اكون ممنونه لكم لو ريحتو قلبي

[ام فاارس]

السلام عليكم ورحة الله وبركاته

وبعد اخوتي العزيزة اليوم انا اطلب من اللهثم منكم ايجاد حال لي وتريحوني من التعب الي انا فيه
انا متزوجه صار لي 5 سنوات وعندي ولد والله الحمد لحظة في اسابيع الي فاتت تغير زوجي علي ماعاد يهتم لي ولايسلوف معي وكله معصب علي ولا قلتله كلمه زعق وسبب مشكله من لاشي
تعبت وانا اداريه واحاول ارضيه مع ان الله وحده يعلم اني ماني مقصره معه بشي ولكن لاادري ماسبب سالته وقال مافيني شي وان سالتيني مره ثانيه والله لوديك اهلك ولاعاد تشوفين وجهي وانا وربي مجروووحه تعبت اداري مالحل جزاكم الله خير

تحياتي لكم

 

[صبيه شقيه]

انا اشوف انك تطنشينه يااختي ولاتفتحين سوالف معاه بس لو سالك ردي
وعادي بيني انج مبسوطه والعبي مع ولدج طول اليوم وتكشخي والبسي بس طنشي زوجك وقتها بيحس انج مو مهتمه فيه يمكن الرجال مل من الروتين في حياتكم
وفي نفس الوقت راقبيه بس من بعيد لبعيد بدون مايحس
الله يسخره لك يارب

 

[همس اللييل]

يمكن صارت لريلج مشكله وهو متضايق عشان جذي تغير عليج قبل فتره ...يعني فتره وتعدي ..حاولي تسالينه ليش متضايق واذا ماايبي يقول خليه على راحته وحاولي ماتتزاعلين معاه في هالفتره وسويله جو في البيت عشان كلما يرد يحس بالراحه وانشالله يرد لج مثل قبل ..

 

[ليه الهجر]

اصبري عليه عزيزتي

وتجنبيه حاليا

يمكن يمر بظروف

والرجال غالبا كتومين

 

[يقين الحب]

انا مع الاخوات اللي ينصحوج بالابتعاد عنه هذه الفتره لان باين انه في شي مضايقه ولا تخافي ممكن يكون مشاكل بالشغل انتي اللي عليك انك توفريله الراحه والهدوء بالبيت واشغلي نفسك عنه لا تراكضين وراه وان شاء الله هي فتره وتعدي

 

[مغريه]

اتركيه ياروحي اتركيه
يمكن متضايق من الدوام او بسالفه تخص بره البيت لا تساالينه
وابعدي عنه الحين اكشخي واضحكي وعيشي حياتج
واذا عصب لا تردين عليه ولا تزعلين منه
ومع الوقت راح يرجع طبيعي
الله يهديه ويخليه لكم

 

[دانة القصيم]

شوفي ياقلبي

انتي مالك الا الصبر وقومي بواجـــباتك على اكمل وجه

واذا حسيتي في يوم من الايام انه مروق شوي كلميه وقولي له انا مايهنا لي لقمه احطها

بحلقي وانت متضايق مني

اذا كنت متضايق مني قلي واذا صار مو مني براحتك ياقلبي ..,,

والله يوفقك ويسخره لك ..,,​

 

[وزيرة]

إذا تبين رأيي لاتحتكي فيه هالفترة وكوني في أبهى حله دائما ولاتسأليه أبد

 

[nany2009]

الله يهديه ويسخره لك
بس يمكن عنده مشكله في شغله اوي شيء شاغله ومدايقه
بلاش تلحي عليه في السؤال المهم انك مش مقصرة معاه وان شاء الله ربك بيصلح لك الحال
اهتمي بنفسك وابنك واكثري من الدعاء وداومي علي قراءة سورة البقرة في البيت والاستغفار

 

[ام فاارس]

جزاكم الله الف خيررر وربي ماتدرون وش كثر متضاااايقه
ونفسيتي مايعلم بها الاالله والشكوه لغير الله مذله
بس شسوي انتو خواتي ومالي غيركم استشيره
والله يصلح ماعطاء

اشكركم من كل قلبي

والله يعطيكم العافيه