اولادهم من تصرفاتهم وسلوكهم بيقولوا فى نفسهم انهم نقمة عليهم وابتلاء كمان من عند ربنا سبحانه وتعالى
سلوك طفلك انتى اللى بتحدديه من يوم ولادته
ازاى ؟
ايه الطريقة اللى تخلى طفلى سلوكياته زى مانا عاوزة؟
ازاى اقدر اتعامل معاه وافهمه من غير عند ولا سيطرة؟
والاهم ازاى امنع الصراخ والصوت العالى وانا بتكلم معاه وافهمه؟
وحاجات تانية كتير ان شاء الله نتكلم فيها بالتفصيل مباشرة من خلال موضوعاتنا علشان نوصل مع بعض للتربية الصح والاساس اللى يخليكى مطمئنة على ابنك حتى لما يكبر ان شاء الله
بس فيه حاجة مهمة جدا عاوزة الفت النظر ليها قبل مانبتدى مشوارنا مع اولادنا:
سلوك اطفالنا معقد جدا ممكن نقومه ببعض التوجيه للاب والام بدون التعامل المباشر مع الطفل وده بيكون سلوك عادى بيصدر من الطفل لكن الاب والام هما اللى تعاملوا معاه غلط من البداية علشان كده اتحول لمشكلة ليهم بعد كده بس سهل اصلاحه بمساعدة من الاب والام.
وفيه سلوك تانى بدايته كانت مشكلة بسيطة واجهها الطفل ومعرفش يتغلب عليها وتطور حتى وصل للسلوك المرضي وده لازم فيه تدخل مباشر ويحتاج لعدد من الجلسات عددها حسب حالة الطفل لكن علاجها ان شاء الله مش صعب
مين اللى بيحدد ده ؟
بالرغم من تخصصى فى تعديل سلوك الطفل لكن عمرى ماحاعرف ابنك اكتر منك انتى اكتر حد ممكن تحددى سلوك طفلك بتحديد تصرفاته والظروف المحيطة بيه بكل صراحة وبدون خجل ونقلها للاخصائى لانه مش شايف ولا عايش مع ابنك علشان يقدر يبنى خطة سليمة ليه بدون مساعدتك وطبعا الكلام ده موجه للاب والام
واللى مش حيقدر يحدد نوع المشكلة ان شاء الله نكون مع بعض ونمشى خطوة خطوة بدون يأس ولا ملل ولا اهمال من اى طرف علشان نقدر نتمتع بحياتنا مع اولادنا لان كل طفل من اطفالنا لازم فى فترة ما يظهر عليه اضطراب معين لو لم يوجه بالطريقة الصح حيتحول لمشكلة سلوكية خطيرة ممكن معرفش اصلحا بعد كده ياريت اللى عندها مشكلة مع ابنها او بنتها تعرضها وان شاء الله يكون فيه حل وانا حاعرض ليكم فى الموضوعات القادمة خبرات سابقة مررت بها اثناء عملى للاستفادة منها فى الحالات المشابهة ويارب يمتع اولادنا دايما بالصحة :a200:
ااطفالى
كتير منا الكلمة دى مهمة اوى بالنسبة ليه ممكن توصل انها تكون الدنيا كلها لكن برده فيه مننا الكلمة دى ملهاش اى معنى بالنسبه ليه مع ان الله سبحانه وتعالى خلق فينا حب اولادنا بالفطرة لكن ليه فيه اباء وامهات كلهم حنان وعطف على اولادهم وناس تانية يرموا اولادهم فى الشارع ويعيشوا حياتهم
" مش عارفة"
يس اللى متاكدة منه ان الناس دى ربنا غضبان عليهم لان منع عنهم نعمة الاولاد
الموضوعات بتاعتنا حتتكلم بس مع الناس اللى عندها قلب وبيقدروا نعمة الاطفال
لكن السؤال هل اطفالنا بالنسبة لينا فعلا نعمة ولا فيه ناس اولادهم من تصرفاتهم وسلوكهم بيقولوا فى نفسهم انهم نقمة عليهم وابتلاء كمان من عند ربنا سبحانه وتعالى
سلوك طفلك انتى اللى بتحدديه من يوم ولادته
ازاى ؟
ايه الطريقة اللى تخلى طفلى سلوكياته زى مانا عاوزة؟
ازاى اقدر اتعامل معاه وافهمه من غير عند ولا سيطرة؟
والاهم ازاى امنع الصراخ والصوت العالى وانا بتكلم معاه وافهمه؟
وحاجات تانية كتير ان شاء الله نتكلم فيها بالتفصيل مباشرة من خلال موضوعاتنا علشان نوصل مع بعض للتربية الصح والاساس اللى يخليكى مطمئنة على ابنك حتى لما يكبر ان شاء الله
بس فيه حاجة مهمة جدا عاوزة الفت النظر ليها قبل مانبتدى مشوارنا مع اولادنا:
سلوك اطفالنا معقد جدا ممكن نقومه ببعض التوجيه للاب والام بدون التعامل المباشر مع الطفل وده بيكون سلوك عادى بيصدر من الطفل لكن الاب والام هما اللى تعاملوا معاه غلط من البداية علشان كده اتحول لمشكلة ليهم بعد كده بس سهل اصلاحه بمساعدة من الاب والام.
وفيه سلوك تانى بدايته كانت مشكلة بسيطة واجهها الطفل ومعرفش يتغلب عليها وتطور حتى وصل للسلوك المرضي وده لازم فيه تدخل مباشر ويحتاج لعدد من الجلسات عددها حسب حالة الطفل لكن علاجها ان شاء الله مش صعب
مين اللى بيحدد ده ؟
بالرغم من تخصصى فى تعديل سلوك الطفل لكن عمرى ماحاعرف ابنك اكتر منك انتى اكتر حد ممكن تحددى سلوك طفلك بتحديد تصرفاته والظروف المحيطة بيه بكل صراحة وبدون خجل ونقلها للاخصائى لانه مش شايف ولا عايش مع ابنك علشان يقدر يبنى خطة سليمة ليه بدون مساعدتك وطبعا الكلام ده موجه للاب والام
واللى مش حيقدر يحدد نوع المشكلة ان شاء الله نكون مع بعض ونمشى خطوة خطوة بدون يأس ولا ملل ولا اهمال من اى طرف علشان نقدر نتمتع بحياتنا مع اولادنا لان كل طفل من اطفالنا لازم فى فترة ما يظهر عليه اضطراب معين لو لم يوجه بالطريقة الصح حيتحول لمشكلة سلوكية خطيرة ممكن معرفش اصلحا بعد كده ياريت اللى عندها مشكلة مع ابنها او بنتها تعرضها وان شاء الله يكون فيه حل وانا حاعرض ليكم فى الموضوعات القادمة خبرات سابقة مررت بها اثناء عملى للاستفادة منها فى الحالات المشابهة ويارب يمتع اولادنا دايما بالصحة :a200: